"Hold my Beer" - Illaiyaraaja's ultimatum

"Hold my Beer" - Illaiyaraaja's ultimatum

I don’t mind being biased because, let’s face it, it's the need of the hour.

It was the early '80s, and we were fortunate enough to be born at the perfect time, getting the best of both worlds. I was in Vellore, Tamil Nadu, India, a city that had more highs than lows. There were a few things that would forever etch themselves in my memory.

• Would this guy named Kapil Dev be as good as Imran Khan?
• Why is the sports page always at the second last page in The Hindu? Can’t they put it on the front page?
• When is Balu Mahendra’s next movie coming out?
• Is Jaws really a true story?
• How could Rajini, who dances like a wooden spoon, have more hits than Kamal Hassan?
• Will India ever beat Pakistan in a cricket game?
• Why do I have to study B.Com when I can be a medical student?

But the mother of all questions back then was:

"What's next from Illaiyaraja?"

கவி பாடி ஆட்டையை போடும் கலாச்சாரம்

நம் முன்னோர்கள் காலத்தில் புலவர்கள் அரண்மனைக்கு சென்று அரசனை பாராட்டி கவிதை பாடி பொற்காசுகளோடு இல்லம் திரும்பார்கள் என்று கேள்வி.

அதே பாணி இன்றும் தொடருகின்றது. இந்த காலத்தில் யார் ஆட்சிக்குவந்தாலும் அவர்களை பாராட்டி ஒரு கவிதை எழுதி சென்னைக்கு அருகே  சில பல கிரௌண்ட் நிலத்தை புலவர் ஒருவர் சிறிது கொண்டே பெறுவார் என்றும் கேள்வி.

நாமும் சராசரி மனிதன் தானே.. ஸ்டாலினை பாராட்டி ஒரு கவிதை எழுதுவோம்.

புது மாப்பிள்ளைக்கு ... பா பா ஒப்பாரி...

 ஒரு மாசத்துக்கு முன்னால நல்ல ஒரு நாளா பார்த்து வீட்டுல இருக்க நாலு பெரும் சேர்ந்து குளிருக்கு  தலையில் இருந்து கால் வரை கம்பிளியை போத்திக்குனு மகிழ்ச்சியா கிளம்பினோம்.

வருசா வருஷம் பண்ற காரியம் தானே. இது ஒரு Family Tradition.

இந்த வருஷம் மூத்த ராசாத்தி வர கொஞ்சம் தாமதமானதால், இளையவளிடம்,

பாட்டு பாட வா!

கொஞ்சம் கிட்டார் கொஞ்சம் கீபோர்டு  கொஞ்சம் ட்ரம்ஸ் கொஞ்சம் ராகம் மாறாமல் நம்மகிட்ட இருக்கு என்ற விஷயம் கொஞ்சம் கொஞ்சமா கொஞ்ச பேருக்கு தெரியவர நம்மளையும் கொஞ்சம் பேர் கொஞ்சும் படி ஒரு கொஞ்சம் நல்ல நேரமா வாழ்க்கை போய் கொண்டு  இருந்த நேரத்துல.

அம்மா "இங்கே நீ படிச்சி கிழிச்சது போதும் மதராசுக்கு போய் படி"ன்னு சொல்லி அனுப்ப அங்கே போனா அம்புட்டு ஒன்று விட்டதுங்களும் இங்கிலீசில் மட்டும் பேச, நமக்கும் இங்கிலீஸ் வரும், ஆனா இவனுங்க லேலவே வேற மாதிரி இருக்கேன்னு நினைக்கையில்,

"விழியில் என் விழியில்"

 "வாத்தியாரே..."

ஓடோடி வந்தான் ஏழாம் அறிவு பெற்ற  என் நண்பன் குரு!

"சொல்லு!!"

"ராம் லக்ஷ்மணன் படம் பாத்தியா!!?"

2020 ல் 1981ன் இளையராஜாவோடு!

