ஞாயிறு, 3 டிசம்பர், 2017

பல்ப் வாங்கிய கதை.. Literally!

தண்டம்...

அலை பேசியில் அலறினேன்...

சொல்லு வாத்தியாரே.. என்ன பதறுற..அம்மணி கண்டு பிடிச்சிட்டாங்களா?

என்ன சொல்ற?

பொதுவா சொன்னேன்.. இந்த வாய்ஸில் நீ கூப்பிட்டானா... அம்மணி கண்டி பிடிச்சிட்டாங்கனு தானே அர்த்தம்.

ரொம்ப அவசியம்..

சரி சொல்லு வாத்தியாரே..

உடனே என் வூட்டுக்கு போய் அம்மணியை ஏதாவது சொல்லி  ஒரு அரைமணிநேரத்துக்கு வெளியே கூட்டினு போ.. ப்ளீஸ்..

ஓ... விஷயம் அப்படி போதா? என்ன பண்ண?

டேய் .. தேங்க்ஸ் கிவ்விங் அன்னைக்கு நீ இதே மாதிரி போன் பண்ணும் போது நான் ஏதாவது கேட்டேனா?

ஆர்வ கோளாறுதான்.. என்ன பண்ண?

டேய்..அப்புறம் விவரமா சொல்றேன்.. ப்ளீஸ்.. சீக்கிரம்... ஏதாவது சொல்லி கூட்டினு போ.. பக்கத்துக்கு தெருவில் சட்டி ஒன்னு வாங்கனா.. அகப்பை இலவசம்னு ஏதாவது சொல்லி கூட்டினு போ .. ப்ளீஸ்..

வியாழன், 30 நவம்பர், 2017

மென் பொறியாளனும் மேன்மையான கணக்கு பிள்ளையும்!

ஏங்க.. ஒரு மாசமா கண்ணாலம் - பிறந்தநாள்-லொட்டு லொசுக்குன்னு சொல்லினே ஒரு முக்கியமான காரியத்தை கோட்டை விட்டுடுங்களே...

அலறினே  வந்தார்கள்..  எங்கள் இல்லத்தின் அம்மணி...

இல்லையே.. கல்யாணம் - பிறந்தநாள் - லொட்டு லொசுக்கு எல்லாம் நல்லாதானே போச்சி.

அது நல்லாத்தான் போச்சி.. உங்க எடையை கடைசியா எப்ப செக் பண்ணீங்க?

அதை எதுக்கு செக் பண்ணனும்? தலைவர் பாணியில் எடைக்கு எடை ஏதாவது தரபோறீயா?

நினைப்பு தான் பொழப்ப கெடுத்திச்சான்.

சரி விடு ... எடையை பத்தியே  நினைக்கலே..

பக்கத்துல தான் ஜிம் இருக்கு .. போன மாசம் கூட ஒழுங்கா போனீங்க... இப்ப ஒரு மாசமா போகல.. அங்கே போய் கொஞ்ச நேரம் சைக்கிள் ஓட்டிட்டு அந்த மிசன் மேலே நடந்துட்டு வாங்க..

பேச கூடாது... வெறும் பேச்சில்...?

நான் ஏற்கனவே நிறைய இடத்தில எழுதிய ஒரு விஷயம் தான்..

என்னை வானவில்லை வளைக்க சொல்லு..
பாத்திரத்தை கழுவ சொல்லு..
வீட்டை சுத்தம் படுத்த சொல்லு...
என்ன வேலையினாலும் சொல்லு ..

பாஷாவில் ரஜினி சிரிச்சினே அடிவாங்குவாரே.. அதே பாணியில் செய்யுறேன்.. அனால் கடைக்கு மட்டும் கூப்பிடாத.. அதுக்கு பதிலா என்னை   கொன்னு போட்டுடுன்னு அம்மணியிடம் சொல்லி  வைத்துள்ளேன்.

கடைக்கு போவது அவ்வளவு பிடிக்காத காரியம். அப்படியும் சில நேரங்களில் அம்மணி.. அருகே உள்ள அமெரிக்க சூப்பர் மார்க்கெட் மற்றும் காஸ்ட்கோ போல கடைக்கு போக வேண்டும் என்று அனுப்பி விடுவார்கள். வேறு வழியிலில்லாமல் அவர்கள் தந்த லிஸ்ட்டை எடுத்து கொண்டு கடைக்கு சென்று வாங்கி வருவேன். இந்த அமெரிக்க கடைகளில் பார்கைன் (அதுக்கு தமிழில் என்ன வார்த்தை)  என்ற பேச்சுக்கே இடம் இல்லை. நேராக போகிறோம். வேண்டியதை எடுத்து கொண்டு பணத்தை கட்டி விட்டு நேராக வீடு தான்.

புதன், 29 நவம்பர், 2017

நடுவுலே மானே தேனே போட்டுக்குங்க.

அமெரிக்காவில் "Stand Up" என்று ஒரு மேடை பேச்சு உண்டு. நகைச்சுவையோடு பேசும் நபர் ஒருவன் மேடைக்கு வந்து பேச சபையோர் சிறிது கை கொட்டி ஆரவரிப்பார்கள்.

இந்த நிகழ்ச்சியை மிகவும் விரும்பி பார்ப்பவன் நான். இதில் பலரை நான் ரசித்தாலும் எனக்கு மிகவும் பிடித்த நபர் George Carlin. என்ன ஒரு பேச்சு? எந்த ஒரு தலைப்பை எடுத்தாலும் நூல் பிடித்தவாறு அவர் சொல்லி கொண்டு போகும் விதம் நம்மை வயிறு வலிக்க சிரிக்க செய்யும்!

அரசியல்வாதிகளை பற்றி அவர் பேசியதை இங்கே மொழி பெயர்கிறேன். இதை படிக்கும் பொது .. இதில் ஏது நகைசுவை ? எங்கே சிரிப்பு என்று நினைக்க தோன்றும். படித்து முடித்து விட்டு அந்த காணொளியை காணுங்கள். அரங்கமே அதிரும் அளவிற்கு சிரிப்பு.


திங்கள், 27 நவம்பர், 2017

பால் இருக்கு....

நாலு நாட்கள் தொடரந்து விடுமுறை..

ஆட்டம் பாட்டம் போட்டு விட்டு அசதியினால் ஞாயிறு 7  : 30  உறங்க சென்றவனை .. காலை 5  :45 க்கு அம்மணி எழுப்ப...

இன்னைக்கு திங்கள் அவளுக்கு 7 :30  மணிக்கு பள்ளியில் விட்டா போதும். ஆளை விடு.. இன்னும் அரை மணி நேரம் ப்ளீஸ்.

ஏங்க.. கொஞ்சமா பொறுப்பா இருங்க..

பொறுப்பா  இருக்குறனால தான் இம்புட்டு பொறுமையா பேசினு இருக்கேன்.. இல்லாட்டி நடக்குறதே வேற..

என்ன சொன்னீங்க...?

சொல்லு...

அவளை பாருங்க.. ஒரே கால் வலின்னு முனகின்னு இருக்கா.. கொஞ்சம்.. என்னனு விசாரியுங்க..

அட பாவி.. நேத்து தூங்க போகும் போது எனக்கும் கால் வலின்னு சொன்னேன்னு.. அதுக்கு, இது எல்லாம் வலி இல்ல.. மனபிராந்தி ..விஸ்கி .. ரம்ன்னு சொல்லிட்டு கம்முன்னு இருந்தியே..

ஞாயிறு, 26 நவம்பர், 2017

தக்காளி ... என்கிட்டயேவா?

ஏங்க...

சொல்லுங்க..

மதியம் சாப்பாட்டுக்கு மாதவன் குடும்பத்தை கூப்பிட்டு இருக்கேன்..

சந்தோசம்...நைஸ் கப்பில்.. புருஷன் பொண்டாட்டி ரெண்டு பேரும் அம்புட்டு படிச்சி அம்புட்டு பெரிய வேலையில் இருந்தாலும் என்னே ஒரு தாழ்மை.. என்னே ஒரு பொறுமை.. மேன் மக்கள் மேன் மக்களே..

சூப்பரா சொன்னீங்க.. எனக்கு ஒரு சந்தேகம்?

சொல்லு..

கோச்சிக்க மாட்டீங்களே..

சரி வேணாம் விடு..

இல்ல சொல்றேன்..

சொல்லு..

இப்ப அவங்க ரெண்டு பேரை அம்புட்டு நல்லவங்குன்னு  இம்புட்டு பாராட்டினீங்களே.. நம்மளை யாராவது அப்படி சொல்லுவாங்களா?

தூங்காதே விசு தூங்காதே..

இவரு இப்ப எல்லாம் ரொம்ப சோம்பேறி ஆகிட்டார்..

நன்றி திருவிழா கொண்டாட்டத்தில் தோழி  ஒருவரிடம் அம்மணி முணுமுறுத்தார்.

என்ன சொல்றீங்க?

ரொம்ப சோம்பேறி ஆகிட்டார்.

அப்படினா.. நீங்க தவறிட்டிங்கன்னு  தான் சொல்லணும்...

நான் எங்கே தவறினேன்... அவரு தான் சோம்பேறி ஆகிட்டாரு..

அவரை சோம்பேறி ஆக்க விட்டது நீங்க தானே..

எப்படி?

ஒரு நிமிஷம் உக்கார விடாம தொடர்ந்து வேலை கொடுத்தா எப்படி சோம்பேறி ஆவார்?

புரியல? தொடர்ந்து வேலை? எப்படி? உதாரணத்தோடு சொல்லு..

சனி கிழமை காலையில் எழுந்தவுடன்..

எழுந்தவுடன்...

சனி, 25 நவம்பர், 2017

வியட்நாம் வீடு விசுவாசம்

ஒவ்வொரு வருடமும் நவம்பர் மாதம் நான்காம்  வியாழன் அன்று நன்றி திருநாள் (Thanks Giving Day) இங்கே கொண்டாடப்படும்.

