Tuesday, November 3, 2020

டிரம்ப் ஆண்டாலும் பைடன் ஆண்டாளும் எனக்கொரு .....

"எப்ப வோட்டு போட போறீங்க"

காது கிழிய கேட்டு கொண்டே நேற்று என் அருகில் வந்தாள், இளைய ராசாத்தி.

"நாளைக்கு தானே  காலையில் போய் போடுவேன்

" கடைசி நாள் வரை வைக்கணும், போஸ்டலில் அனுப்ப வேண்டியது தானே.."

"மக, நான் எல்லாம் அந்த காலத்து ஆள். நமக்கு அங்கே போய் வரிசையில் நின்னு .. என் வோட்டு என்ன ஆச்சி? என் வோட்டு என்ன ஆகும்ன்னு டென்ஷனில் நின்னு, பேரை சொல்லி அவங்க, எல்லாம் சரியா இருக்கு, அங்கே போய் வோட்டை போடுங்கன்னு சொல்லும் போது கிடைக்குற த்ரில் வேணும்"

"இதுல என்ன த்ரில்..?"

"நம்ம ஓட்ட நமக்கும் முன்னால எவனும் போட்டு இருக்க கூடாது இல்ல!!"

"அது எப்படி, ஐடென்டிபிகேஷன் கேப்பாங்க தானே "

Thursday, October 22, 2020

"எழுமின்" - சர்வதேச தமிழ் பெண்களுடன் ஒரு காலை!

 எழுமின் - சர்வதேச தமிழ் பெண்களுடன் ஒரு காலை!

அனைத்திற்கும் முன்...

எனக்கும் "எழுமின்" பெண்களுக்கும் என்ன?

மூன்று தலைமுறை மகளிரோடு வாழும் என் வாழ்வின் இலட்சியத்தை சொன்னால் அது புரியும்  .

அம்மா (எனக்கு நான்கு வயது இருக்கும் போது கணவனை இழந்தவர்கள்) :

இவன் வாழ்வை பார்க்க அவருக்கு கொடுத்து வைக்கவில்லையே என்று எண்ண வேண்டும்.

மனைவி : நான் பெற்ற என் இரு மகள்களுக்கும் இவனை போலவே ஒருவன் அமைய  வேண்டும்.

மகள்கள் : நாளை  எங்களுக்கும் மகள்கள் பிறக்கையில் இவனை போல் ஒரு தந்தை வேண்டும்.

இந்த மூன்றை மட்டுமே இலட்சியமாக வைத்து கொண்டு வாழும் ஒரு சராசரி மனிதன் தான். வாழ்வின் மற்ற அனைத்துமே இந்த மூன்றில் தான் அமைந்துள்ளது. இதில் வெற்றி என்றால் வாழ்வே வெற்றி.

சரி, தலைப்பிற்கு வருவோம்.



நேற்று, "எழுமின்" என்ற அமைப்பை சார்ந்த அருமை தோழி புவனா கருணாகரன்...

"விசு!!, எழுமின் சார்பாக  TWI  (சர்வதேச தமிழ் பெண்கள்) ஒரு Zoom நிகழ்ச்சி நடத்த போறோம், நேரம் இருந்தால்  வரவும்" 

என்று ஒரு அழைப்பை தர.. 

"அங்கே என்ன செய்ய போகின்றீர்கள்?!!"

"என்னையும் சேர்த்து பதினாறு பெண்கள் பேச போகின்றோம், பெண்களில்  எழுச்சியை (Empowerment?) பத்தி!!!"

Wednesday, October 21, 2020

சொன்னது நீ தானா . சொல் ! Cell ! செல்! ...

புத்தம் புது காலை போல முடியாவிட்டாலும் ஒரு மீளாவது  போடலாம். 

"வா வாத்தியாரே.. ஐரோப்பா பயணம் எல்லாம் எப்படி ?"

"நல்ல போச்சி தண்டம்... நீங்க எல்லாம் எப்படி இருக்கீங்க?"

"நல்லா இருக்கோம் வாத்தியாரே..!!!"

என்று பேசி கொண்டே இருக்கும் போதே.. தண்டபாணியின் மனைவி திருபுரசுந்தரி அங்கே வந்து சேர்ந்தார்கள்.

"ஹலோ சுந்தரி.. எப்படி இருக்கீங்க ..?"

"நல்லா இருக்கோம் .. அண்ணா.. நீங்க, அக்கா ராசாத்திங்க எப்படி?"

"எல்லாம் நல்லா இருக்கோம்."

"இந்தா,சுந்தரி ஐரோப்பா மில்க் சாக்லேட்..."

"ஏன் வாத்தியாரே .. உங்க ஆபிசில் கொண்டு போய் வைச்சியே .. அதுல ரெண்டு பேக்கட் எனக்கு வாங்க வேண்டியது தானே.."

ரொம்ப அவசியம் பாணி..அங்கே நான் பட்ட அவஸ்த்தை போதாதா ? (அதை படிக்க இங்கே சொடுக்கவும்...ஒரு கோப்பையிலே என் ....)

அப்படி பேசி கொண்டு இருக்கும் போதே...சுந்தரி,,

"ஏன் அண்ணே,, ஐரோப்பாவில் விடுமுறைக்கு போறீங்க..அங்கே இருந்து இவருக்கு மணிக்கு ஒரு முறை SMS டெக்ஸ்ட் அனுப்புனம்ன்னு அவசியமா ?"

"புரியல, சுந்தரி..!!"

"அரை மணி நேரத்திற்கு ஒருமுறை டெக்ஸ்ட் அனுப்பினிங்களே.அதை சொன்னேன்!"

தண்டபாணி நடுவில் புகுந்து..

"சுந்தரி.. உள்ளே போய் வாத்தியாருக்கு டீ ஏதாவது எடுத்துன்னு வா..."

என்று சொல்ல.. சுந்தரி உள்ளே போக... நானோ..

"தண்டம் ... நான் உனக்கு எப்ப "SMS - டெக்ஸ்ட்" அனுப்புனேன்.. உன் தொல்லையே வேண்டாம்னு தானே 3 வாரம் ஐரோப்பா போனேன்.. இங்கே என்னடானா ...SMS  - டெக்ஸ்ட் .. லொட்டு லொசுக்குன்னு .. என்ன நடக்குது இங்கே..?"

"வாத்தியாரே..!!அந்த விஷயத்த பத்தி அப்புறம் பேசலாம்.. நீ சுந்தரி சொல்றதுக்கெல்லாம் சும்மா தலைய மட்டும் ஆட்டு.. அது போதும்.."

என்னை வண்டி தள்ள வைச்சிட்டிடே தண்டம்....

டீ எடுத்து கொண்டு வந்த சுந்தரி...

"போன சனி கிழமை .. "லாஸ் அன்ஜெல்ஸ்" போய் உங்க வண்டிக்கு எதோ கண்ணாடி மாத்தனும்ன்னு காலையில் போனார்... அப்புறம் சாயங்காலம் தான் வந்தார்.."