"குரு,!!! அது நான் +2 பர்ஸ்ட்  இயர் படிக்கும் போது வந்துச்சி"

"+2 பர்ஸ்ட் இயர்!!! ?  வாத்தியாரே, அதை +1 ன்னு சொல்லுவாங்க"

"முட்டா பசங்க, +1ன்னு ஒன்னு கிடையாது, + 2 பர்ஸ்ட் இயர் , + 2 செகண்ட் இயர்"

"ரொம்ப முக்கியம், விஷயத்துக்கு வா, ராம் லக்ஷ்மணன் பாத்தியா!!?"

"குரு, நான் தேவர் பிலிம்ஸ் படம் பாக்குறது இல்ல, குரு!"

"ஏன்!!?"

பரீட்சையினாலும் விடமாட்டேன்..

80 களின் ஆரம்பத்தில்..

ஹிந்தியில் எந்த படம் வந்து ஹிட் ஆனாலும் அதை K R பாலாஜியின் புண்ணியத்தில் தமிழில் ரஜினி அல்லது கமல்ஹாசனை வைத்து பார்த்துவிடுவோம்.

இப்படி அடித்து பிடித்து ஹிந்தி படத்து காப்பி ரைட்டை வாங்கும் பாலாஜியை முந்தி கொண்டு மலையாள இயக்குனர் IV சசி எதோ ஒரு தயாரிப்பாளரை வைத்து ஹிந்தியில் தர்மேந்திரா நாயகனாக நடித்து வந்த Jugnu படத்தை குரு என்ற டைட்டிலோடு கமல் ஹாசனை வைத்து எடுத்தார். நாயகி ஸ்ரீதேவி.

படம் என்னமோ ஹிந்தியில் போடு போடு என்று போடடாலும் தமிழில் அவ்வாறான வெற்றியை பெறவில்லை.

இசை இளையராஜா..

ஆடுங்கள் பாடுங்கள்..

பறந்தாலும் விடமாட்டேன்

பேரை சொல்லவா..

எந்தன் கண்ணில் ..

இப்படி பட்ட சூப்பர் ஹிட் பாடல்களும் மற்றும், 

தயாரிப்பாளர் சொன்ன பணத்தை தரவில்லையே என்னமோ 

மாமனுக்கு பரமக்குடி

நான் வணங்குகிறேன் 

என்று 

"இது இளையராஜாவா கம்போஸ் பண்ணாரு!!!?"

 என்று கேட்கும்  படியான இரண்டு பாடல்களும் நிறைந்த படம்.

சரி .. தலைப்பிற்கு வருவோம்.

B .Com  இறுதி ஆண்டு.

எப்படியும் அரியர்ஸ் எதுவும் இல்லாமல் பாஸ் பண்ணவேண்டும் என்ற ஒரு நிலைமை. இறுதி செமெஸ்டரில் " Income Law - Practicals"என்ற ஒரு பாடம்.  இந்த பாடம் மிகவும் கடினமாக ஒன்றாக இருந்தாலும் ஒழுங்காக கவனித்து படித்தால் முதல் வகுப்பில் தேர்ச்சி பெறலாம். 

ஒழுங்காக படிப்பதற்கு நாம் எங்கே போவோம்? அதனால்.. என்னால் முடிந்தவரை படித்து விட்டு, இனிமேலும் முடியவில்லை என்று கடைசி தஞ்சமாக பிரைவேட் டுயூஷன் எடுக்க ஆபத்வாந்தவான் "எழில்" வாத்தியாரிடம் செல்ல..

"என்ன விசு, இன்னும் ரெண்டு மாசம் தானே இருக்கு ? ஆறு மாச சிலபஸை எப்படி கவர் பண்ண போறோம்"?

"சாரி, எப்டியாவது ஹெல்ப் பண்ணுங்க, எழில்! நான் பாஸ் பண்ணியே ஆகணும், இது வாழ்க்கை பிரச்னை"

"உனக்குன்னு தனியா எடுக்க முடியாதே, விசு! இன்னும் ரெண்டு மூணு பேர் பேர் இருந்தா!!?"

"பிரச்சனையே இல்ல"

வகுப்பில்..

"யாருக்காவது income Tax - Practicals பாடத்தில் உதவி தேவையா?"

ஏற குறைய அனைத்து நட்புகளும்..