வியாழக்கிழமை அன்று இந்நாள் கொண்டாட படுவதால் தொடர்ந்து வரும் வெள்ளியும் சேர்த்து விடுமுறை என்பது எழுத படாத சட்டம். அதனால் தொடர்ந்து நான்கு நாட்கள் விடுமுறை.

இந்த நாள் எப்படி ஆரம்பிக்க பட்டது என்று ஏராளமான கதைகள் உண்டு. அதில் சோகம் - சந்தோசம் - ஒற்றுமை - வெறுப்பு - சமாதானம் - போர் - கொள்ளை - கொலை என்று பல அம்சங்கள் உண்டு.

கனி இருக்க காய் எதற்கு என்பதை போல்.. நான் இதில் உள்ள நல்ல விடயங்களை கொண்டாடுவேன்.

நன்றி...

இந்நாளில் குடும்பத்தினர் அனைவரும் ஒன்று கூடி.. உணவு மேசையை சுற்றி  அமர்ந்து கடந்த ஒரு வருடத்தில் தங்களுக்கு நேர்ந்த நல்ல காரியங்களை கூறி அதை தமக்கு ஈர்ந்தொருக்கு நன்றி அனைவருக்கு எதிரேலேயும் நன்றி கூறுவார்கள்.

புதன், 22 நவம்பர், 2017

அப்பா என்றழைக்காத உயிர் இல்லையே...

அலை பேசி அலறியது..

இரவு 9 :40

காலை ஐந்து மணிக்கு வேலைக்கு சென்று வந்த அசதியோடு அம்மணி தூங்க, அவர்கள் எழுந்துவிட கூடாதே என்று அடித்து பிடித்து எடுத்து வெளியே அடுத்த அறைக்கு போய்..

ஹலோ..

டாடா..

மூத்தவள் தான்.

நன்றி திருநாள்  (Thanks Giving Day) விடுமுறைக்கு வருகின்றேன் என்றாள்.. ஒன்னும் செய்தி வரவில்லையே என்று இருந்தேன்.


மகள்.. எங்க.. வீட்டுக்கு வரேன்னு சொன்னீயே..?

இல்லை டாடா.. ரொம்ப பிசி.. முடியாதுன்னு நினைக்கிறேன்.

அய்யயோ ... உங்க அம்மா ரொம்ப பீலிங் ஆயிடுவாங்க.. ப்ளீஸ் வா..!

அம்மாட்ட சொல்லிட்டேன்.. ஷி அண்டர்ஸ்டாண்ட்ஸ்..

ஐயோ.. உனக்கு பிடிக்கும்னு..

நான் பிசி  டாடா.. அடுத்த மாசம் பாக்கலாம்..

ஞாயிறு, 19 நவம்பர், 2017

ஆண்கள் தினமும் முருங்கை மரமும்...

வெள்ளி மாலை  உறவினர் இல்லத்தில் ஒரு நிகழ்ச்சிக்காக நானும் இளையவளும் செல்ல (மூத்தவள் கல்லாரியில் - அம்மணியோ பணியின் நிமித்தம் வெளியில்.. என்ன விசு? எப்ப பாரு அம்மணி பணி  நிமித்தம் வெளியிலன்னு  சொல்றீயா? என்று கேட்பவர்களுக்கு.. Some one has gotta pay the bills you see... )

வீட்டில் உள்ள பென்ரில்யில் (Pantry ) வெள்ளி இரவு சென்று நோட்டமிட்டால் சனி கிழமை மளிகை கடைக்கு போக வேண்டுமா இல்லையா என்று தெரிந்து விடும்.

வெள்ளி மாலை  உள்ளே சென்றேன்.. நோட்டமிட்டேன். கண்டிப்பாக கடைக்கு போக வேண்டிய அவசியம் உள்ளது என்று அறிந்து..

காலையில் எழுந்தவுடன்...

இன்னைக்கு தோட்டத்துல எனக்கு பயங்கர வேலை இருக்கு.. கிட்ட தட்ட நாலு மணி நேரம் வேணும்..

ஐயையோ... மளிகை கடைக்கு போகணுமே.. "தேங்க்ஸ் கிவ்விங்" வருதே..

தயவு செய்து நீயே போய்ட்டு  வா.. இந்த தோட்ட வேலைய இன்னைக்கு முடிச்சே ஆகணும்.. என்று சொல்லி...

வீட்டின் பின்  புறம் செல்ல..

வெள்ளி, 17 நவம்பர், 2017

தலீவர் தலீவர் தான்.. என்னமா ஒரு கவிதை !

இன்னாதான் சொல்லுங்க..

தலீவர் தலீவர் தான்.. என்னமா ஒரு கவிதை!


விளக்கை அணைத்து விட்டு வீட்டுக்குள் புகுந்த திருடன்
அகப்பட்டதை சுருட்டி கொண்டு அகப்படாமல் ஓடியதை போல்
அருப்புக்கோட்டை நெல்லை தொகுதிகளை வென்று விட்டான்...

வியாழன், 16 நவம்பர், 2017

நான் ஒரு முட்டாளுங்க..

ஏங்க...

இன்னாடா இது? சனி கிழமை காலையும் அதுவுமா?  கணவன் புரிந்து கொள்ள இது சாதாரண வாய்ஸ் அல்ல. அதையும் தாண்டி புனிதமானது..

என்று நினைத்து கொண்டே...

சொல்லு...

இன்னைக்கு மதியம் மூணு பேமிலி லஞ்சிக்கு வராங்க..

அதுக்கு...

கொஞ்சம் வேலை இருக்கு .. சீக்கிரம் எழுந்து வாங்க..

சனி ஒரு நாளாவது  கொஞ்சம் எக்ஸ்டராவா தூங்க விடமாடியே.. இந்த மாதிரி முன்னே பின்ன சொல்லாம ஏன் விருந்தாளிகளை கூப்பிடுற.. அப்படியே கூப்பிட்டாலும் எனக்கு முன்னமே சொல்ல கூடாதா?

ஹலோ... இவங்கள கூப்பிட்டதே   நீங்க தான். இந்த மாதிரி முன்ன பின்ன சொல்லாம கூப்பிடாந்திங்கன்னு போன வாரம் தான் உங்களுக்கு கிரஷ் கோர்ஸ் எடுத்தேன்.. மறந்துடீங்களா...

சரி.. என்ன வேணும் சொல்லு..

இன்னிக்கு சனி கிழமை.. சீக்கிரம் வந்து டீ போடுங்க.. சொல்றேன்..

திங்கள், 13 நவம்பர், 2017

வீட்டுக்கு வீடு... ஸ்லீப்பர் செல்!

டாடா .. அடுத்த வருஷம் மே மாசம் ஒரு வாரத்துக்கு ஸ்பெயின் போக போறேன்..

ஆர்பரித்தாள்.. மூத்த ராசாத்தி.

நைஸ்.. என்ன விஷயம்?

எங்க காலேஜ் கொயர்.. அங்கே போய் வேற வேற ஊருல இருக்க கோயிலில்  பாட போறோம்.

வாவ்.. சூப்பர்..  அது சரி.. அம்மாட்ட ஓகே வாங்கிட்டியா?

அம்மாட்ட ஓகே  வா, அதெல்லாம் உங்களுக்கு மட்டும் தான், எங்களுக்கு எப்ப அவங்க இல்லைனு சொன்னாங்க..

சிறிது நேரம் கழித்து ..

ஏங்க .. அவ என்னமோ ஸ்பெயின் போறாளாமே .. சொன்னாளா?

சொன்னா.. ரொம்ப குஷியா இருக்கிறா? போகட்டும்.

அதை நான் பாத்துக்குறேன்..

சரி.. ஒரு பிளோவில் சொல்லிட்டேன்.. விடு..

நல்ல பெரிய கோயிலாம். கதீட்ரலாம் ..உங்களுக்கு தான் ஊரு சுத்துணும்னா  ரொம்ப ஆசையாச்சே.. நீங்களும் அவ கூட போறீங்களா?

கிண்டல் தானே பண்ற?

வியாழன், 9 நவம்பர், 2017

அவளுக்கென்ன ... !?


அதிகாலை உறங்குகையில்....
அப்பா என்று அலறி அடித்து..
அயர்ன் பண்ணி வையுங்கள் என்று
அதட்டி நீ சொல்லும் போது.

அய்யகோ .. இப்ப தானே
அஞ்சு மணி ஆச்சி...
அதுக்குள்ள எழுப்பிட்டாளே..
அநியாயத்தை கேக்க யாருமில்லையா...

அம்மணியோ..
அவளை கெடுத்து வைச்சி..
அப்புறம் ஏன் இந்த
அங்கலாய்ப்பு என்றாள்..

அலுவலகத்தில் இருக்கையில்
அவசரம் என்று ஒரு டெக்ஸ்ட்..
ஆபிஸ்  கிட்ட  தான் இருக்கேன்..

அதுக்கு?

அதிக பசி...
அருகில் உள்ள ஹோட்டலுக்கு போறேன்..
அநேக வேலை எனக்கிருக்கு..
அத ஏன் என்னுட்டசொல்லுற ....

அது ஒன்னும் இல்ல..
அங்கே தனியா போர்
அடிக்கும், அதனால
அரை மணி நேரம் வாங்களேன்...

ஆஹா..
அலுவலை ஓரம்கட்டி..
அடித்து பிடித்து ஓடி..
ஆர்டர் சில சொல்லி..
அனுபவித்த தருணம்.

செவ்வாய், 7 நவம்பர், 2017

புகையில் வந்த பகை....


பல வருடங்களுக்கு முன்...

(பிளாஷ் பேக்  ரௌண்டு ரெண்டு முறை சுற்றவிட்டு வாங்க).

"மாப்பிளை வந்துட்டாரு" என்று... அடியேன் வண்டியை விட்டு இறங்கும் போது  பெண்ணின் உறவின சிறுவன் ஓட..

நானோ.. பஜ்ஜி - வடை சாப்பிட  போகின்றோம் என்ற ஒரு எண்ணத்தில் தயாரானேன்.