நானோ தயங்கி கொண்டே..

"ஆமா சுந்தரி... என்ன பண்றது.. அந்த கடைக்காரன் உடனே வந்தா கண்ணாடியை மாத்தி கொடுக்குறேன்னு சொன்னான்.. அதுதான் தண்டபாணி உதவி தேவை பட்டது .."

"அப்புறம் ரெண்டு நாளுக்கு ஒருமுறை தினமும் உங்க வீட்டத் தோட்டத்திற்கு  தண்ணீர் பாய்ச்ச போய்டுவார். அதுக்கு ஏன் அண்ணா தினமும் " டெக்ஸ்ட் " பண்ணிங்க.. ஒரே முறை பண்ணி இருந்தா போதும் இல்ல..."

"இல்ல,,சுந்தரி .. பாணி மறந்துட்டாருன்னா.. செடி காஞ்சிடும் இல்ல ... அதுதான்.."

"அப்புறம் ஒரு நாள் இரவு .. எதோ உங்க பக்கத்து வீட்டுக்கார் ஏதோ அவசரமா கூப்பிட்டார்ன்னு, இவரை போய் பார்க்க சொல்லி ஒரு SMS  அனுப்பினிங்க இல்ல ..  அன்னிக்கு இரவு 10 மணி போய்ட்டு காலையில் தான் வந்தார்.."

(தயங்கி கொண்டே... பொறாமையோடு... ) "ஆமா சுந்தரி.. எங்க வீடு திருடன் அலாரம் அடிக்க ஆரம்பித்து விட்டதாம்... அதுதான் .. அங்கே போய் போலிஸ் வரவரைக்கும் தண்டம் காத்துன்னு   இருக்க வேண்டியாதாச்சி.."

"என்னமோ போங்க அண்ணா.. இருந்தாலும் "சுவிஸ் நாட்டில்" இருக்கும் போது எங்களை எல்லாம் காலாய்த்து ஒரு போட்டோ அனுப்பினிங்களே  .. அது சூப்பர்..."

"எந்த போட்டோ..?"

"அது தான் அண்ணே,, அந்த "ஆத்தோரமா ..""

"ஒ , அதுவா.. சும்மா தமாசுக்கு ..."

"அது சரி அண்ணே..இவரிடம் நேர பேசும் போது மட்டும் தண்டம் .. தண்டபானின்னு கூப்பிட்ரிங்க .. ஆனா SMS  ல் மட்டும் .. மிஸ்டர் தண்டபானின்னு எழுதுறிங்க .. அது ஏன்..?"

"சும்மா மரியாதைக்கு தான்.."

"சரி, அதை விடுங்க.. ..   . நீங்க இல்லாத போது இவரை நிறைய வேலை வாங்கிடீங்கோ.. அடுத்த முறை இவர் ஊருக்கு போகும் போது.. இவரும் உங்களிடம் இருந்து நிறைய எதிர் பார்ப்பார்..(என்று தன் மனதில் வந்த ஆசையை சுந்தரி, கணவன் பெயரை வைத்து சொல்லி முடித்தார் )"

என்று சொல்லி கொண்டே சுந்தரி அந்த இடத்தை விட்டு கிளம்பினார்கள் .

"என்ன தண்டம்.. நான் உனக்கு ஒரு SMS கூட அனுப்பலையே.. என் பெயரை சொல்லி வீட்டிலே நீ தங்கல போல.. இது எப்படி..?"

"விடு வாத்தியாரே..!!"

"பாணி... இது தானே வேண்டாம்.. விஷயத்த சொல்லு.. நான் எழுதின டெக்ஸ்ட் எல்லாம் அவங்க படிச்ச மாதிரி சொல்றாங்க.."

"அவங்க படிச்சதினால் தான் சொல்றாங்க.."

"நான் தான் SMS அனுப்பலையே.. அனுப்பாத SMSசை எப்படி படிச்சாங்க.."

"உனக்கு பதிலா அதையெல்லாம் நானே அனுப்பினேன்.."

"அனுப்புன சரி.. என் போன் என் கிட்டதானே இருந்தது.. அதுல இருந்து எப்படி அனுப்புன.?"


"என்ன வாத்தியாரே .. புரியாத மாதிரி நடிக்கிற ?"

"டேய்.. உண்மையாகவே புரியலே.. விளக்கமா சொல்லு.."

"வாத்தியாரே.. என்னிடம் ஒரு "ஸ்பேர்  - எக்ஸ்ட்ரா "அலை பேசி இருக்கு"

"இருக்கட்டும், அதுக்கு என்ன  இப்ப ?"

"பதறாத வாத்தியாரே.. பொறுமை .. இந்த ஸ்பேர் அலை பேசி நம்பரை .. "விசு வாத்தியார் "ன்னு  பேரை போட்டு,உன் புகை படத்தையும் போட்டு அடுத்த போன்ல சேவ் பண்ணிட்டேன்.."

"அப்புறம்..!!!?"

"அந்த போன்ல இருந்து எந்த SMS அனுப்பினாலும்..உன் போட்டோவோட " மெசேஜ் ப்ரம் விசு வாத்தியார்" ன்னு வரும்.. எனக்கு எப்ப எப்ப வெளியே போகணுமோ.. அப்ப அப்ப உன்னிடம் இருந்து ஒரு SMS வரும். நானும் ஜாலியா கிளம்பிடுவேன்.."

"டேய்.. நடுவில் நான் சுவிஸ் நாட்டில் ஆத்தோரம் இருந்த போட்டோ..?"

 "நீ தான் முகநூலில் சில படங்கள் போட்டியே.. அதுல இருந்து எடுத்து அனுப்பினேன்.."

"அட பாவி... எப்படி தண்டம்.. இப்படியெல்லாம் யோசிக்க முடியுது...?"

"ல்லாம் அவன் செயல்..."

"அட பாவி.. போன மூணு வாரம் என்னை தள்ள வச்சி உன் வண்டிய ஒட்டிகினியே.. நல்லா இரு.. நல்லா இரு.."

பின் குறிப்பு :

அன்று இரவு..

"தண்டம்..?"

"சொல்லு வாத்தியாரே.."

"எனக்கு அவசரமா ஒரு உதவி, தேவை படுது.."

"மூணு வாரமா என் வயித்துல  பால வார்த்த.. உனக்கா இல்லைன்னு சொல்ல போறேன்.. என்ன வேணும் சொல்லு.."

"அந்த "எக்ஸ்ட்ரா" அலை பேசி ஒரு ரெண்டு வாரம் கடனா தர முடியுமா ?"

"இப்ப முடியாது வாத்தியாரே.. வேணும்னா அடுத்த மாசம் வாங்கிக்கோ.."

"இப்ப ஏன் முடியாது..?"