"அந்த பாடத்தில் தேறுவது கஷ்டம்ன்னு தெரிஞ்சி அதை அரியர்சில் வைச்சிட்டோம், அதை நிதானமா அடுத்த வருஷம் பாத்துக்கலாம்"

"எழில் இரெண்டே மாதத்தில் முழு சிலபஸ் எடுக்குறேன்னு சொல்லி இருக்காரு. வாரத்துக்கு அஞ்சி க்ளாஸ், எனிஒன் இன்டெரெஸ்டட்?"

ஆறு பேர் அடித்து பிடித்து ஒத்துக்கொள்ள.. ஏப்ரல் மாதம் நடுவில் வர இருக்கும் இறுதி தேர்விற்க்கான புத்தகத்தை பிப்ரவரி இரண்டாம் வாரத்தில்  வாங்கினோம்.

"டே, எப்படியாவது பாஸ் ஆகிடு, பைல் ஆனா என் மூஞ்சிலே முழிக்காதேன்னு"

என்ற அசரீரோ ஒலிக்க..

சும்மா சொல்ல கூடாது. எழிலின் உதவியால் வருமான வரி நன்றாகத்தான் போனது. வாரம் ஐந்து நாட்கள் காலை ஐந்தில் இருந்து ஏழு வரை. அடுத்த இரண்டு மாதங்கள் போனதே தெரியவில்லை.

இன்னும் பத்து நாட்களில் பரீட்சை.

எழில்," இந்த சனி கிழமை காலை பத்து டு ஒரு மணி எல்லாரும் இங்கே வந்துடுங்க. ஒரு பைனல் ரிவியூ பண்ணலாம். பரீட்சையில் எப்படி  கேப்பாங்க, A B C செக்ஸனில்  என்ன என்ன கேள்வி வரும், எப்படி எப்படி பதில் எழுதணும்னு பார்க்கலாம்.  இத மிஸ் பண்ணிடாதீங்க! இரண்டு மாசம் படிச்சது வேஸ்ட்  ஆகிடும்"

என்று சொல்ல..

அனைவரும் தலையாட்டிவிட்டு விடை பெற, வெள்ளி மாலை வந்தது..

எனக்கும் ஒரு வருடம் முன்னால் B  Com  முடித்து CA படித்து கொண்டு இருக்கும் நண்பன் குரு,  காலிங் பெல்லை அடிக்க ..

"வாத்தியாரே.. !!!"

(நல்ல கேள்வி, உனக்கும் முன்னால B .Com  முடிச்சவன் உன்னை எதுக்கு வாத்தியாரென்னு கூப்பிட்றான் என்று நீங்கள் கேட்பது, அதை குருவிடம் தான் கேட்கவேண்டும்)

"நாளை காலை பத்தில் இருந்து ஒரு மணி வரை எந்த பிளானும் வைச்சிக்காத.. "

"என் வாழ்க்கையில் தான் உனக்கு என்ன அக்கறை குரு!!!"

"இருக்காதா பின்ன, இளையராஜாவை எனக்கு அறிமுகடுத்தியதே நீ தானே.. அதுக்கு நன்றி கடன்"

"புரியல!"

"நாளைக்கு காலையில் பத்து மணிக்கு, குரு"

"சுத்தமா புரியல, குரு"

"வாத்தியாரே, காலை பத்து மணிக்கு குரு"

"ஓ.. எழிலை நீ குருன்னு கூப்புடுவியா  குரு ?

"இப்ப எனக்கு புரியல!!! "

"பத்து மணிக்கு குரு குரு ன்னு என்ன சொல்ல வர குரு?":

"இப்ப தான் ஆபிசில் இருந்து வரேன், வாத்யாரே"

"வா, தப்பே இல்ல !!"

"எங்க ஆபிசில் பக்கத்துல என்ன இருக்கு"

"சொல்லு"

"ராஜா தியேட்டர்"

"அதுக்கு என்ன இப்ப!!!?"

"வாத்தியாரே, நாளைக்கு ஒரு நாள் மட்டும் காலை காட்சி.. IV சசி இயக்கத்தில்  கமல் ஹாசன் நடிப்பில் இளையராஜா இசையில்,  படத்து... பேரை சொல்லவா? அது நியாயமாகுமா ?"