உள்ள நுழையும் போதே .. அடியேனின் இல்லத்தை சார்ந்த அம்மணியிடம் ... நான் சொன்ன விஷயத்தை மறந்துடாதீங்க.. அப்புறம் அது பிரச்சனையாகி விடும் என்று நினைவு படுத்த.. அவர்களும் தலையாட்ட..

இல்லத்தின்  உள்ளே நுழைந்தோம்.

திங்கள், 6 நவம்பர், 2017

கடலோரம் வாங்கிய காற்று..

சரி.. பிறந்தநாள் நாளைக்கு ஆனாலும் பரவயில்லை, சனிக்கிழமையே   பரிசு எதுவும் வேணாம் .. சமையல் போதும்னு அம்மணி சொல்ல.. அதையும் செஞ்சி குடும்பத்தோட டின்னர் முடிச்சிட்டு அடுத்த நாள் காலையில் எழுந்து  குடும்பத்தோடு கோயிலுக்கு போயிட்டு வீட்டுக்கு வந்த பின்னர்..

ரெண்டு ராசாத்திக்களும்    அவங்க வங்கியாந்த பரிசை கொடுக்க.. நானோ விழி பிதுங்கி அமர்ந்து இருக்கையில்...

San Clemente Pier


டாடா.. எங்க உங்க கிப்ட்?

சனி, 4 நவம்பர், 2017

அம்மணியை கவர...கவிழ்க்க ஒரு ஐடியா!

அம்மணியின் பிறந்தநாள் நாளைக்கு... ரெண்டு ராசாதிக்களும் ரகசியமா பிறந்த நாள் பரிசு வாங்கிட்டாளுங்க.. என்ன பரிசுன்னு கேட்டேன் ... "இட்ஸ் எ சீக்ரட்ன்னு" சொல்லி தொரத்திட்டாளுங்க.

கடந்த சில வருடங்களாகவே நம்ம வாங்கி கொடுத்த ஒன்னும் வேலைக்கு ஆகல, அதனால் இந்த வருஷம்.. என்ன வேணும்னு நேராவே கேட்டுட்டேன்.

நல்ல வேளை.. கேட்டீங்க.. நீங்க பாட்டுக்கு ஏதாவது வாங்கினு வந்துடுவீங்களோன்னு பயந்தேன்..

நல்ல மாட்டுக்கு நாலு சூடு.. சொல்லு.. வானவில்லை வளைக்கட்டும்மா.. இல்லாட்டி ....

அடிடா சுந்தரலிங்கம்..

சிறு வயதில் இருந்து நான் மிகவும் ரசித்த ஸ்ரீலங்கா பாப்பிசை பாடல்.. அடிடா சுந்தரலிங்கம்..

அட்டகாசமான ராகம் .. தாளம்..

கேட்டு பாருங்களேன்...


வியாழன், 2 நவம்பர், 2017

முதியோர் வாசலை மிதியாதே..

படித்ததில் பிடித்தது. (எழுதியது :Narayan Ganesan, Coimbatore)


பாட்டி விசாலத்தின் பெயரை முதியோர் இல்லத்தில் பதிவு செய்து விட்டு வந்த பின்னும் மூன்று நாட்களாக அந்தத் தகவலை தாயிடம் சொல்லத் தயங்கினான் சதீஷ்.
""ஏன் இப்படி பயந்து சாகறீங்க?'' என்று எரிந்து விழுந்தாள் அவன் மனைவி சத்யா.
""இல்லை... அம்மாவுக்கு இது பெரிய ஷாக்காய் இருக்கும்''
""இதப்பாருங்க... மாமியாரைப் பார்த்துக்கலாம். அது என் டியூட்டி. ஆனா, மாமியாரோட மாமியாரைப் பார்த்துக்கறதெல்லாம் டூ மச்...''
அவன் ஒன்றும் சொல்லாமல் மவுனமாய் இருந்தான்.
""அடுத்த வாரம் அனுப்பணும்ன்னா இப்பவே சொன்னாத் தான் அவங்களுக்குப் பேக் பண்ண டைம் கிடைக்கும். சைக்காலஜிக்கலா தயாராகவும் முடியும். கிழவி இப்ப கோவிலுக்குப் போயிருக்கா. அதனால, இப்பவே போய் உங்க அம்மாவிடம் சொல்றீங்க, நீங்க''


மனைவியிடம் வழக்கம் போல் தலையசைத்தான் சதீஷ். தயக்கத்துடன் ஹாலில் புத்தகம் படித்துக் கொண்டிருந்த அம்மா முன் சோபாவில் உட்கார்ந்தான்.
புத்தகத்திலிருந்து பார்வையை எடுத்து மகனைப் பார்த்தாள் ஜானகி.
""அம்மா... நான் பாட்டி பேரை முதியோர் இல்லத்தில் பதிவு செஞ்சிருக்கேன், அட்வான்சும் கொடுத்துட்டேன்''
ஜானகியின் கையில் இருந்த புத்தகம் நழுவிக் கீழே விழுந்தது. அவள் அதிர்ச்சியுடன், ""என்னடா சொல்றே?'' என்றாள்.
தர்ம சங்கடத்துடன் தங்கள் அறைக் கதவு அருகே நின்ற சத்யாவைப் பார்த்தான் சதீஷ். அவள், "தைரியமாய் பேசுங்கள்' என்று சைகை காண்பித்தாள்.
கீழே விழுந்த புத்தகத்தை மேஜை மீது வைத்து அதைப் பார்த்தபடியே சொன்னான் சதிஷ்...
""இவ்வளவு வருஷமாய் பாட்டியை நாம பார்த்துகிட்டாச்சும்மா, இனிமேயும் பார்த்துக்கறது கஷ்டம்மா''
""பாட்டி நல்லாத் தானே இருக்காங்க அவங்கள பார்த்துக்கிறதில் கஷ்டம் என்னடா இருக்கு?''
அவன் பதில் சொல்லவில்லை.

பூண்டுக்குள் ஒரு "பூ"கம்பம் ...

நான்காவது.. ஆம்பூர் பள்ளியில் (நம்ம ராசி, வருசத்துக்கு ஒரு பள்ளி)
தள்ளு வண்டியில் மிக்ஸர் மற்றும் இனிப்புகளை விற்ற தனலக்ஷிமி அப்பாவிடம் மாலை வாங்கிய மிக்ஸரை பாதி தின்று விட்டு, மீதியை அடுத்த நாள் பள்ளிக்கு எடுத்து செல்ல..
எங்க அப்பா செஞ்சதா?


ஆமாம்... நேத்து வாங்கினேன் .. என்று சொல்லி கொண்டே ஒரு வாய் போட, ஒரு வித்தியாசமான ருசி..

புதன், 1 நவம்பர், 2017

வள்ளுவனை வென்றவன்....

மதுரை மங்கையற்கரசி பள்ளி.. மூன்றாவது என்று நினைக்கின்றேன்...
காலை இடைவேளையில்... அவனவன் அடித்து பிடித்து கமர்கட் வாங்க ஓடுகையில்..
விசு.. நீ வரல...? அருகில் அமரும் நரசிம்மன் கேட்டான்.
நீ போ நான் வரேன்..

வா.. பெல் அடிக்குறதுக்கு முன்னால வாங்கினு வந்துடலாம்..

ஏழாவதில் ஒரு பாடம்

ஏழாவது என்று நினைக்கின்றேன். பருகுரில் படித்து கொண்டு இருக்கையில்...
சாதா ஐஸ் அஞ்சு பைசா... சேமியா ஐஸ் பத்து பைசா ..
கையில் பத்து பைசா இருந்த போதும்.. இன்றைக்கு ஒன்று நாளைக்கு ஒன்று என்று இரண்டு சாதா ஐஸ் கிடைக்குமே என்று பச்சை கலர் ஒன்று கேட்டு வாங்கி சாப்பிடும் போது..
புதிதாக வந்த EB ஆபிசரின் ராசாத்தி யோகராணி.. கையில் பத்து பைசா சேமியா ஜஸ்ஸோட அடியேனை பார்க்க..
இவளுக்கு தான் என்ன பெருமை என்று நான் நினைக்கையில்..
இதுக்கு முன்னால சேமியா ஐஸ் சாப்பிட்டு இருக்கியா என்றாள்...
இவளுக்கு உண்மையாகவே பண திமிர் தான் என்று பொங்கி கொண்டே.. இல்லை என்ற உண்மையை வெட்கத்தோடு சொன்னேன்.
இந்தா .. ஒரு கடி கடிச்சிக்கோ என்று அவள் நீட்ட..

பள்ளி கூட நாட்கள்னு ஒரு புத்தகம் போடலாமா? ஆனா படிக்க ஆள் வேணுமே..

ஞாயிறு, 29 அக்டோபர், 2017

விக்ரம் (1986 ) ப்ளூ சட்டை மாறன் விமரிசித்து இருந்தால்..

1986  ல் வெளி வந்த கமல்ஹாசனின் விக்ரம் படத்துக்கு ப்ளூ சட்டை மாறன் விமர்சனம் கொடுத்து இருந்தா எப்படி இருக்கணும்னு யோசித்தேன்.. கொஞ்சம் பாருங்களேன்.




சனி, 30 செப்டம்பர், 2017

கெளதம் மேனன்.. நீ ஆம்பிளை I mean You are a Fine Gentleman!

சில நேரங்களில் நம் கண்ணுக்கு முன் நடக்கும் சில கெட்ட காரியங்களை பார்க்கும் நான்  எப்படி அதை செய்தவர்களை உடனடியாக கழுவி ஊத்துகின்றேனோ .. .. அதே வேகத்தில் நல்ல காரியங்களை பார்க்கும் போது பாராட்ட தவறி விடுகின்றேன்.

அதற்காக தான் இந்த பதிவு.. இதை பல மாதங்களுக்கு (சில வருடங்களுக்கு? ) முன் எழுதி இருக்க வேண்டும். "Shame on me" எழுத தவறி விட்டேன். Then again, its better to be late than never.