"நம்ம "பிள்ளைவாள்" நேத்து தான் குடும்பத்தோடு இந்தியா போய் இருக்கான்.. அடிக்கடி SMS பண்ணுவான்.. அது சரி.. உனக்கு ஏன் திடீர்னு இந்த போன் தேவை படுது..?"

"இப்ப தான் எனக்கும் "பிள்ளைவாள்" ஊருக்கு போன விஷயம் தெரிஞ்சது.. அதுதான்.."

"புள்ளி வைக்க கூடாதே.. நீ ரோடே போட்டுருவியே ... வாத்தியாரே.."

"டேய் அது .. புள்ளி இல்ல... கோடு.."

 "கோடு போட கூடாதே ... நீ கோலம் போட்டுரிவியே .."

"தண்டம் அது புள்ளி.."

"இப்படின்னா .. அப்படி .. அப்படின்னா இப்படி.. புள்ளியும் கோடும் தான் இப்ப ரொம்ப முக்கியம்...அடுத்த மாசம் நான் ஊருக்கு போறேன் இல்ல, அப்ப உனக்கு அந்த போன் தரேன். அதுவரைக்கும் குடும்பத்த ஒழுங்கா கவனி.. உடம்பை கெடுத்துக்காத, வாத்தியாரே!"

Friday, October 2, 2020

பாட்டு பாட வா!

கொஞ்சம் கிட்டார் கொஞ்சம் கீபோர்டு  கொஞ்சம் ட்ரம்ஸ் கொஞ்சம் ராகம் மாறாமல் நம்மகிட்ட இருக்கு என்ற விஷயம் கொஞ்சம் கொஞ்சமா கொஞ்ச பேருக்கு தெரியவர நம்மளையும் கொஞ்சம் பேர் கொஞ்சும் படி ஒரு கொஞ்சம் நல்ல நேரமா வாழ்க்கை போய் கொண்டு  இருந்த நேரத்துல.


அம்மா "இங்கே நீ படிச்சி கிழிச்சது போதும் மதராசுக்கு போய் படி"ன்னு சொல்லி அனுப்ப அங்கே போனா அம்புட்டு ஒன்று விட்டதுங்களும் இங்கிலீசில் மட்டும் பேச, நமக்கும் இங்கிலீஸ் வரும், ஆனா இவனுங்க லேலவே வேற மாதிரி இருக்கேன்னு நினைக்கையில்,

Thursday, October 1, 2020

"விழியில் என் விழியில்"

 "வாத்தியாரே..."

ஓடோடி வந்தான் ஏழாம் அறிவு பெற்ற  என் நண்பன் குரு!

"சொல்லு!!"

"ராம் லக்ஷ்மணன் படம் பாத்தியா!!?"

2020 ல் 1981ன் இளையராஜாவோடு!

"குரு,!!! அது நான் +2 பர்ஸ்ட்  இயர் படிக்கும் போது வந்துச்சி"

"+2 பர்ஸ்ட் இயர்!!! ?  வாத்தியாரே, அதை +1 ன்னு சொல்லுவாங்க"

"முட்டா பசங்க, +1ன்னு ஒன்னு கிடையாது, + 2 பர்ஸ்ட் இயர் , + 2 செகண்ட் இயர்"

"ரொம்ப முக்கியம், விஷயத்துக்கு வா, ராம் லக்ஷ்மணன் பாத்தியா!!?"

"குரு, நான் தேவர் பிலிம்ஸ் படம் பாக்குறது இல்ல, குரு!"

"ஏன்!!?"

Wednesday, September 30, 2020

ஹலோ மிஸ், ஹலோ மிஸ்! .. நடையா இது நடையா!

MGR - சிவாஜி - கமல்ஹாசன் - கண்ணதாசன்!

சென்ற பதிவில் குரு படத்தில் இளையராஜா இசையமைத்து வந்த பாடல்கள்  கல்லூரி நாட்களை எப்படி எல்லாம் ஆட்டி அசைத்தது என்று சற்றே சுட்டி காட்டி  இருந்தேன்.


இந்த பாடலின் ஆரம்பம் தான் விரும்பும் - காதலிக்கும்  ஒரு பெண் எங்கோ சென்று இருக்க காதலன் கிண்டலாக பாடும் பாட்டு போல் அமைந்த காட்சி..

பாடலின் இசை என்னமோ சூப்பர் மெட்டாக இருந்தாலும் பாடல் வரிகள் என்னமோ ஆராம்ப்பு பசங்களுக்கு தமிழ் வாத்தியார் வைத்த போட்டியில் பங்கேற்ற படைப்புகள் போல் இருக்கும்.

என்னடா இது? இவ்வளவு அழகான மெட்டு, இதுக்கு எப்படியெல்லாம் எழுதி இருக்கலாம் என்று நினைக்கையில், இந்த பாடலை யார் எழுதினார்கள் என்று தேடுகையில்..

"கண்ணதாசன் "

அதிர்ந்தே விட்டேன். 

என்னடா இது ?

Monday, September 28, 2020

பரீட்சையினாலும் விடமாட்டேன்..

80 களின் ஆரம்பத்தில்..

ஹிந்தியில் எந்த படம் வந்து ஹிட் ஆனாலும் அதை K R பாலாஜியின் புண்ணியத்தில் தமிழில் ரஜினி அல்லது கமல்ஹாசனை வைத்து பார்த்துவிடுவோம்.


இப்படி அடித்து பிடித்து ஹிந்தி படத்து காப்பி ரைட்டை வாங்கும் பாலாஜியை முந்தி கொண்டு மலையாள இயக்குனர் IV சசி எதோ ஒரு தயாரிப்பாளரை வைத்து ஹிந்தியில் தர்மேந்திரா நாயகனாக நடித்து வந்த Jugnu படத்தை குரு என்ற டைட்டிலோடு கமல் ஹாசனை வைத்து எடுத்தார். நாயகி ஸ்ரீதேவி.

படம் என்னமோ ஹிந்தியில் போடு போடு என்று போடடாலும் தமிழில் அவ்வாறான வெற்றியை பெறவில்லை.

இசை இளையராஜா..

ஆடுங்கள் பாடுங்கள்..

பறந்தாலும் விடமாட்டேன்

பேரை சொல்லவா..

எந்தன் கண்ணில் ..

இப்படி பட்ட சூப்பர் ஹிட் பாடல்களும் மற்றும், 

தயாரிப்பாளர் சொன்ன பணத்தை தரவில்லையே என்னமோ 

மாமனுக்கு பரமக்குடி

நான் வணங்குகிறேன் 

என்று 

"இது இளையராஜாவா கம்போஸ் பண்ணாரு!!!?"

 என்று கேட்கும்  படியான இரண்டு பாடல்களும் நிறைந்த படம்.

சரி .. தலைப்பிற்கு வருவோம்.

B .Com  இறுதி ஆண்டு.