"குரு!!!! "

"அதே தான், பத்து மணிக்கு ஆரம்பிச்சிடும்.. நான் ஒரு ஒன்பதரைக்கெல்லாம்  இங்கே வந்துடுறேன், பகல்காட்சியினாலும் விடமாட்டோம்" பாடினான்.

"ஓகே, குரு.. "

"ஓகே வாத்தியாரே.."

நினைவு வந்தது..

"குரு, நாசமா போச்சி..."

"ஆடுங்கள் பாடுங்கள்ன்னு இருக்குற நேரத்தில், இது என்ன நாசமா போச்சி?:

"நாளைக்கு காலை எழில்ட்ட பத்துமணிக்கு பைனல் ரிவிசன்".

"எதுக்கு!!!?"

"Income Tax - Practicals"

"ரொம்ப அவசியம்! அதை வேற ஒரு நாள் பாத்துக்கலாம்"

"ஐயோ, முடியாது குரு.. "

"வாத்தியாரே.. ஆறுமாசத்துக்கு ஒரு முறை பரீட்சை வரும், ஆனா இந்த பகல் காட்சி குறிஞ்சி பூ போல, பனிரெண்டு வருசத்துக்கு ஒரு முறை தான் வரும், வண்டியில் ஏறு, நேரா போய் எழில்ட்ட பேசிடலாம்"

வண்டியை கிளப்பி எழில் இல்லம் செல்ல ..

"எழில், நாளைக்கு கிளாசை ஞாயிறு திங்கள் போல வைச்சிக்கலாமா "

"இல்ல விசு, நாளைக்கு மதியம் மூணு போல திருவள்ளுவர் பஸ்ஸில் திருப்பதி போக போறோம், வர ஒரு வாரமாகும்.  குடும்பத்தோடு திருப்பதி போறோம்".

"இல்ல, அவசரமா ஒரு விஷயம், காலையில் கண்டிப்பா போகணும்.."

"உனக்கு என்ன பிரச்சனை? அம்மா எல்லாம் OK தானே.. "

"இல்ல, அது வந்து, காலை பத்து மணிக்கு குரு.."

"புரியல.. என்ன குரு.. ?"

குரு, "நீயே சொல்லு"

எழில் "குரு, நீ இவனுக்கு எடுத்து சொல்லு, போன வருஷம் நீ கூட இந்த ரிவிசன் எவ்வளவு பெரிய ஹெல்ப் பண்ணிச்சினு என்கிட்டே மணிக்கணக்கில் சொன்ன தானே, இவனுக்கு சொல்லு"

குரு,"இல்ல எழில், ராஜா  தியேட்டரில், நாளைக்கு ஒரு நாளுக்கு மட்டும் காலை காட்சி   IV சசி இயக்கத்தில்  கமல்ஹாசன் நடிப்பில் இளையராஜா இசையில்..

"குரு!!!"

"அதே தான்"

என்னை விட எழில் அதிகமாய் உணர்ச்சிவசப்பட்டு..

"இப்ப என்ன பண்றது விசு, ஒரே ஒரு நாள் காலை காட்சியா, நல்லா தெரியுமா?"

குரு, "நாளை ஒரு நாள் மட்டும்ன்னு போஸ்டர் போட்டு இருக்கு..

"இப்ப என்ன பண்றது.." 

என்று மூவரும் மூளையை பிசக்க .. எழில் ஒரு பிரமாத பிளான் சொல்ல.. 

அடுத்த நாள் காலை ஒன்பதே முக்காலிற்கு எழிலின் இல்லத்தின் எதிரே என்னை தவிர மற்ற நட்புகள் இருக்க, அங்கே ஒரு நோட்டிஸ்..

'எல்லாரும் , பத்துமணிக்கு ராஜா தியேட்டருக்கு வந்து அங்கே காலை காட்சிக்கு ஒரு டிக்கட் வாங்கி உள்ளே வந்துடுங்க. விசுவும் நானும் அங்கே இருப்போம். மத்த விஷயங்களை அங்கே பேசிக்கலாம்"

எழிலும் இளையராஜா வெறியர் என்று அன்று தான் அறிந்தேன்.