பல மாதங்களுக்கு முன் ஒரு திரைப்பட நிகழ்ச்சி. அதில் இயக்குனர் கெளதம் மேனன் , பாடலாசிரியர் தாமரை இன்னும் அநேகர் மேடையில் அமர்ந்து இருந்தனர்.

தன்ஷிகாவின் கண்ணீர்...

அடியேனுக்கு இரண்டு ராசாத்திக்கள். மூத்தவளுக்கு 18  வயது கல்லூரியில் முதலாமாண்டு  படிக்கிறாள். இளையவள் 15  வயது பள்ளியில் பத்தாவது படித்து வருகிறாள்.

இருவருமே கோல்ப் (Golf ) ஆடுபவர்கள்.மூத்தவள் கல்லூரிக்காகவும் இளையவள் பள்ளிக்காகவும் ஆடுவாள்.
கேடு கெட்டவனின் காலை தொட்டு.. 

அமெரிக்காவில் எனக்கு மிகவும் பிடித்த  விஷ்யங்களில் ஒன்று பள்ளிக்கூடங்களும் விளையாட்டு மைதானங்களும். விளையாட்டு மைதானம் இல்லாத பள்ளியை பார்க்கவே முடியாது ( off course there are exceptions, but exceptions cant be examples). சரி அதை பற்றி இன்னொரு பதிவில் பாப்போம். இப்போ தலைப்பிற்கு வரலாம்.

மூத்தவள் கல்லூரி அடியேனின் இல்லத்தில் இருந்து 100  மைல் தொலைவு.  அங்கேயே விடுதியில் தங்கி படித்து வருகின்றாள். அவள் கோல்ப் போட்டி ஆட்டத்தை பார்க்க முடியாத சூழ்நிலை.

வெள்ளி, 29 செப்டம்பர், 2017

என் இனிய BJP நண்பர்களுக்கு ....


என் இனிய BJP நண்பர்களுக்கு ....

நம் நாட்டின் தற்போதைய  பொருளாதார நிலைமை உண்மையாகவே பயமா தான் இருக்கு. எந்த புள்ளி விவரத்தை எடுத்து பார்த்தாலும் சரியான அடிவாங்கி இருக்கோம்.  இது உங்கள் அனைவருக்கும் தெரியும்.


இப்போது தான் நாம் கொஞ்சம் அறிவு பூர்வமாக சிந்திக்க வேண்டும். மத்தியில் உள்ள அரசு is on denial.  தாங்கள் நல்ல நோக்கோடு செய்த சில காரியங்கள் எதிர்பார்த்த முடிவை தரவில்லை. அதனால் இந்த இழப்பு என்பதை ஒத்து கொள்ள வேண்டும்.

ஆனால் இதுவரை மத்திய அரசு இந்த இழப்பு பெரிய இழப்பு இல்லை என்றும் .. சிறிய இழப்பே என்றும் அதுவும் தற்காலிகமானதே என்று சொல்லி கொண்டு வருகின்றார்கள்.

இந்த அணுகுமுறை நம் நாட்டை சீரழித்து விடும். BJP கட்சியை சார்ந்த பொருளாதார நிபுணர்கள் உடனடியாக தங்கள் சுயநலத்தை விட்டு வெளியே வரவேண்டும். தற்போதைய பொருளாதார நிலைமையை பற்றி தங்கள் ஆட்சிக்காரர்களுக்கு எடுத்து சொல்லவேண்டும்.

இப்படியே அமைதியாக.. பொருளாதார நிலைமை தானாகவே சரியாகிவிடும் என்று இருந்தால், அது இவர்கள் நம் நாட்டிற்கு செய்த துரோகமாகிவிடும்.

கடைசி ஆறு குவாட்டர்களில் GDP குறைந்து கொண்டே வருகின்றது. GDP குறைவதை ஏற்று கொள்ளாமல் அதை கணக்கிடும் விதத்தை மாற்றி வைத்து  GDP எதுவும் குறையவில்லை என்று நம்மை நாமே ஏமாற்றி கொள்ளக்கூடாது.

மத்திய அரசு வெளியே, சமாளித்து கொண்டு உள்ளே "இதுவும் கடந்து போகும் " என்று இருந்தால் அதை விட பெரிய தவறு வேறு எதுவும் இல்லை.

இது எல்லாவற்றிக்கும் மேலாக..

ஒருத்தன் டாக்டர்.. கால் வலி தாங்க முடியல டாக்டர் என்று அலறினானாம். உடனே அந்த டாக்டர் அருகில் இருந்த சுத்தியை எடுத்து அவன் மண்டையில் ஓங்கி அடித்து... கால் வலி எப்படி இருக்கு என்று கேட்க்கையில் அவனோ..
காலை விடுங்க டாக்டர்.. மண்டை வலி தாங்க முடியல என்றானாம்.

இப்படி எதுவுமாகிவிட கூடாது. இந்த அரசாங்கம் இந்த இழப்பை மறுத்து கொண்டு கொஞ்ச நாள் மறைக்கலாம் . ஆனால் அது  விதையை மண்ணிலும்  விந்தை மடியிலும் மறைப்பதற்கு சமம்.

என் பயம் ஒன்றே ஒன்று தான். இந்த பொருளாதார இழப்பை மக்கள் பேசாமல் இருக்க அந்த டாக்டர் சுத்தியால் மண்டையில் அடித்ததை போல் மக்களை அடித்து விட கூடாது. அது மதம் - ஜாட்ஜி - மொழி சார்ந்த வன்முறையாக இருந்து விட கூடாது.

மற்றும், இந்தியாவில் சிறந்த பொருளாதார நிபுணர்கள் இருக்கின்றார்கள். கட்சி மதம் தாண்டி அவர்களின்  புத்தியை உபயோகித்து கொள்ளவேண்டும்.
அப்படி செய்தால் இதுவும் கடந்து போகும். அதை விட்டுவிட்டு.. இது ஒரு இழப்பே இல்லை என்று சொல்லி கொண்டு இருந்தால்... நந்தவனத்தில் ஒரு ஆண்டி கதை தான்.

உடனடியாக செய்ய வேண்டிய நடவடிக்கை.... Stop the Bleeding! இரத்த கசிவை  உடனடியாக நிறுத்த வேண்டும்.  புல்லட் ரயில் போன்ற திட்டங்கள் நல்லது தான். ஆனால் அது தற்போது தேவை இல்லை.  முதலில் இருப்பதை திருத்த வேண்டும்.

60  வருட காங்கிரஸ் ஆட்சியானல் தான் என்று சொல்லி கொண்டு உதாசீன படுத்திவிட முடியாது. அப்படியே உதாசீன படுத்தினால்... அந்த 60  வருடம் காங்கிரஸ் ஆட்சி 100  வருட ஆட்சியாக மாறிவிடும்.


இதை படிக்கும் BJP ஆட்கள் சற்று சிந்திக்கவும். Let your People know that we need to block this hole. Otherwise we all are going to sink.

BJP யின் தமிழக பேச்சாளர்கள் நாராயணன் - ராகவன் மற்றும்  தலைவர்கள் தமிழிசை போன்றோருக்கு பொருளாதாரம் என்றால் என்னவென்றே தெரியவில்லை. இவர்கள் மூவரும் அவரர் துறையில் சிறந்தவர்களாக இருக்கலாம் ஆனால் இவர்கள் பொருளாதாரத்தை பற்றி பேசும் போது  நாட்டு மக்களின் பொது அறிவை கேவலப்படுத்துவது போல் உள்ளது. They really insult our intelligence!

இவர்கள் பேசும் பேச்சை கேட்டால்  கடந்த மூன்று ஆண்டுகளில் நம் நாட்டின் பொருளாதாரம் ஒரு உன்னத நிலைமையை அடைந்தது போல் இருக்கும். நிதி அமைச்சர் ஜட்லீ நம் தற்போதைய  நிலைமையை நன்கு அறிந்து இருக்கின்றார். அடுத்து என்ன செய்வது என்று அவருக்கு தெரியவில்லை. அதனால் இந்த இழப்பு தாற்காலிமாகமானது என்று சொல்லி வருகின்றார்.

ஆனால் நம்மூர் BJP பேச்சாளர்களோ இங்கே இழப்பு எதுவும் இல்லை என்கின்றார்கள்.

இதில் ஒருவர் கூறுகிறார்.. GDP 2  % தான் இறங்கிவிட்டதாம். அவருக்கு ஐயோ. GDP ஒரு சதவீதம் இறங்கினால் அது ஒன்னரை லட்சம் கோடி நட்டம். இரண்டு சதவீதம் என்றால் அது மூன்று லட்சம் கோடி நட்டம்.

தயவு செய்து தவறான கருத்துக்களை பகிராதீர்கள். நட்டம் நம் அனைவருக்குமே.

உங்கள் பாணியிலே முடிக்கின்றேன்..

பாரத் மாதாக்கி ஜே..


டி ஆர் & சன் ..சொன்னா வெக்க கேடு சொல்லாக்கட்டி..

சிம்புவின் ஒவ்வொரு நடவடிக்கையை பார்க்கும் போதும் எனக்குள் வரும் ஒரு நினைப்பு

"இவன் வீட்டுல பொண்ணுங்களே இல்லையா? அம்மா - சகோதரி கூடத்தான் வாழறான் ... பின்ன எப்படி இம்புட்டு நாதாரித்தனமா இருக்கான்னு"

 என்ற சந்தேகம் தான்.

அதே போல்.. இவனுடைய அப்பாவை பார்த்தால் ஒரு கேள்வி வரும். தற்பெருமை என்ற கேவலமான  உணர்வை "தன்னம்பிக்கை " என்ற ஒரு  சிறப்பான மனிததன்மையோடு குழப்பி குட்டையில் மட்டை போட்டு வந்தார்.

ஆண்டவனின் அருளால் TR அவர்கள் பல சிறந்த தாலந்துகளை பெற்றவர் என்பது உண்மை தான். இருந்தாலும் .. தானே அனைத்திலும் சிறந்தவன் என்றும் தன்னை விட்டால் வேறு எவனும் இல்லை என்றும் இவர் பேசும் பேச்சு.