எப்படியும் அரியர்ஸ் எதுவும் இல்லாமல் பாஸ் பண்ணவேண்டும் என்ற ஒரு நிலைமை. இறுதி செமெஸ்டரில் " Income Law - Practicals"என்ற ஒரு பாடம்.  இந்த பாடம் மிகவும் கடினமாக ஒன்றாக இருந்தாலும் ஒழுங்காக கவனித்து படித்தால் முதல் வகுப்பில் தேர்ச்சி பெறலாம். 

ஒழுங்காக படிப்பதற்கு நாம் எங்கே போவோம்? அதனால்.. என்னால் முடிந்தவரை படித்து விட்டு, இனிமேலும் முடியவில்லை என்று கடைசி தஞ்சமாக பிரைவேட் டுயூஷன் எடுக்க ஆபத்வாந்தவான் "எழில்" வாத்தியாரிடம் செல்ல..

"என்ன விசு, இன்னும் ரெண்டு மாசம் தானே இருக்கு ? ஆறு மாச சிலபஸை எப்படி கவர் பண்ண போறோம்"?

"சாரி, எப்டியாவது ஹெல்ப் பண்ணுங்க, எழில்! நான் பாஸ் பண்ணியே ஆகணும், இது வாழ்க்கை பிரச்னை"

"உனக்குன்னு தனியா எடுக்க முடியாதே, விசு! இன்னும் ரெண்டு மூணு பேர் பேர் இருந்தா!!?"

"பிரச்சனையே இல்ல"

வகுப்பில்..

"யாருக்காவது income Tax - Practicals பாடத்தில் உதவி தேவையா?"

ஏற குறைய அனைத்து நட்புகளும்..

"அந்த பாடத்தில் தேறுவது கஷ்டம்ன்னு தெரிஞ்சி அதை அரியர்சில் வைச்சிட்டோம், அதை நிதானமா அடுத்த வருஷம் பாத்துக்கலாம்"

"எழில் இரெண்டே மாதத்தில் முழு சிலபஸ் எடுக்குறேன்னு சொல்லி இருக்காரு. வாரத்துக்கு அஞ்சி க்ளாஸ், எனிஒன் இன்டெரெஸ்டட்?"

ஆறு பேர் அடித்து பிடித்து ஒத்துக்கொள்ள.. ஏப்ரல் மாதம் நடுவில் வர இருக்கும் இறுதி தேர்விற்க்கான புத்தகத்தை பிப்ரவரி இரண்டாம் வாரத்தில்  வாங்கினோம்.

"டே, எப்படியாவது பாஸ் ஆகிடு, பைல் ஆனா என் மூஞ்சிலே முழிக்காதேன்னு"

என்ற அசரீரோ ஒலிக்க..

சும்மா சொல்ல கூடாது. எழிலின் உதவியால் வருமான வரி நன்றாகத்தான் போனது. வாரம் ஐந்து நாட்கள் காலை ஐந்தில் இருந்து ஏழு வரை. அடுத்த இரண்டு மாதங்கள் போனதே தெரியவில்லை.

இன்னும் பத்து நாட்களில் பரீட்சை.

எழில்," இந்த சனி கிழமை காலை பத்து டு ஒரு மணி எல்லாரும் இங்கே வந்துடுங்க. ஒரு பைனல் ரிவியூ பண்ணலாம். பரீட்சையில் எப்படி  கேப்பாங்க, A B C செக்ஸனில்  என்ன என்ன கேள்வி வரும், எப்படி எப்படி பதில் எழுதணும்னு பார்க்கலாம்.  இத மிஸ் பண்ணிடாதீங்க! இரண்டு மாசம் படிச்சது வேஸ்ட்  ஆகிடும்"

என்று சொல்ல..

அனைவரும் தலையாட்டிவிட்டு விடை பெற, வெள்ளி மாலை வந்தது..

எனக்கும் ஒரு வருடம் முன்னால் B  Com  முடித்து CA படித்து கொண்டு இருக்கும் நண்பன் குரு,  காலிங் பெல்லை அடிக்க ..

"வாத்தியாரே.. !!!"

(நல்ல கேள்வி, உனக்கும் முன்னால B .Com  முடிச்சவன் உன்னை எதுக்கு வாத்தியாரென்னு கூப்பிட்றான் என்று நீங்கள் கேட்பது, அதை குருவிடம் தான் கேட்கவேண்டும்)

"நாளை காலை பத்தில் இருந்து ஒரு மணி வரை எந்த பிளானும் வைச்சிக்காத.. "

"என் வாழ்க்கையில் தான் உனக்கு என்ன அக்கறை குரு!!!"

"இருக்காதா பின்ன, இளையராஜாவை எனக்கு அறிமுகடுத்தியதே நீ தானே.. அதுக்கு நன்றி கடன்"

"புரியல!"

"நாளைக்கு காலையில் பத்து மணிக்கு, குரு"

"சுத்தமா புரியல, குரு"

"வாத்தியாரே, காலை பத்து மணிக்கு குரு"

"ஓ.. எழிலை நீ குருன்னு கூப்புடுவியா  குரு ?

"இப்ப எனக்கு புரியல!!! "

"பத்து மணிக்கு குரு குரு ன்னு என்ன சொல்ல வர குரு?":

"இப்ப தான் ஆபிசில் இருந்து வரேன், வாத்யாரே"

"வா, தப்பே இல்ல !!"

"எங்க ஆபிசில் பக்கத்துல என்ன இருக்கு"

"சொல்லு"

"ராஜா தியேட்டர்"

"அதுக்கு என்ன இப்ப!!!?"

"வாத்தியாரே, நாளைக்கு ஒரு நாள் மட்டும் காலை காட்சி.. IV சசி இயக்கத்தில்  கமல் ஹாசன் நடிப்பில் இளையராஜா இசையில்,  படத்து... பேரை சொல்லவா? அது நியாயமாகுமா ?"

"குரு!!!! "

"அதே தான், பத்து மணிக்கு ஆரம்பிச்சிடும்.. நான் ஒரு ஒன்பதரைக்கெல்லாம்  இங்கே வந்துடுறேன், பகல்காட்சியினாலும் விடமாட்டோம்" பாடினான்.

"ஓகே, குரு.. "

"ஓகே வாத்தியாரே.."

நினைவு வந்தது..

"குரு, நாசமா போச்சி..."

"ஆடுங்கள் பாடுங்கள்ன்னு இருக்குற நேரத்தில், இது என்ன நாசமா போச்சி?:

"நாளைக்கு காலை எழில்ட்ட பத்துமணிக்கு பைனல் ரிவிசன்".

"எதுக்கு!!!?"

"Income Tax - Practicals"

"ரொம்ப அவசியம்! அதை வேற ஒரு நாள் பாத்துக்கலாம்"

"ஐயோ, முடியாது குரு.. "

"வாத்தியாரே.. ஆறுமாசத்துக்கு ஒரு முறை பரீட்சை வரும், ஆனா இந்த பகல் காட்சி குறிஞ்சி பூ போல, பனிரெண்டு வருசத்துக்கு ஒரு முறை தான் வரும், வண்டியில் ஏறு, நேரா போய் எழில்ட்ட பேசிடலாம்"

வண்டியை கிளப்பி எழில் இல்லம் செல்ல ..