பத்து மணிக்கு, ராஜா தியேட்டரில் டிக்கட் வாங்கி நானும் எழில் மற்றும் குரு அங்கே இருந்த கான்டீன் பெஞ்சில் அமர, மற்ற மாணவர்களும் வந்து சேர..

எழில், "இன்னைக்கு இங்க தான் டுயூஷன்!" 

என்று சொல்லி அங்கே இருந்த பெஞ்சில் அனைவரும் அமர..

" குரு, நீ உள்ள போ, பாட்டு வரும் போது மட்டும் வந்து எங்களை கூப்பிடு"

எழில் ஆணையிட குரு அடிபணிய, பைனல் ரிவிசன் தீர்க்க சுமங்களிப்பவ என்று முடிந்தது.

SPB - உண்மையான அஞ்சலி என்னவென்றால்...

மறைந்த SPG அவர்களின் ஆன்ம சாந்தி அடைய இறைவனை பிரார்த்திப்போம். அவரை இழந்து தவிக்கும் அவரின் குடும்பத்திற்கும் நட்புகளுக்கும் மற்றும் ரசிகர்களுக்கும் என் ஆழ்ந்த இரங்கல்கள்.

இந்த நேரத்தில் பாடகர் SPB அவர்களுக்கு அஞ்சலி மற்றும் மரியாதை செலுத்த விரும்புவோர் தயவு செய்து அன்னாரின் பாடலை பற்றி பேசுங்கள். உங்களில் சிலர் அவரின் பாடலை பாடி பதிவு செய்து பகிர்வது மிகவும் கொடுமையாக உள்ளது. அது மற்றுமின்றி அது SPB யின் மறைவை மறைத்து விட்டு நம்மை வேறு ஒரு உணர்விற்கு தள்ளிவிடுகின்றது. 

 நன்றி.

ஜின்ஜினக்காம் ஜின்ஜினக்காம் ஜின்னுக்குத்தான்...!

 14 வயது இருக்கும்.

ஐரோப்பா பயணத்தை   முடித்து திரும்பி வந்த அன்னை அடியேனுக்கு எடுத்த வந்த பரிசு.

"அங்கே ஆபிசில் இருக்குற ஒரு ஜெர்மனி ஆளிடம் உன் வயசை சொல்லி வாங்கி வர சொன்னேன், இந்தா"

தொட்டு பார்த்தேன். இது என்ன காட்டன் டெரிகாட்டன் பாலிசியஸ்டர் போல இல்லாமல் ரொம்ப தடியா. வெளியே ஒரு கலர் உள்ள வெளுத்து இருக்கே.. என்று நினைக்கையில், அம்மா, 

"பிடிச்சு இருக்கா?"

ஏமாற்றத்தை மறைத்துவிட்டு 

"ஆமா "

என்று சொல்லிவிட்டு அருகில் இருந்த மில்க் சாக்லெட்டை தாக்க ஆரம்பித்தேன்.அன்றில் இருந்து இன்று வரை மில்க் சாக்கலேட்டுக்கு அடிமை, அது வேற கதை. 

பரிசை  எங்கே வைத்தேன் என்று கூட மறந்துவிட்டேன். ஏனோ பிடிக்கவில்லை. சில மாதங்கள் கழித்து பெங்களூர் செல்ல அங்கே ஒரு பிறந்தநாள் விழாவிற்கு  வந்து இருந்த அனைத்து இளசுகளும் அதையே அணிந்து இருந்தார்கள். பார்க்கவும் நன்றாகத்தான் இருந்தது. இருந்தாலும் அதன் மேல் ஓர் ஈர்ப்பு வரவில்லை.

மாதங்கள் கழிந்தது. சகலை ஒருவன்,  இந்த வார சன் இதழில் "கிரீஸ்" என்ற ஆங்கில படத்தின் போஸ்டர். 

ஆஹா...

ஓஹோ..

அருமை..

அட்டகாசம்.

என்று சொல்ல..மேலே செல்லும் முன்...