இப்போதெல்லாம். இவர் பேச்சை பாருங்கள் .தலை முடியை தடவி கொண்டு .. என் மயிரை பாருங்கள்.. என் மயிர் உண்மையான மயிர்.. என் மயிரை போல எவனுக்கும் இல்லை என்ற அளவிற்கு தான் பேச்சு.

விஷயம் என்னவென்றால்..

வியாழன், 28 செப்டம்பர், 2017

அந்நியனிடம் கற்று கொள்ளவேண்டிய ரகசியம்...

இது சனநாயகம் .. இது கலாச்சாரம்.இது வாழும் முறை.. இது தலைவனுக்கு அடையாளம் !

இந்த ஒரு  படத்தை பாருங்கள் எம்புட்டு விஷயம் சொல்லுது.

பில் கிளின்டன் :

பில் கிளின்டன் டெமோகிராட் கட்சியில் இருந்து ஜனாதிபதியான தேர்ந்தெடுக்க பட்டவர். இவரால் தோற்க அடி க்கப்பட்டவர் அன்றை அதிபர் ஜார்ஜ் புஷ் ( ஜார்ஜ் W புஷ் , நடுவில் இருப்பவரின் தகப்பனார்).  இந்த தேர்தல் 1992 ல் நடந்தது. அதுவரை நடந்த தேர்தல்களை விட மிக அதிகமாக ஜனாதிபதி வேட்ப்பாளர்கள் ஒருவரை ஒருவர் தனிமையில் தாக்கி கொண்ட தேர்தல்.

இந்த பிரசாரத்தின் போது அதிபர் புஷ், கிளிண்ட்டனிற்கு வெளிநாட்டு விவகாரத்தில்   தன் வீட்டில் உள்ள நாய்க்கு  தெரியும் விஷயம் கூட தெரியாது என்றார்.


புதன், 27 செப்டம்பர், 2017

மனைவி அறியா ரகசியமா?

"ஏங்க..!"

"சொல்லு..."

"அடுப்புல டீ வைச்சி இருக்கேன்.. அஞ்சி நிமிஷம் பக்கத்துல கடை வரை போயிட்டு வரேன்... சரியா எடுத்துடுங்க..."

"ஓகே ..!!!"

"திரும்பவும் சொல்றேன்.. கவனமா எடுத்துடுங்க..."

"எனக்கு ஒரு முறை சொன்னா நூறு முறை சொன்ன மாதிரி.. கவலையை விடு..."

"ஜாக்கிரதை.. மறந்துடாந்திங்க..!!"

"அம்மா தாயே.. !நீ கிளம்பு.. நான் அடுத்த அடுப்புல ஏறி உக்கார்ந்து எப்ப கொதிக்குதன்னு பார்த்துனே இருக்கேன்!

"இல்லைங்க.. அது கொதிச்சி கீழே  ஊத்துனா..?!"

"ஊத்துனா.. ?"

"அடுப்பு முழுக்க போயிடும். அதை சுத்தம் பண்றது ரொம்ப கஷ்டம். அப்புறம் வீடு முழுக்க தீஞ்ச வாசனை.."

"வேற..!"

"பாத்திரம் வெளியே எல்லாம் டீ தூள். கொஞ்ச எக்ஸ்டரா நேரம் விட்டீங்கனா
.. மொத்த பாத்திரமும் டேமேஜ்."

செவ்வாய், 26 செப்டம்பர், 2017

கொள்ளைக்காரி ஜெயாவின் மரணம் - கணியன் பூங்குன்றனாரின் கேள்வி?

கொலைகாரி ஜெயாவின் மரணத்தில் பல திடுக்கிடும்
 தகவல்கள் வந்தவண்ணம் உள்ளன.

இதில் கணியன் கேட்க்கும் சில கேள்வி...

டாக்டர் பீலே.. யார் அவர்? அவர் தான் டாக்டர் பீலே என்று யார் அறிவார்கள்?

இறந்த பிணத்தை பதப்படுத்தும் சிறப்பு நிபுணருக்கு இங்கே என்ன வேலை?

ஜெயலலிதாவிற்கு அவர் என்ன சிகிச்சை அளித்தார்?

மிக முக்கியமான கேள்வி..

ஜெயலலிதாவிற்கு தான் அவர் சிகிச்சை அளித்தாரா? இவர் தான் ஜெயலலிதா என்று அவருக்கு கூறியது யார்?

 இறுதி சடங்கை செய்த  அந்த  ஆசாமி மருத்துவமனையில் சேர்ந்த இரண்டாம் நாளில் அங்கே என்ன ஆணி புடுங்க வந்தார்?

ZED பிரிவு பாதுகாப்பை அகற்றியது யார்? அகற்ற சொன்னது யார்?

அவர்கள் மருத்துவமனையில் இருக்கையில் மூன்றே நாள் தான் சுய நினைவோடு இருந்தார்களாம். அப்படி இருக்கையில் இடை தேர்தலுக்கான வேட்பாளர்களுக்கு அவரின் கட்டை விரலை உருட்டியது யார்?

இறந்த அவர் பூதஉடலில் கட்டை விரல் இருந்ததா? ( அதை மறைக்க தான் காலை வெட்டினார்கள் என்ற செய்தியை வேண்டுமென்றே வெளியிட்டார்கள? )

அவர் முகத்தில் இருந்த மூன்று புள்ளிகள் எதற்காக ... யாரால்?

75  நாட்களில் இரண்டு இட்டிலி மட்டும் சாப்பிட்ட அவர் ... எப்படி கொஞ்சமும் மெலியாமல் அப்படியே.. .

மருத்துவமனையில் இவர் இருக்கையில் வேறு என்ன என்ன கோப்புகளில் இவரின் கட்டை விரல் வைக்க பட்டுள்ளது? அதனால் பயன் பெற்றோர் யார் யார்?

இவர் இட்லி சாப்பிட்டார் என்று சரசக்காவிற்கு சொன்னது யார்?

அங்கேயே இருந்த வெங்கையா நாயுடுவை விசாரித்தார்களா?

ஒருவரை கேட்டால் அந்த கட்டிடத்தில் ஜெயா இருந்த முழு அடுக்கிலும் வேறு யாரும் இல்லை  என்கிறார். மற்றொருவர் அங்கே மற்ற நோயாளிகளும் இருந்தார்கள் என்கிறார். இதில் எது உண்மை.


பின் குறிப்பு :

இது அனைத்தும் கணியனின் கேள்வி.. அடியேனின் கேள்வி ஒன்றும் உள்ளது.. ஜெயா சாப்பிட்டது இட்லியா? அல்ல இட்லி உப்புமாவா?

அறிந்தவர்கள் கூறவும் .

ஞாயிறு, 24 செப்டம்பர், 2017

கொள்ளைக்காரி ஜெயலலிதாவிற்கு மனமார்ந்த நன்றி.

அண்ணா நான் மிகவும் மதிக்க கூடியவர். தமிழ் (திராவிடமும் தான்) சமுதாயத்திற்கு அவர் செய்த தொண்டுகள் சொல்லி மாள முடியாது. அவர் புத்திசாலித்தனத்தை பார்த்து யேல் பல்கலைக்கழகமே எழுந்து நின்று கை தட்டி பாராட்டியது.

இப்படி மிகவும் அறிவார்ந்த அண்ணா அவர்கள் தமிழனுக்கு ஒரு மன்னிக்க முடியாத தவறை செய்து விட்டார்.
பட உபயம் : கூகிள் 

அது என்ன?

கூத்தாடிகளை அரசியலில் கோர்த்து விட்டது தான்.

”ஆயிரம் ஆண்டுகளுக்கு ஒரு முறை காய்த்துக் கனிகிற நெல்லிக்கனி தான் எம்.ஜி.ஆர். அந்தக் கனி யார் மடியில் விழும் என்று எல்லா அரசியல்வாதிகளும் காத்திருந்தார்கள். அது என் மடியில் விழுந்தது. அதை எடுத்து என் இதயத்தில் வைத்துக் கொண்டேன். பல லட்ச ரூபாய் தேர்தல் நிதி தருவதாகச் சொன்னார் எம்.ஜி.ஆர். பணம் முக்கியமல்ல. அவர் முகத்தைக் காட்டினாலே முப்பதாயிரம் ஓட்டு கிடைக்கும்"

சனி, 23 செப்டம்பர், 2017

ட்ரைலர் பார்த்தாலே முறுக்கேறுது.. வச்சி செஞ்சி இருக்காங்க.

நீ எந்த சாதியா இருந்தாலும் சரி.. எந்த மதமா இருந்தாலும் சரி.. பணக்காரன் ஏழை.. எந்த நிறமா இருந்தாலும் சரி.. வாழ்க்கையில் ஒரு முறையாவது உனக்கு அநீதி இழைக்க பட்டு இருக்குனு நினைக்கிறியா? இந்த ஒரு ட்ரைலரை பாரு..

படத்து பெரு.. மார்ஷல் (Marshall) Oct 13, 2017 க்கு ரிலீஸ் ஆகுது.. என்ன ஒரு ட்ரைலர்...

பன்ச் டயலாக்கில் சில..

"If you Want Freedom... You gotta fight for it"!

"Theres only thirteen million Negroes depending on you"

"Does any of you have any confidence in me...?
I say, you have confidence for us all"

"What you've got here..? Cement...!?
Guns..  No Books, Mr. Freeman.. Books..."

"You lied to the Sworn State ...why would you do that...
Because the truth  would get me killed..."

"It takes Hero to make a Hero"

மவனே,  ட்ரைலர் பாக்கும் போதே.. முறுக்கேறுது...வச்சி செஞ்சி இருக்கான் .. ஹாலிவுட் காரன்

கடைசியா ஒரு பன்ச்..

"The only way to get through the Biggest Door is to break it down"!

வாங்க...

"Witness the Rise of the Man Who Changed America"

இதோ அந்த ட்ரைலர் ..

                                                                   மார்ஷல் (Marshall)


Cant wait for Oct 13th...

வியாழன், 21 செப்டம்பர், 2017

திருமணம் வெற்றி பெற சில ரகசியங்கள்....