"எழில், நாளைக்கு கிளாசை ஞாயிறு திங்கள் போல வைச்சிக்கலாமா "

"இல்ல விசு, நாளைக்கு மதியம் மூணு போல திருவள்ளுவர் பஸ்ஸில் திருப்பதி போக போறோம், வர ஒரு வாரமாகும்.  குடும்பத்தோடு திருப்பதி போறோம்".

"இல்ல, அவசரமா ஒரு விஷயம், காலையில் கண்டிப்பா போகணும்.."

"உனக்கு என்ன பிரச்சனை? அம்மா எல்லாம் OK தானே.. "

"இல்ல, அது வந்து, காலை பத்து மணிக்கு குரு.."

"புரியல.. என்ன குரு.. ?"

குரு, "நீயே சொல்லு"

எழில் "குரு, நீ இவனுக்கு எடுத்து சொல்லு, போன வருஷம் நீ கூட இந்த ரிவிசன் எவ்வளவு பெரிய ஹெல்ப் பண்ணிச்சினு என்கிட்டே மணிக்கணக்கில் சொன்ன தானே, இவனுக்கு சொல்லு"

குரு,"இல்ல எழில், ராஜா  தியேட்டரில், நாளைக்கு ஒரு நாளுக்கு மட்டும் காலை காட்சி   IV சசி இயக்கத்தில்  கமல்ஹாசன் நடிப்பில் இளையராஜா இசையில்..

"குரு!!!"

"அதே தான்"

என்னை விட எழில் அதிகமாய் உணர்ச்சிவசப்பட்டு..

"இப்ப என்ன பண்றது விசு, ஒரே ஒரு நாள் காலை காட்சியா, நல்லா தெரியுமா?"

குரு, "நாளை ஒரு நாள் மட்டும்ன்னு போஸ்டர் போட்டு இருக்கு..

"இப்ப என்ன பண்றது.." 

என்று மூவரும் மூளையை பிசக்க .. எழில் ஒரு பிரமாத பிளான் சொல்ல.. 

அடுத்த நாள் காலை ஒன்பதே முக்காலிற்கு எழிலின் இல்லத்தின் எதிரே என்னை தவிர மற்ற நட்புகள் இருக்க, அங்கே ஒரு நோட்டிஸ்..

'எல்லாரும் , பத்துமணிக்கு ராஜா தியேட்டருக்கு வந்து அங்கே காலை காட்சிக்கு ஒரு டிக்கட் வாங்கி உள்ளே வந்துடுங்க. விசுவும் நானும் அங்கே இருப்போம். மத்த விஷயங்களை அங்கே பேசிக்கலாம்"

எழிலும் இளையராஜா வெறியர் என்று அன்று தான் அறிந்தேன்.

பத்து மணிக்கு, ராஜா தியேட்டரில் டிக்கட் வாங்கி நானும் எழில் மற்றும் குரு அங்கே இருந்த கான்டீன் பெஞ்சில் அமர, மற்ற மாணவர்களும் வந்து சேர..

எழில், "இன்னைக்கு இங்க தான் டுயூஷன்!" 

என்று சொல்லி அங்கே இருந்த பெஞ்சில் அனைவரும் அமர..

" குரு, நீ உள்ள போ, பாட்டு வரும் போது மட்டும் வந்து எங்களை கூப்பிடு"

எழில் ஆணையிட குரு அடிபணிய, பைனல் ரிவிசன் தீர்க்க சுமங்களிப்பவ என்று முடிந்தது.



Friday, September 25, 2020

SPB - உண்மையான அஞ்சலி என்னவென்றால்...

மறைந்த SPG அவர்களின் ஆன்ம சாந்தி அடைய இறைவனை பிரார்த்திப்போம். அவரை இழந்து தவிக்கும் அவரின் குடும்பத்திற்கும் நட்புகளுக்கும் மற்றும் ரசிகர்களுக்கும் என் ஆழ்ந்த இரங்கல்கள்.


இந்த நேரத்தில் பாடகர் SPB அவர்களுக்கு அஞ்சலி மற்றும் மரியாதை செலுத்த விரும்புவோர் தயவு செய்து அன்னாரின் பாடலை பற்றி பேசுங்கள். உங்களில் சிலர் அவரின் பாடலை பாடி பதிவு செய்து பகிர்வது மிகவும் கொடுமையாக உள்ளது. அது மற்றுமின்றி அது SPB யின் மறைவை மறைத்து விட்டு நம்மை வேறு ஒரு உணர்விற்கு தள்ளிவிடுகின்றது. 


 நன்றி.

Tuesday, September 22, 2020

கொட்டோ கொட்டுனு கொட்டும் போது..(NFL)

இன்னாடா, விசுவை ஆளையே காணோம்னு கேட்டுன்னு (அப்படி யாரும் இருந்ததா தெரியல, இருந்தாலும் சும்மா ஒரு பில்ட் அப் இருக்கணும் தானே, அதான் ) இருக்கும் நட்புகளுக்கு..

சென்ற பதிவில் எழுதியது மாதிரி இங்கே NFL சீசன் துவங்கியாச்சி. NFL என்றழைக்கப்படும் National Football League இங்கே அட்டகாசமாக கொண்டாடப்படும், அந்த கொண்டாட்டத்தில் அடியேனும் மகிழ்ந்து கொண்டு இருப்பதால் , நேரம் அதிலேயே செலவிடப்படும்.

எங்கேயும் எப்போதும் RAMS !

இந்த போட்டியில் மொத்தம் முப்பத்தி இரண்டு அணிகள் போட்டியிடுகின்றன. ஒவ்வொரு அணியும் ஒவ்வொரு நகரத்தின் பெயரோடு சேர்த்து தங்களின் அணியின் பெயரையும் வைத்து கொள்வார்கள்.

Wednesday, September 16, 2020

கொரோனாவிற்கு முன் Torontoவில்...

வாழ்க்கை தான் எப்படி மாறிவிட்டது?  சென்ற வருடம் இதே மாதத்தில், கனடாவில் டொரொன்டோவில் ஒரு திருமணத்திற்கு சென்றேன்.  டொரொன்டோவில் அடியேனின் அக்காவும் குடும்பத்தோடு வாழ்கிறார்கள் தானே. அதனால் திருமணம் முடிந்ததும் அவர்களோடு இரண்டு நாள் இருந்து விட்டு வரலாம் என்று திட்டம்.

கிளம்ப  இரண்டே நாட்கள் இருக்கையில் 

"கம்பெனியின் தலை, வெள்ளி காலையில் ஒரு அவசர மீட்டிங் இருக்கு "   ஊரில் தானே இருக்க!?"

"ஐயோ.. டொரொன்டோ போக வேண்டி இருக்கே "

Monday, September 14, 2020

Daughter சொல்லை தட்டாதே...