அந்த காலத்தில் "தி சன் "  என்ற ஆங்கில பத்திரிக்கை  வாங்கும் பழக்கம் இருந்தது. அதன் நடுபக்கத்தில்  மிகவும் பிரபலமான ஹாலிவுட் நடிகர் , கிரிக்கட் வீரர் , ஆங்கில பாடகர் , சினிமா போஸ்டர் போன்று ஏதாவது இருக்கும். அந்த போஸ்டருக்காகவே இந்த இதழை வாங்குவோம். விலை ஒன்னரை ருபாய் (70களில்).

ஓடி சென்று வாங்கி வந்தேன். அருமையான போஸ்டர். இன்னாதான் சொல்லு வெள்ளைகாரன் வெள்ளைக்காரன் தான் . வாழ தெரிஞ்சவன். என்னமா அனுபவிச்சு வாழறான் என்று நினைக்கையில், அந்த போஸ்டரில் "அது" தென் பட்டது.

அம்மா வாங்கி வந்த அந்த "ஜீன்ஸ்". 

அட பாவத்த, இம்புட்டு அழகா இருக்கே. என் கண்ணே பட்டுடும் போல இருக்கேனு, நினைத்து கொண்டே.. 

அணிந்தேன்..

அணிந்தேன் என்று சொல்வதை விட அது என்னை அணிந்தது என்றது தான் சொல்லவேண்டும்.

ஒவ்வொரு காலாய் உள்ளே விட்டு இடுப்பிற்கு மேல் ஏற்றி விட்டு பட்டனை  போட்டு விட்டு வெண்கல ஜிப்பை மேலே இழுத்து விட்டு கண்ணாடியில் என்னை நானே பார்த்தேன்..

"விசு.. இனி உன் வாழ்வில்  இதை விட உன்னை யாரும் அதிகம் தொட போறது இல்லேனு  ஒரு அசரீரி"

பள்ளிக்கூடத்தில் சீருடை வெள்ளை - வெள்ளை ... இன்னாடா இது ? கைக்கு எட்டியது காலுக்கு எட்டவில்லையே என்று மாலையிலும் மற்றும் வார இறுதியிலும் அணிந்து அணிந்து கருநீலத்தின் இருந்த ஜீன்ஸ் சாயம் போய்   சாம்பல் நிறத்திற்கு வந்து இருந்தது.

பெங்களூரில் இருந்து விடுமுறைக்கு வந்த சகலை..

"விசு, செம்ம ஜீன்ஸ்.. "Levis or Wrangler" என்று  கேட்க, அன்று தான் இவை இரண்டும் செம ஜீன்ஸ் வகைகள் என்று அறிந்து கொண்டேன். ஊருக்கு திரும்பி போகுமுன் அவன்.. காலில் விழாத குறையாக.. 

"என்னோட புது Levis  இல்லாட்டி Wranglerரில் ஒன்னை எடுத்துக்கோ. இதை எனக்கு தா"

என்று சொல்ல ... 

இவன் என்ன சாயம் போன ஜீன்சுக்கு புதுசு தரேன்னு சொல்றான், இந்த விசாரணையில் பல திடுக்கிடும் தகவல்கள் இருக்கும் போல இருக்கேன்னு கூகிளை தட்டினேன்.

சாயம் போன ஜீன்ஸ் (Faded Jeans) வகையறாவின் பெருமையை அன்று தான் அறிந்து கொண்டேன்.

நிற்க!!உங்களில் பலர்...!!

என்னமா அளந்து விடுற விசு ? ஒரு அளவு வேணாமா!!?  அந்த காலத்தில் கூகிள் எங்கே இருந்ததுன்னு நாக்கை புடிங்கிக்கிற மாதிரி நாலு கேள்வி பின்னூட்டத்தில் கேட்கலாம்னு  துடிக்கிறீங்க..

சும்மா ஒரு ப்ளோவில் சொன்னேன். 

"சாயம் போனதுக்கு எதுக்குடா புதுசு தாரேன்னு சொல்ற" என்று சகலையிடம் நான் கேட்டதற்கு அவன் தான் அதன் மகிமையை விளக்கினான்.