அலை பேசி அலறியது...

சொல்லு சாரதி..

என்னத்த சொல்றது...சித்தப்பூ..

பின்ன எதுக்கு கூப்பிட்ட...?

சொல்றதுக்கு தான்...

சரி சொல்லு...

ஆபிசில் ஒரு பிரச்சனை...?

கன்டினியூ..

கூட வேளை செய்யுற ஒரு மெக்சிக்கன் அம்மணி என்னிடம்  "டீ  அமோ " ன்னு சொல்லிடிச்சி...

டீ வேணுமான்னு அவங்க மொழியில் கேட்டு இருப்பாங்க... வேணாம்னு சொல்லிடு..

சித்தப்பூ... பி சீரியஸ்... "டீ அமோ " னா "ஐ லவ் யு" ன்னு அர்த்தம்.

எங்க கம்பெனியில் 500 க்கும்   மேலே மெக்சிகன் தான் ..நானும் சொல்ல கேள்வி பட்டு  இருக்கேன்,

சித்தப்பூ... சொல்லவே இல்லையே.. இந்த விஷயம் அண்ணிக்கு
தெரியுமா?

செவ்வாய், 19 செப்டம்பர், 2017

MP பென்ஷன் வேண்டாம் - நடிகர் சரத்குமார் !


நெஞ்சு பொறுக்குதில்லையே..

இந்த வாரம் ஒரு செய்தி படித்தேன்.

//எம்பிக்கான பென்ஷன் எனக்கு வேண்டாம்.. ராஜ்யசபா செயலருக்கு சரத்குமார் கடிதம்//

இந்த நடிகர் சரத்குமார் 2006 ம் ஆண்டு M P பதவியில் இருந்து ஓய்வு பெற்றார். 2006 ல் இருந்து இன்று வரை நம் வரி பணத்தில் இருந்து ஓய்வூதியம் கொடுக்க பட்டுள்ளது.

சரி.. ஓய்வூதியம் என்பது ஒரு சராசரி ஆள் வயதான காலத்தில் இனிமேல் தன்னால் உழைக்க முடியாது என்ற நிலை வரும் போது இத்தனை
 நாள் செய்த பணிக்காக தரப்படுவது.

திங்கள், 18 செப்டம்பர், 2017

H ராஜா - அமித் ஷா உரையாடல்.(உபயம் விக்கி லீக்)

ஹலோ... அமித்ஷாவா .. ஓவர் ..

அமித்ஷா தான்.. சாரண இயக்க தலைவர் ராஜாவா? ஓவர்..

ராஜா தான் .. ஆனா.. சாரண இயக்கத்த விடுங்க.. சாதாரண இயக்கத்துக்கு கூட தலைவர் ஆக முடியாது போல இருக்கு .. ஓவர்..

பின்ன எதுக்கு கூப்பிட்ட ஓவர்..

அவசரமா பேசணும்.. இல்லாட்டி BJP நிலைமை தமிழ் நாட்டில் ஓவர் .. ஓவர்..

என்னமோ சொல்ல வந்த .. ஆனா அதை சொல்றதுக்கு முன்னாடி ஓவர் ஓவர் ன்னு ரெண்டு முறை சொன்ன ஓவர்..

துப்பறிவாளன் - இரண்டாம் பாகம் ( அத்தியாயம் 2 )

அத்தியாயம் ஒன்றை படிக்க இங்கே சொடுக்குங்கள்..

துப்பறிவாளன் - இரண்டாம் பாகம்! (அத்தியாயம் 1)


மஹேந்திர விளக்கில்லாமலே கிளம்ப.. சுவற்றின் இடுக்கில் மல்லிகாவை புதைத்த இடம் தெரிந்தது...

உன்னை யாரடி வாழ்க்கையில் என்னை சந்திக்க சொன்னது... மனதில் கோபமாக அவளை திட்டினான்..

கனி..

சொல்லு....

சொந்த மகள் ஒருத்தனை காதலிச்சதுக்காக எந்த அப்பனாவது கொலை செய்ய துணிவானா.. என்னால நம்பவே முடியல..

மனோ.. நீ யாரையாவது... லவ் பண்ணி இருக்கியா?

இல்லை...

உன்னை யாராவது?

தெரியல.. ஏன் கேக்குற?

இல்லடா.. மல்லிகா என் மேல விருப்பமா இருந்து இருக்கானு உனக்கு தெரியுது எனக்கு தெரியலை பாரு...

நமக்கு வாழ தெரியல போல இருக்கு கனி...

பேசி கொண்டே வண்டி அண்ணா சாலை வழியாக பாரிஸ் கார்னரை நோக்கி நகர்ந்தது...

மணி 12 போலாக... சாலையோரத்தில் இருந்த கையேந்தி பவனில் ஆளுக்கொரு  முட்டை  தோசை சாப்பிட்டு... வண்டியை பிராட்வே  பகுதியில் நுழைத்தனர் .

இங்கே எங்க வீடு கனி..

பிடாரியார் கோயில் தெரு... வீட்டு நம்பர் 18

நெருப்பெட்டிகள் போல் பல வீடுகள் ஒன்றோடு ஒன்று இணைந்து இருக்க.. 18ம் எண் வீடு மட்டும், வசதியாக காணப்பட்டது.

வீட்டின் எதிரில் பெரிய கேட்.. அதை ஒட்டி ஒரு வாட்ச்மன் அறை .சுடுகாட்டில் பார்த்த அந்த வெளிநாட்டு காரும் உள்ளே இருந்தது.

சனி, 16 செப்டம்பர், 2017

துப்பறிவாளன் - இரண்டாம் பாகம்! ( அத்தியாயம் 1)

ஒரு நாய்க்குட்டியை சுட்டது யார் என்பதை துப்பறிக்க சென்று... ஒரு பெரிய கொள்ளை -  கொலைகார கும்பலை ...

இவ்வளவு துப்பறியும் திறன் இருந்தும்.. "உனக்கு வேண்டிய ஒருவரை சாகடிப்பேன்" என்ற மெசேஜ் வந்தும் அது மல்லிகாவாகவும் இருக்கலாம் என்று அறியாமல் இருந்தேனே...

தன்னை தானே ... வெறுத்து கொண்டான்..

அவ பாட்டுக்கு பிக்பாக்கெட் அடிச்சிட்டு வாழ்ந்து இருந்தா.. என்னை சந்தித்த ஒரே காரணத்தினால் .....

கதவு திறக்க பட.. மனோகர் நுழைந்தான்..

இன்னும் எவ்வளவு நாள் தான் இப்படியே வீட்டை விட்டு வெளியே வராம இருக்க போற?

தெரியல மனோ.. பெரிய தப்பு பன்னிட்டான்டா.. அவளிடம் ஒருமுறை கூட அன்பா இருந்தது இல்ல... ஒரு வார்த்தை நல்லா பேசினது இல்ல. நம்ம கூட இருந்த ஒரே காரணம்.. அந்த ஒரே காரணம் அவ இன்னைக்கு இல்லனு நினைக்கும் போது...

சரி .. நான் கேட்ட கேள்விக்கு பதில் சொல்லு...இன்னும் எவ்வளவு நாள் இப்படியே இருக்க போற..

அவ சாகும் போது... என்ன மனோ நினைச்சு இருப்பா? ஏன்டா இங்கே வந்தோம்னு, இவனை ஏண்டா சந்திச்சோம்ன்னு...ஏன் மனோ.. ஒரு சின்ன பொண்ணு, அவ மனசை ஏன்டா நம்மனால புரிஞ்சிக்க முடியல..

நம்மனாலேன்னு சொல்லாத.. உன்னாலே.. மல்லிகா உன்னை பார்க்கும் போதே அவ பார்வை வைச்சே அவளுக்கு உன் மேல் கொள்ளை பிரியம்ன்னு எனக்கு தெரியும்.

ஏன்டா சொல்லல.. அது எப்படி உனக்கு தெரியும்?

கனி .. அவ கொடுத்த கிறீன் டீயை நீ கழுதை மூத்திரம்ன்னு திட்டி கொடுத்த இல்ல.. அதை கூட அவ மூணு நாளா வைச்சி குடிச்சின்னு இருந்தா..

ஏன்டா எனக்கு அப்பவே சொல்லல..

அது உன் மண்டைக்கு அது புரியாது.. சொன்னா உடனே அவளை வீட்டை விட்டு அனுப்பிடுவன்னு பயந்து தான் சொல்லல ...

எப்படி மனோ.. அந்த வயசு பொண்ணை கொலை பண்ண ஒருத்தனுக்கு மனசு வருது..

கனி.. நான் சொல்லி உனக்கு தெரியணும்னு அவசியம் இல்ல.. கொலை பண்றது ஒரு மன  வியாதி .....சரி, கிளம்பு வெளிய போய் சாப்பிட்டு வரலாம்.

வேணா விடு... எனக்கு பசி இல்லை..

வியாழன், 31 ஆகஸ்ட், 2017

ஆம்பிளையா பிறக்க கூடாது ..

இன்று முக நூலில் ஒரு சிறு துணுக்கு போட்டு இருந்தேன். மேலே தொடருமுன் முதலில் அதை படிக்கலாமே..

ஜோடியா  ஊர் சுத்த வந்து இருக்கியே...லைசன்ஸை எடு...

இதோ..

இது ஒரிஜினல் இல்ல ....ஒரிஜினல் எங்கே..?

காணமல் போச்சி.

அது கிடைக்குற வரை வண்டிய சீல் பண்ணி உள்ளே வைக்க போறோம்.

சார்.. என் கல்யாண ஒரிஜினல் செர்டிபிகேட் கூட காணாம போச்சி சார்


இப்பொது பதிவிற்கு வருவோம்.

இந்த பதிவை படித்த சிலர் லைக் - சிரிப்பு என்று சொல்லி இருந்தாலும் பலர்... உள் டப்பியில் வந்து சிறிது கோவமாக அறிவுரையை அள்ளி தந்தார்கள்.

இதில் என்ன கோவம்...