சென்ற வாரம் பதிவில் எழுதியதை போல், Football சீசன் ஆரம்பித்து விட்டது.  இந்தியாவில் கிரிக்கட் போல் அமெரிக்காவில் Football  is a religion. இந்தியாவிலாவது கிரிக்கெட் மட்டும் தான் பிரபலமான விளையாட்டு. இங்கே basketball, baseball, Ice Hockey  என்று மற்ற விளையாட்டுகளும் பிரபலமாக இருந்தாலும் Football, Fottball தான். 

கடந்த ஆறு மாதங்களாக காய்ந்து போய் வீட்டில் விட்டத்தை பார்த்து கொண்டு இருந்த என்னை போன்றோருக்கு இந்த வாரம் அறுசுவை என்று தான் சொல்லவேண்டும்.

Ready for Game

வியாழன் அன்று Football சீசன் ஆரம்பிக்க, வெள்ளி மற்றும் சனி US OPEN Tennis , அரை இறுதி மற்றும் இறுதி ஆட்டம். அதுமட்டும் இல்லாமல் லாஸ் ஏஞ்சல்ஸ் நகரை சார்ந்த NBA Los Angels Lakers மற்றும் Los Angels Clippers அணிகளும் பிளோரிடாவில் சிறப்பாக ஆடிக்கொண்டு இருக்கின்றன. இந்த இரண்டு அணிகளில் ஒன்று தான் இறுதி ஆட்டத்தில் பங்கேற்கும் என்றும் கோப்பையை வெல்லும் என்றும் எதிர் பார்க்க படுகின்றது.

இது இப்படி போய் கொண்டு இருக்கையில்.. பழம் நழுவி பாலில் விழுவதை போல்,, இந்த வியாழன் முதல் அடுத்த நான்கு நாட்களுக்கு US OPEN  GOLF துவங்க இருக்கின்றது.

திருவிளையாடல் தருமி போல்  " எனக்கில்லை, எனக்கில்லை" என்று ஒப்பாரி வைத்து கொண்டு இருந்த எனக்கு திகட்ட திகட்ட பரிமாட படுகின்றது.

எங்கேயோ ஒரு குரல்.. 

Thursday, September 10, 2020

NFL - காத்திருந்து காத்திருந்து! (The Wait is Over )

அப்பாடா.. .2020 - 21 உதயமாகிறது. 

இன்னாது? 2020 உதயமாகுதா? இன்னா சொல்லுற என்று கேட்போர்களுக்கு !

இன்று .. அதாவது செப்டம்பர் பத்தாம் தேதியான இன்று National Football League என்று அழைக்கப்படும் அமெரிக்க Football  ஆட்டம் ஆரம்பிக்கின்றது. முதல் ஆட்டமான இன்று நடப்பு சூப்பர் பௌல் சாம்பியன் கான்சாஸ் சிட்டி Chiefs அணிக்கும் ஹூஸ்டன் டெக்சன் அணிக்கும் இன்று துவங்க இருக்கின்றது.

Monday, August 31, 2020

ஐம்பதிலும் வீட்டுக்கு வீடு வாசப்படி !

நேத்து ஞாயிறும் அதுவுமா, மதியம் காலிங் பெல் அடிக்க..

"தண்டம், கொரோனா நேரத்துல இங்க என்ன பண்ற, தான் பெற்ற இன்பம் வையகத்துன்னு எதாச்சம் இடக்கு முடக்கா பண்ணிடாத தண்டம்"


"வாத்தியாரே ... கொரோனா எனக்கும் உனக்கும்? நாம ரெண்டு பெரும் தான் கூவம் பக்கத்துலே கருவாடையே கொளம்பு கிண்டி   கொட்டிக்கினவங்க, நம்மை பாத்து கொரோனா தான் பயப்படும்"

அதுவும் சரி தான்.. என்ன விஷயம்"

"நான் வந்த விஷயத்தை விடு.. நீ செத்த வாத்தியாரே.."

"என்னடா சொல்ற"?

"காலையில் இருந்து வீட்டை விட்டு வெளிய வரலை போல இருக்கு!!?"

"இல்ல, கோயில் கூட இப்ப எல்லாம் ஆன் லைன் தானே.,. அதனால வீட்டுக்கு உள்ளேயே தான் இருந்தேன் , என்ன விஷயம்"

"வெளிய வந்து பாரு"

வந்தேன் .. பார்த்தேன்.. 

தண்டம், " பக்கத்து வீடு  வெள்ளைகார மச்சான் தன் அம்மணிக்கு ஐம்பதாவது பிறந்த நாளை எப்படி ஊரறிய கொண்டாடுறான் பாரு..."

Sunday, August 30, 2020

கடலை நோக்கி போனோரே..

ஞாயிரு  மாலை வேளையில் சற்றே இளைப்பாறி கொண்டு இருந்த நேரத்தில் சும்மா  தானே இருக்கோம், கடற்கரை வரை போகலாமே என்று நினைத்து அம்மணியும் அடியேனும் செல்ல.. 

அங்கே கிடைத்த காட்சிகள் எங்களை மலைத்திட செய்தன.

நீங்களும் பாருங்களேன்.



Saturday, August 29, 2020

மெட்ராஸ் நல்ல மெட்ராஸ் - 5 (ஓயாத அலைகள் )

முந்தைய ஏமாற்றத்தை படிக்க இங்கே சொடுக்கவும் 

 ஸ்பீக்கரில்.. 

"எல்லாரும் அசம்ப்ளிக்கு வாங்க, நம்ம ஸ்கூல் - ஸ்டுடென்ட் - சினிமா...  " 

கேட்டவுடன், அம்மா நினைப்பு என்னை அறியாமலே வந்தது..

""விசு, பத்தாவது போல + 2  விலும் மார்க்கில் கோட்டை விட்டுடாத. சினிமா சினிமான்னு இருக்காத, படிப்பில் கவனம் செலுத்து"

சே.. என்னடா மகன் நான்! அவங்க சொல்லிட்டு போய் ஒரு மாசம் கூட ஆகல, அதுக்குள்ள, மாட்டிகிட்டேனே என்று நினைக்கையில்..


மனசாட்சி..

"விசு, அப்ப கூட தப்பு பண்ணிட்டேன்னு வருந்தாம, மாட்டிக்குனோமேன்னு பீல் ஆகற பாரு.. ரொம்ப தப்பு"

ஸ்கூல்- ஸ்டுடென்ட் -சினிமா.. 

"ஏன், எழில், நாம ரெண்டு பேர் மட்டும் தானே தப்பு பண்ணோம்.அதுக்கு ஏன் ஸ்கூல் ஸ்டுடென்ட் சினிமான்னு என்னமோ சொல்லி எல்லாரையும் வர சொல்லுறாங்க..?"

"எல்லாருக்கும் எதிரில் வைச்சி பனிஷ்மென்ட் போல இருக்கு, எங்க அப்பாவுக்கு தெரிஞ்சா.."