"இவ்வவளவு தெரிஞ்ச பிறகும் எப்படி தருவேன்..?!! "

"ப்ளீஸ்.. வேணும்னா.. ரெண்டையும் தாரேன். ப்ளீஸ்.. " கெஞ்சினான்.

"கொஞ்ச நாள் போட்டுட்டு அப்புறமா தாரேன்.. "

அந்த கொஞ்ச நாள் அடுத்த  வருடம் முழுக்க  என்று எங்கள் இருவருக்குமே தெரியாது.

நம்ம ராசி பிரகாரம் அடுத்த ஆண்டு வேறொரு பள்ளிக்கு மாற்ற பட.. அங்கே சீருடை சாம்பல் நிற பேண்ட்  -வெள்ளை சட்டை .

சாயம் போன என் ஜீன்ஸிற்கும் அவர்கள் சொன்ன சாம்பல் நிறத்திற்கும் ஆறு வித்தியாசம் கூட இல்லை. நம்பினால் நம்புங்கள் இல்லாவிடில் பரவாயில்லை. ஒரு முழு  ஆண்டை அந்த ஒரே ஒரு ஜீன்ஸில் சமாளித்தேன். 

மாதங்கள் கழிந்தன. 

அம்மாவும் உடன் பிறந்தோரும் அடிக்கடி வெளிநாடு சென்று வருவதால், கால் நிறைய ஜீன்ஸ். நம்ம வேற கடைக்குட்டி சிங்கமாச்சே.. கேட்டது எல்லாம் கிடைக்கும் காலம். ஏறக்குறைய அனைத்து நிறங்களில் வந்து இருந்தாலும்  நமக்கு பிடித்தது என்னமோ நீலம் தான்.  நான் மட்டும் போட்டு ரசிக்காமல் ஜீன்ஸ் அணியும் தோழர் தோழிகளையும் ரசித்தது உண்டு. 

கல்லூரி நாட்கள்! 

அவனா... !!?அந்த ப்ளூ கலர் பேண்ட்டு போட்டுன்னு இருப்பான்.. அவன்தானே.. 

அவனே தான்.

அடுத்து வேலை.

நல்லதோர் பேண்ட், சூட் கோட் பூட் டைஎன்று தான் அலுவலகம் செல்ல வேண்டும் .

பெங்களூரிலும் சரி, பாம்பேயிலும் சரி, வளைகுடாவில் சரி.. இந்த கருப்பு கோட் வெள்ளை சட்டை, கருப்பு பேண்ட் மட்டும் டை என்பது உடன்பிறப்பாகிவிட்டது. 

வேலைகள், வேளைகள்,  நட்புகள், பகைகள்,  பழக்கங்கள் அனைத்தும்  மாறி மாறி வந்த போதும்.. ஜீன்ஸ் மட்டும் கூடவே நின்றது.

திருமணமான புதிதில் . இது என்ன சாக்கு மூட்டை போல இருக்கு என்று சொன்ன அம்மணியிடம் கூட இப்போது அரை டசன் ஜீன்ஸ் இருக்கும். நமக்கு பிடித்தது தானே, அவர்களுக்கும் பிடிக்க வைத்து விட்டேன். பிள்ளைகளும் சரி ஜீன்ஸ் மேல் அதே காதல் தான்.

பிள்ளைகள் ஜீன்ஸில் ஒரே பிரச்சனை . சாயம் போனது மட்டும் அல்லாமல் அங்கே இங்கே கிழித்து கொண்டு தான் அணிகிறார்கள். புதியதாக வாங்கி தரட்டும்மா என்றேன்.. 

"வேணாம்.. இப்படி ஜீன்ஸ் போடுறது தான் இப்ப பேஷன்"

என்று சொல்லி விட்டார்கள்.  

பணியினிமித்தம் அமெரிக்கா வந்த புதிதில் முதல் நாள் அலுவலகத்திற்கு விதியே என்று மீண்டும் கோட் பூட் சூட் டை என்று செல்ல.. அங்கே..

"இப்படி தான் ஆபிசுக்கு டிரஸ் பண்ணுவியா?"