ஒரிஜினல் லைசன்ஸ் கையில் வைத்து கொள்வது நல்லது தான். இருந்தாலும் அது கையில் இல்லாவிடில் இன்றைய முன்னேற்ற சூழ்நிலையில் தொலைபேசியின் மூலம் காட்டலாம். அல்ல நகல் வைத்து கொள்ளலாம் ... அதை விட்டு விட்டு ஒரிஜினல் இல்லாவிடில் கைது என்பது பெரிய தண்டனை தானே..

அதை தானே சொன்னேன். அதற்கு என்ன கோவம் என்று சொன்னேன்.

அதற்கு பலர்...

நாங்கள் அதை பற்றி பேசவில்லை.. வேறொரு விஷயம் பற்றி பேசினோம் என்று சொல்ல...

நானோ..

ஆமாம்.. இந்த மாதிரி வண்டியை சீல் செய்து ஸ்டேஷனில் வைப்பது வண்டிக்கு நல்லது அல்ல.. மற்றும் வண்டி இல்லாமல் ஒருவன் எப்படி தன் தினந்தோர வேலையை செய்ய முடியும் ...

என்று என் வாதத்தை எடுத்து வைத்தேன்.

இவ்வளவு சொல்லியும் பலரின் கோவம் தணியவில்லை.

கடைசியாக ஒரு அம்மணி..

மனைவி முகநூலில் இல்லை என்ற காரணத்தினால் தானே இம்புட்டு தகிரியமாக எழுதிகின்றீர்கள் என்று போட்டார்களே ஒரு போடு.

அப்போது தான் எனக்கு இவர்களின் கோவத்திற்கான காரணம் புரிந்தது.

என் இனிய தமிழ் மக்களே..

இந்த முழு உரையாடலும் அம்மணிக்கும் - போலீஸ்காருக்கும் நடந்தது தான் என்று நான் சொல்ல வந்தேன்.

இப்போதாவது என் மேல் உள்ள கோவத்தை குறைத்து கொண்டு பரிதாப படுங்கள்.

நன்றி.. 

வெள்ளி, 18 ஆகஸ்ட், 2017

"காலா" தலைவர் மாஸ் இன்ட்ரோ....!

முதல் சீனில்  வானத்தை காட்டுறோம். அப்படியே கமெராவை வானத்துல இருந்து கீழ இறக்குறோம்... நீல வானம் அப்படியே மெதுவா காவியா மாறுது...காவி அப்படியே லாங் ஷாட் போகுது... கமெரா தொடர்ந்து கீழ இறங்க.... வெள்ளை ... பச்சைனு இந்திய தேசிய கொடி ....அந்த கொடியில் நடுவுல இருந்த சக்கரத்தை மட்டும் காணோம்.

அப்படியே காமெராவா.. கொடிக்கம்பத்தில் இருந்து...இறக்கி அருகில் உள்ள பள்ளி கூடத்த காட்டுறோம்.. பள்ளி கூடத்தின் கூரையில் ரெண்டு வெள்ளை புரா...



ரெண்டு புறாவும் பயங்கர சண்டை போட்டுன்னு இருக்கு. இங்கே தான் .. ஹே.... ஹே .. ஹே .. ஹே...ன்னு BGM  ஆரம்பிக்குது...

நான் ஊத்தாத பாலா ...
நான் அடிக்காத கோலா...
நான் நறுக்காத வாலா....

என்று.... தாடியை தடவி கொண்டே தலைவர் பாட... கூட இருந்த நடன கலைஞ்ர்கள்...

வியாழன், 17 ஆகஸ்ட், 2017

டேக் இட் ஈஸி பாலிசி...!

அலை பேசி அலறியது...

விசு..

திஸ் இஸ் ஹிம்...

ஓ.. கிரேட்.. இன்சூரன்ஸ் கம்பெனியில் இருந்து கூப்பிடுறேன்...

ஓ.. தேங்க்ஸ் பட் நோ தேங்க்ஸ்.. எனக்கு நல்ல பாலிசி இருக்கு..

ஹே.. திஸ் இஸ்யுவர் பிரென்ட் ... உனக்கு நல்ல பாலிசியை கொடுத்ததே நான் தான்..

ஓ.. சாரி.. ஹொவ் ஆர் யு?

இருக்கேன்.. எனக்கு சில இன்பர்மேஷன் வேணும்.. கொடுத்தீனா... உன் ஆட்டோ பிரீமியம் கம்மி பண்ணுவேன்...

ஆட்டோ பிரீமியம் கம்மி ஆகுதுன்னா... கொஞ்சம் என்ன நிறைய இன்பர்மேஷன் தரேன்... சொல்லுங்க..

நீ என்ன படிச்சி இருக்க?

படிப்புக்கும் பெர்மியத்துக்கும் என்ன சம்மந்தம்...?

சொல்லு.. மாஸ்டர்ஸ் முடிச்சியா?

ஆமா..

அந்த காப்பிய கொஞ்சம் அனுப்பு..

அம்மணி?

அவங்க ரொம்ப ஸ்மார்ட்....

அப்புறம் எப்படி உன்னை  கல்யாணம் பண்ணாங்க..?

விதி.... விஷயத்துக்கு வா.. அவங்களுக்கு என்ன?

மாஸ்டர்ஸ் முடிச்சி இருக்காங்களா?

செவ்வாய், 15 ஆகஸ்ட், 2017

ஆசைக்கு அம்மா.. ஆஸ்திக்கு அப்பா...

அலை பேசி அலறியது..

கிளம்பிட்டீங்களா?

மனதில் .. கிளம்பிட்டாங்கையா கிளம்பிட்டாங்க...? எங்கேயோ கிளம்பிட்டாயானு கேக்குறாங்க.. நம்ம எங்கேயோ போக வேண்டி இருக்க போல இருக்கு.. எங்கே... எங்கே.. எங்கே..?

இதோ இன்னும் அஞ்சி நிமிசத்துல கிளம்பிடுவேன்..

இன்னும் ஆபிசில் தான் இருக்கீங்களா?

ஆமா. இதோ கிளம்பிட்டேன்..

ஒரு உதவி பண்ணுங்க..

சொல்லு..

டேக்ஸ் ரிட்டர்ன் ஒரு காப்பி பிரிண்ட் பண்ணி எடுத்துன்னு வாங்க..நான் உங்களை அங்கே மீட் பண்றேன்.

சரி.

எங்கே ... எங்கே .. எங்கே.. மனதில் ஒரு நினைவும் இல்லை..

டேக்ஸ் ரிட்டர்ன் எடுத்துனு..?

உடனே அம்மணியின் ஜி மெயில் கணக்கில் நுழைந்து அவர்களின் காலெண்டரை தடவினால்... ஆகஸ்ட் 15 - காலை 10 மணி - லாயர் ஆபிஸ் வித் மூத்தவள் அண்ட் கணவர்.(கூடவே ரிமெம்பர் டு கால் ஹிம் அட் 9 : 15 & Tax return Copy )

படித்தவுடன் சுந்தர் பிச்சைக்கு ஒரு கோடி நமஸ்காரம் போட்டு விட்டு ...


ஓ மை காட்.. நல்ல வேலை 9 : 15 க்கு அம்மணி போன் .. இல்லாட்டி நம்ம நிலைமை...?என்று யோசிச்சு கொண்டே வண்டியை விடுகையில்.. மனதில்...
மூத்தவள் 18 ஆகி விட்டது. இந்த மாதம் கடைசி வாரத்தில் கல்லூரிக்கு போகின்றாள். வீட்டில் இருந்து செல்லவில்லை.. அங்கேயே ஹாஸ்டெலில் தங்கி விடுவாள். அவளுக்கு பத்து வயது இருக்கும் போதே கல்லூரி நாட்கள் இப்படி தான் இருக்கும் என்று தனியாக இருக்க வேண்டி வரும் என்று சொல்லி தான் வளர்த்து வந்தோம். அதற்கான நேரம் வந்து விட்டது.

சரி  அதற்கும் இந்த லாயர் ஆபிசுக்கு என்ன தொடர்பு? ஏன் பெற்றோர்களையும் அவளையும் வர சொல்லி இருக்கின்றார்கள் என்று யோசிக்கும் போது  அந்த அலுவலகம் வந்தது.

காரை நிறுத்திவிட்டு .. 

எங்கே உங்க ரெண்டு பேரையும்  காணோம்?

கொஞ்சம் ட்ராபிக்கில் மாட்டி கொண்டோம்.. அஞ்சு நிமிசத்தில் வந்துடுவோம்.

உங்களுக்கு ஆச்சுன்னா ட்ராபிக் .. எங்களுக்கு ஆச்சுன்னா.. உதாசீனம்.. என்னடா என்று மனதில் மட்டும் நொந்து கொள்ள..

நீங்க உள்ளே போய் உக்காருங்க.. நாங்க வந்து ஜாயின் பண்றோம்.

என்று சொல்ல.. உள்ளே நுழைந்தேன்...

பெரிய - வசதியான அலுவலகம்..

அட பாவி.. ஒரு வாய்தா வேண்டும் என்றால் கூட வீடை  எழுதி வைக்க சொல்லுவாங்க போல இருக்கே என்று நினைக்கையில்.. எதிரில் வந்த கொரியன் பெண் மணி.. 

விவாகரத்து வழக்கா? 

ரைட்டில்போங்க .. என்று சொல்ல.. 

மனதில்.. ரைட்டா போய் இருந்தா விவாகரத்து எதுக்கு என்று நினைத்து கொண்டே ... 

விவாகரத்து இல்லை. ஐ அம் ஹாப்பிலி மாரீட் என்று சொல்ல.. 

அவளோ.. யு ஆர் ஹாப்பிலி மேரீட் .. வாட் அபௌட் யுவர் வைப் ? என்று கேட்பதை போல் ஒரு பார்வை பார்த்து விட்டு ..

பின் இங்கே எதற்கு என்று வினவ..

தெரியவில்லை.. அம்மணி மற்றும் 18 வயது மூத்தவளோடு ஒரு அப்பாயிண்ட்மெண்ட் என்று சொல்ல..