"அடிப்பாரா? "

"அடிச்சா பரவாயில்லையே.. கோச்சிக்குவார்"

"சரி, என் தப்பு தான், வா போகலாம் "

அருகில் இருந்த லாரன்ஸிடம்,

Friday, August 28, 2020

மெட்ராஸ் நல்ல மெட்ராஸ்! - 4 (ஸ்கூல் நேரத்தில் சினிமாவா!!?)

முந்தைய ஏமாற்றத்தை படிக்க இங்கே சொடுக்கவும் 

மெட்ராஸ் நல்ல மெட்ராஸ்! - 3 (பாக்யராஜின் அறிவுரை)

இரண்டு மணி நேரம்...


இரண்டு மணி நேரம்...



இரண்டு மணி நேரம்..

காலை காட்சி பாமா ருக்மணி 10  க்கு ஆரம்பிக்கும்.

இப்ப பத்தாக போது. அடிச்சி பிடிச்சி ஓடுனா நியூஸ் ரீல் முடிஞ்சி படம் தொடங்கறதுக்குள்ள போயிடலாம்.

அடிச்சி பிடிச்சி  கிளம்பினோம்.  

காலை காட்சி ஆரம்பித்ததோ இல்லையோ.. நான் ஏமாறும் படலம் ஆரம்பித்தது.

"எழில், காசு எவ்வளவு இருக்கு!!?"

"ரெண்டு ரூவா சில்லறை"

"என்கிட்டே ஒரு மூணு தேறும், வா நைசா போய் பாமா  ருக்மணி பாத்துட்டு வந்து இந்த பார்ம்ஸ் வாங்கின்னுபோலாம் "

கிளம்பினோம். பள்ளி சீருடை அணிந்து இருக்கின்றோம் என்பதை மறந்தும்  கூட.

தியேர்ட்டர் வாசல் எதிரில்..

"என்ன கதவு பூட்டி இருக்கு..!!!? "

Thursday, August 27, 2020

மெட்ராஸ் நல்ல மெட்ராஸ்! - 3 (பாக்யராஜின் அறிவுரை)

முந்தைய ஏமாற்றத்தை படிக்க இங்கே சொடுக்கவும் 


மெட்ராஸ் நல்ல மெட்ராஸ் - 2 (Doctor- Pilot and பாமா ருக்மணி)

நாட்கள் வாரங்களாக..

அதுவரை கமர்கட்டு, நாவற்பழம், குச்சி ஐஸ் என்ற  நொறுக்கு தீனிகள், டீ, சமோசா மற்றும் கோன் ஐஸிற்கு மாறின.

பள்ளி துவங்கி வாரத்திற்கும் மேலாகிவிட்டதே. இனம் இனத்தோடு சேரும் என்பது போல்..


கவாஸ்கர் க்ரூப்

கபில் தேவ் க்ரூப்

ரஜினி க்ரூப்

கமல் க்ரூப்

மேலே இருக்கும் அனைவரும்  இருக்கும் இளையராஜா  க்ரூப்

நன்றாக படிப்போர் க்ரூப்

பணக்காரர் க்ரூப்

பேக் பெஞ்ச் க்ரூப் 

என்று பல க்ரூப்கள் தலையெடுக்க..

எனக்கு கிடைத்தான் ஒரு அருமையான நண்பன் "எழில்"

அவனும் பத்தாவது வரை வேறு ஏதோ பள்ளியில் படித்தவன். என்னை போலவே பத்தாம் வகுப்பு தேர்வில் எக்கசக்க மதிப்பெண் எடுத்து கெக்கபெக்க என்று முழித்ததால் அவன் பெற்றோர் இவனை +2 வில் நல்ல பள்ளியில்  சேர்க்கவேண்டும் என்று St.Gabriels பள்ளியில் சேர்த்தார்கள்.

Wednesday, August 26, 2020

மெட்ராஸ் நல்ல மெட்ராஸ் - 2 (Doctor- Pilot and பாமா ருக்மணி)

முந்தைய ஏமாற்றத்தை படிக்க இங்கே சொடுக்கவும் .

மெட்ராஸ் நல்ல மெட்ராஸ் - 1 (என் வானிலே ஒரே வெண்ணிலா)

என்ன இது சினிமா - ரஜினி - இளையராஜா என்று நன்றாக ஆரம்பித்த மெட்றாஸ் மீண்டும் மீண்டும் ஏமாற்றத்தையே தர போகின்றது என்பதை இரண்டாம் நாளிலே புரிந்து கொண்டேன்..

மெட்றாஸ் எனக்கு தந்த இந்த ஏமாற்றம் என் வாழ்க்கையையே புரட்டி போட்டு மாற்றி விட்டது.

பத்தாவது வரை ஒவ்வொரு வகுப்பிலும் இன்ஸ்பெக்சனுக்கு ஆபிசர்கள் வருகையில் ஒரே ஒரு கேள்வி தான் அனைவரிடம் கேட்கப்படும். அதுவும் மேஜர் சுந்தராஜன் பாணியில்..

"பெரிசானாவுடன் நீ என்னவா வர போற, What do you want to be when you grow big?"

இந்த கேள்விக்கு வருடா வருடம், மொத்த வகுப்பும் "டாக்டர், டாக்டர்" என்று பதில் சொல்லும். அடியேனும் அதற்கு விதிவிலக்கல்ல. ஏழாவதோ அல்லது எட்டாவதிலோ இந்த இன்ஸ்பெக்சன் நடக்கையில் சன்னல் வழியே பார்க்க  ஆகாயத்தில் ஒரு விமானம் தெரிய, ஒரு சேஞ்சிற்க்காக சிட்டுவேஷன் கருதி  "Pilot" என்று மாற்றி கொண்டேன். மற்ற படி "டாக்டர்" தான்,

சரி, மெட்றாஸ் என்ன ஏமாற்றியதா?

Tuesday, August 25, 2020

மெட்ராஸ் நல்ல மெட்ராஸ் - 1 (என் வானிலே ஒரே வெண்ணிலா)

முதல் பாகத்தை படிக்க இங்கே சொடுக்கவும்.  

மெட்ராஸ் நல்ல மெட்ராஸ்!

கரிவடைக்கு பதிலாக வடைகரியினால் வந்த  ஏமாற்றத்தை நினைத்து கொண்டே மீண்டும் டாக்சியில் ஏற..


மீண்டும் கண்கள் சினிமா போஸ்ட்டரை மேய துவங்கின. எத்தனையோ நடிகர்கள் போஸ்டர்கள் இருந்தாலும் கண்கள் என்னமோ ரஜினியை மட்டுமே தேடின.

வெற்றிகரமான 150  நாளை நோக்கி "பில்லா"புதிதாக ஓட்ட பட்டு இருக்கும் "அன்புக்கு நான் அடிமை"

அன்றும் இன்றும் என்றும் என் வானிலே ஒரே வெண்ணிலா என்று கூறும்  விரைவில் " ஜானி"

என் வாழ்வின்  பொற்காலமான 15 - 23 வயதுகளை ரஜினி இளையராஜா கொள்ளை அடிக்க போகின்றார்கள் என்று அறியாமலே கொள்ளை போனேன்.

Monday, August 24, 2020

மெட்ராஸ் நல்ல மெட்ராஸ்!

அதற்கு முன் பல முறை சென்று இருந்தாலும் மெட்ராஸ் என்றவுடன் நினைவிற்கு வருவது பதினான்காம் வயதில் +2 வகுப்பிற்கு சென்ற பயணம் தான்.

பிருந்தாவன் எக்ஸ்பிரஸ் பெரம்பூரை தாண்டியவுடன் தலைக்கு  மேலே உள்ள பைகளை கீழ் இறக்கி கதவருகில் காத்திருக்க  பேசின் பிரிட்ஜ்ன் அருகே இரண்டு பெரிய வாளிகளை போன்ற புகை கக்கிகள் கண்ணுக்கு  தெரிய அடுத்த சில நிமிடங்களில் சென்ட்ரல் நிலையம்.

போர்ட்டர் ஒருவரை வைத்து வெளியே வந்து டாக்சி ஒன்றை பிடித்து அத்தை   வீட்டை நோக்கி செல்ல சாலையின்  இருபுறமும் 70MM அளவிற்கான சினிமா போஸ்டர்கள். 

எங்கு பார்த்தாலும் பில்லா ரஜினி!

Sunday, August 23, 2020

சுண்டலும் கொழுக்கட்டையும் நம்பிக்கையும்.

 சனிகிழமை காலை அதுவுமாய், அம்மணிகள் மூவரும் பணிக்கு செல்ல அடியேன் மட்டும் இல்லத்தில்!


சும்மா தானே இருப்பீங்க, இதையெல்லாம் செய்யுங்கன்னு மூவரும் ஒரு லிஸ்ட் போட்டு கொடுத்து செல்ல, லிஸ்டில் இருக்கும் ஒவ்வொன்றாக செய்து முடிக்கையில் கடைசியில் எனக்கு பிடிக்காத நான் வெறுக்கும் ஒன்று.

"காஸ்ட்கோ" என்ற கடைக்கு சென்று , இதை எல்லாம் வாங்கி வாருங்கள் என்று ஒரு அட்டவணை.

Wednesday, August 19, 2020

பாடகர் SPB க்கு தமிழக அரசு அனைத்து உதவிகளும் செய்யும்.

பதிவை துவங்கும் முன்.... First thing first.. 


 பாடகர் SPB பூரண உடல்நலம் பெற்று இல்லம் திரும்பவேண்டும் என்று வேண்டி கொண்டு ... 

 நேற்று ஒரு செய்தி படித்தேன். 

"பாடகர் SPB யின் மருத்தவ மற்றும் அனைத்து உதவிகளையும் தமிழக அரசு எடுத்து கொள்ளும்"

என்ன ஒரு அறிவுகெட்ட தனமான செயல். 

SPB ஒரு கோட்டீஸ்வரன். அவரிடம் பணத்திற்கும் மற்றும் சமூக அந்தஸ்திற்கும் ஏதாவது குறைச்சல் இருக்குமா? அவரை பரிமார்த்துக்கொள்ளும் திறன் அவரிடம் உள்ளது. 

Monday, August 17, 2020

ராசியில்லா ராணி - ஆறாம்ப்பூ டீச்சர்!

"அந்த ஆறாம்ப்பூ  ராணி டீச்சரை ஏன் எல்லாம் ராசியில்லா ராணின்னு சொல்றாங்க"?


"நீ ஸ்கூலுக்கு புதுசா? "

"ஆமாம்"

"அதான் உனக்கு தெரியல!, பாவம் அவங்க! கொஞ்ச வருசத்துக்கு முன்னால கல்யாணாமாச்சாம். அப்புறம் ஒரே வருசத்துல ஒரு பையன் பாப்பா.. அப்பாவும் பாப்பாவும் ஒரு நாள் சைக்கிளில்  போகும் போது லாரியில் அடிபட்டு செத்துட்டாங்களாம்!"

"அதுக்கு இவங்க எப்படி ராசியில்லா ராணி ஆனாங்க?"

"என்னமோ தெரியல.. ஜாதகம் அது இதுன்னு சொல்லுவாங்க, காலையில் இவங்க எதிரில் வந்தா கூட நாளே நல்லா இருக்காதுன்னு சொல்லுவாங்க"

Friday, August 14, 2020

ஆல்ப்ஸ் மலையில் தோசை மாவு!

முதல் முதலாக விமானத்தில் ஐரோப்பியாவை கடக்கபோகும் நாள் வந்த போது, ஒரு முறைக்கு மூன்று முறை பிரிட்டிஷ் ஏர்வேஸ் அலுவலகம் சென்று 

"எனக்கு ஜன்னல் சீட் தான் வேண்டும்!!"

என்று கேட்டு அதை உறுதி படுத்தி கொண்டு அந்நாள் வர விமானத்தில் ஏறினேன். என் ராசி அந்த முழு பயணமும் பகல் நேரத்தில். எதிரில் இருந்த பெரிய டீவியில் நாங்கள் தற்போது எங்கே பறக்கின்றோம் என்று  காட்டி கொண்டு  இருக்க.. கீழே ஆல்ப்ஸ் மலை!

அம்மாவின் நினைவு வந்தது..


அம்மா  மாற்றுத்திகனாருக்கான பல பள்ளிகளை திறந்து அதை நடத்தி நிர்வாகித்து வருபவர்கள். பணி நிமித்தம் ஐரோப்பா நாடுகளுக்கு, சென்று வருவார்கள். அப்படி ஒருமுறை திரும்பி வந்த அவர்கள், பள்ளி விடுதிக்கான  சமையலறையில் ஒரு பெரிய அண்டாவில் இருந்த தோசை மாவு நிரம்பி வழிவதை பார்த்து...

Thursday, August 13, 2020

தல தல தான்...

மார்ச் மாதம் துவக்கத்தில் எங்கள் கம்பெனியின் தலைமை அதிகாரி அனைவரையும் அழைத்து..

"எல்லாரும் அவங்க அவங்க கம்ப்யூட்டர்,பிரிண்டர், மேசை, சேர், லொட்டு, லொசுக்கு அம்புட்டையும் எடுத்துன்னு வூட்டுக்கு போங்க. நாங்க திரும்பவும் சொல்ற வரைக்கும் வூட்டுல இருந்து தான் வேலை செய்யணும்"ன்னு சொல்ல..

அலுவலகத்தில் உள்ள அம்மணிகள் சந்தோசமாகவும் ஆண்மகன்கள் சோகமாகவும் கிளம்பினோம்.

அன்றில் இருந்து இன்று வரை நிலைமை மாறவில்லை.

கடந்த சில பதிவுகள், உங்கள் கண்ணில் இருந்து தப்பி இருந்தால்...