ஓ.. கல்லூரி விஷயம்..  இரண்டாவது ரூம் என்று சொல்ல.. 

அங்கே சென்று அமர்ந்தேன்..

மனதிலோ.. என்னடா இது.. என்னை பார்த்தவுடனே .. விவாகரத்துன்னு எப்படி அவள் முடிவு பண்ணா .. நம்ம லுக் என்ன நம்பியார் லெவலுக்கு போயிடிச்சானு நினைக்கையில்.. 

குட் மார்னிங்.. என்று இன்னொரு கொரியன் பெண்மணி நுழைய.. 

குட் மார்னிங்..அம்மணியின் மூத்தவளும் இப்ப வந்துடுவாங்க...நம்ம வேணும்ன்னா பேச ஆரம்பிக்கலாம்..

இல்லை.. முக்கியமான குடும்ப விஷயங்கள் பல இருக்கு, அவங்களுக்காக வெயிட் பண்ணலாம்.. 
என்று சொல்லி அவங்க கிளம்ப.. 

மனதில்.. ஆமா .. முக்கியமான குடும்ப விஷயத்தை நம்மக்கிட்ட இதுவரை யாரு பேசுனா ..
என்று நினைக்கையில்..

காப்பி.. டீ... தண்ணீர்.. ஏதாவது ..

காப்பி ப்ளீஸ்.. வித் க்ரீம் அண்ட் சுகர்.. 

இரண்டு நிமிடத்தில் .. காப்பி பிஸ்கட்டோடு வந்தது..

நீங்க இங்கேயே இருங்க.. அவங்க வந்தவுடன் நான் வரேன்.

கிளம்பினார்கள்.

எதிரில் காப்பி .. மற்றும் பிஸ்கட் ..

தமிழனுக்கே உரிய சபலம் மணத்தில் வர.. அறையை சுற்றி கமெரா இல்லை என்று உறுதி செய்து கொண்டவுடன்.. பிஸ்கட்டை காபியில் அமுக்கி உண்டு முடிக்கையில்..

மூவரும் வந்தார்கள்.

இங்கேயே இருங்க.. உங்கள் பைலை எடுத்துன்னு வரேன்னு சொல்லி அந்த கொரியன் அம்மணி கிளம்ப..

மூத்தவளோ..

காப்பி பிஸ்கட்டை ஒன்னா பாத்துட  கூடாதே.. உடனே ஊற வச்சிடுவீங்களே என்று சொல்ல.. 

நானோ.. சே.. சே. தனி தனியாத்தான் சாப்பிட்டேன்.. 

காலரில்  பாருங்க.. கொழ கொழன்னு பிஸ்கட்.. என்று அம்மணி சொல்ல.. 

ஓ.... முதலில் பிஸ்கட்  அங்கே விழுந்தது.. அதுக்கு அப்புறம் காப்பி எதுக்கு மேலே விழுந்து இருக்கும்..

அது எப்படி குறி தவறாம ..

பாட்ட காலரில்  படும் சொல்லுவாங்க தானே அந்த மாதிரி தான். 

கொரியன் அம்மணி வந்தார்கள்..

பெற்றோர்கள் இரண்டு பெரும் பதில் எதுவும் சொல்ல வேண்டாம். பிள்ளை மட்டும் பேசினால் போதும் என்று சொல்லி விட்டு..

உனக்கு தற்போது 18  வயது. இந்த மாத இறுதியில் கல்லூரிக்கு செல்ல போகின்றாய். அதற்க்கு பின் உனக்கு மருத்துவ ரீதியாக - பண ரீதியாக ஏதாவது பிரச்னை வந்தால்...

என்று செல்லுகையில்.. நான்.. என்ன சொல்ல வரீங்க என்று அலற ..

அம்மணி கண்ணாலே.. வாயை கொஞ்சம் மூடுறீங்களானு சொல்ல.. 

அமைதி காத்தேன்..

லாயர் தொடர்ந்தார்கள்..

உன்னுடைய மெடிக்கல் ரெகார்டஸ் உன் பெற்றோர்களுக்கு தர படலாமா..?

ஆம்.

உனக்கு ஏதாவது விபத்து ஏற்பட்டு நீ நினைவு இல்லாமல் இருந்தால் உன் பெற்றோர்கள் உனக்கான மருத்துவ முடிவுகளை எடுக்கலாமா?

அப்பா வேண்டாம்.. அம்மா மட்டும் எடுத்தால் போதும்.

அப்பா .. வேண்டாம்? எதுக்கு?

அவர் கொஞ்சம் எமோஷனல்.. அம்மா தான் சரி.

உன்னுடைய லேப் ரிப்போர்ட் மற்றும் எக்ஸ் ரே போன்றவை உன் பெற்றோருக்கு தரப்படலாமா? 

ஆம்..

உன்னுடைய வங்கி  கணக்கு விவரங்கள் உன் பெற்றோருக்கு தரலாமா?

அம்மாவுக்கு வேண்டாம்.. அப்பாவுக்கு மட்டும்.
அம்மாவுக்கு ஏன் வேண்டாம்..

அவங்க  கொஞ்சம் எமோஷனல்.. அப்பாதான்  இதுக்கு சரி ..

என்று பொருத்தமான பதிலை அளித்தாள்.

இப்படி பல கேள்விகள் கேட்டு பதில் அளித்து முடிக்கையில் கிட்டத்தட்ட ஒரு மணி நேரம் முடிந்தது.

சரி.. அடுத்தவாரம் இதன் அதிகார பூர்வ அறிக்கை உங்களுக்கு வரும் என்று சொல்லி முடிக்கையில்.. 

நான் அவர்களிடம்..

18 வயது பிள்ளைக்கு இந்த மருத்துவம் மற்றும் நிதி பெற்றோர்கள் தானே பார்க்க வேண்டும் 

இதற்க்கு எதற்கு .. அதிகாரபூர்வ அறிக்கை.. ?

என்று கேட்க..

மனைவியோ.. நேரமாச்சு கிளம்புலாம்.. அதை நான் உங்களுக்கு அப்புறம் சொல்றேன் என்று முறைக்க..

வெளியே...

என்ன கணக்கு பிள்ளைங்க நீங்க.. ? யாராவது லாயரிடம் போய் எக்ஸ்டரா கேள்வி கேப்பாங்களா? 

அதுல என்ன தப்பு? சந்தேகம் தானே கேட்டேன்.

நீங்க கேட்பீங்க சரி.. அதுக்கு அவங்க வீடை எழுதி   கொடுக்க சொல்லி பில் அனுப்புவாங்க..  

அதுவும் சரி.. நீ தான் சொல்லு.. இது எல்லாம் எதுக்கு?

எல்லாருக்கும் எல்லாம் நல்லாவே நடக்கணும்னு நாம நினைச்சாலும் சில நேரங்களில் விபத்து..சுகவீனம் அப்படி இப்படின்னு ஏதாவது வந்தா அதுக்கு தயாரா இருக்கணும்.

ஏன் அப்படியெல்லாம் ஆகுதுன்னு யோசிக்கணும்.

அப்படி யோசிக்க தேவை  இல்லை. அப்படி ஆனா என்ன பண்றதுன்னு யோசிக்கணும். அந்த மாதிரி நேரத்தில் நம்ம எல்லாரும் ஒன்னா இருந்து மத்த வேலைகளை கவனிக்கணும். அப்படி நடக்கும் போது அடிச்சி பிடிச்சி லாயரிடம் ஓடுறது.. எல்லாம் ரொம்ப கஷ்டம்.. வருமுன் காப்போம்.. அது தான்.

அம்மணி த்தான் என்னே யோசிக்கிறாங்க..

சரி.. மருத்துவம் ஓ கே.. நிதி..?

மருத்துவம் எவ்வளவு முக்கியமோ.. நிதியும் அவ்வளவு முக்கியம். கல்லூரிக்கு போனவுடன் 

அவளுக்கு தனியா க்ரெடிட் கார்ட் வாங்கி கொடுப்பேன்..

யு மீன் கொடுப்போம்..

ஆமா. கொடுப்போம் தானே.. அதுல என்ன என்ன எங்கே எங்கே எப்ப எப்ப செலவு பண்ரான்னு எனக்கு தெரியணும்..

யு மீன் நமக்கு..

ஆமா.. நமக்கு தெரியணும் இல்ல அதுக்கு தான்.

அடேங்கப்பா... இம்புட்டு விஷயம் இருக்கா..

சரி.. அடுத்தவாரம் இதே நேரத்துக்கு திரும்பவும் வாங்க..

ஏன்.. 

உங்க நிதி விஷயத்தை நான் எப்ப வேணும்னா தெரிஞ்சிக்கணும் .. அதுக்கு ஒரு டாக்குமென்டில் உங்கள் கை எழுத்து வேண்டும்.. அதுக்கு தான்.

மாசத்துக்கு இருபது டாலர் செலவுக்கு  தர.. அதை வேற நான் எப்படி செலவு செஞ்சேன்னு வேற  தெரியனும்மா? 

சிறு துளி பெரு வெள்ளம்..அதனால தான்.

என் சோகமான வாழ்க்கையை நானே யோசித்து அழுததில்   என் கண்ணில் திரண்ட சிறு கண்ணீர் பெரு வெள்ளமாக மாறியது.

பின் குறிப்பு:

அமெரிக்காவில் கல்லூரி வயது பிள்ளைகளை  கொண்டுள்ள பெற்றோர்களே.. இந்த விஷயம் மிகவும் முக்கியமானது.. என் வீடு அம்மணி உங்கள் எல்லாருக்கும் சொல்ல சொன்னார்கள். 

அது எல்லாம் சரி.. டேக்ஸ் ரிட்டர்ன் காப்பி எதுக்குன்னு நீங்க கேக்குறது கேக்குது. எனக்கு தெரியல.. உங்களுக்கு தெரிஞ்சா சொல்லுங்க.

கடந்த சில பதிவுகள், உங்கள் கண்ணில் இருந்து தப்பி இருந்தால்...