மனதில்.. ஏண்டா.. நானே விதியேன்னு இப்படி இருக்கேன். இது கூட பத்தலையா...

"எஸ்.. ஏன்?!!"

"இல்ல, இங்கே கலிபோர்னியாவில் நாங்க எல்லாரும் கஷுவலா டிரஸ் பண்ணுவோம். உனக்கு இப்படி பிடிச்சி இருந்தா அப்படியே இரு.. எங்களுக்கு டெனிம் ( Denim  ஜீன்ஸின் மறுபெயர்), T ஷர்ட் ஹவாய் ஷார்ட் இருந்தா போதும்"

"என் காலுல்ல  பாலை வார்த்த! ரொம்ப நன்றி" 

இது நடந்து பதினைந்து வருடங்கள் ஆயிற்று. இன்னும் வேலையையும் மாற்றவில்லை ஜீன்ஸையும் மாற்றவில்லை.

ஜீன்ஸ் மேல் என் இம்புட்டு அன்பு?

நல்ல கேள்வி. பல பதில்கள். ஒவ்வொரு பதிலும் ஒவ்வொரு காலத்திற்கு பொருந்தும்.

ஸ்டைல். 

வசதி (Comfortable)

Long Lasting

Long term Investment

துவைக்க வேண்டிய அவசியம் இல்லை

அப்படியே துவைத்தாலும்.

துவைப்பது சுலபம். 

இஸ்திரி தேவை இல்லை.

மேலே சட்டை டீ ஷர்ட் கோட் ஜிப்பா எதுவேண்டுமானாலும் அணியலாம்.

கோடை, குளிர்  , மாலை, வெயில் எல்லாத்துக்கும் ஒத்து போகும் !

சாப்பிட்டு அப்படியே கைய துடைச்சிக்கலாம். 

நிறைய பாக்கெட் 

சில இடங்களில் சிறப்பு மரியாதை.

இன்னும் பல.

சில நாட்களுக்கு முன் , பிள்ளைகள் ஒரு விஷேஷத்திற்கு அழைக்க.. நானும் அவர்கள் பாணியில் கிழிஞ்ச ஜீன்ஸ்   அணிந்து கொண்டு செல்ல.. காரில் இருந்து இறங்கும் போதே என்னை பார்த்த இளையவள் ஓடி வந்தாள்.

"ஏன், பழைய  கிழிஞ்ச ஜீன்ஸ் போட்டுன்னு வந்தீங்க?!!"

"ஹலோ, புதுசு .. .போன வீக்எண்டு தான் இந்த பார்ட்டிக்கு போடலாம்ன்னு வாங்குனேன்."

"என்கிட்டே சொல்றது இல்லையா? "

"நீங்க தானே சொன்னீங்க.. இந்த மாதிரி கிழிஞ்ச ஜீன்ஸ் தான் பேஷன்ன்னு , அதுதான்."

"ஐயோ, அது பேஷன் தான்,, ஆனா எங்களுக்கு, உங்களுக்கு இல்ல!!"

"ஏன்?"

நாங்க போட்டா அது புதுசுன்னு எல்லாருக்கும் தெரியும்?"

"இதுவும் புதுசு தானே.. வாங்கி  ரெண்டு நாள் கூட ஆகல.. "

"நீங்க போட்டா.. பாரு.. கஞ்சன்.. கிழிஞ்ச ஜீன்ஸ் போட்டுன்னு வந்து இருக்கான். புதுசு வாங்குறது தானே.. அவ்வளவு என்ன கஞ்சம்ன்னு சொல்லுவாங்க"

"எனக்கு மட்டும் ஏன் அப்படி..!!?"

"உங்க ரெப்புட்டேஷன் அப்படி "

பின் குறிப்பு: 

உண்மையாவே நான் போட்டு இருந்த ஜீன்ஸ் வயசாகி அடிபட்டு கிழிஞ்சி போனது தான் என்பதை அம்மணிகள் மூவரும் கண்டு பிடிக்காதவரை மகிழ்ச்சி. 

இக்கறிக்கு அக்கறி பச்சா !

 80 களின் பெங்களூர் நாட்கள். திங்கள் காலை துவங்கி சனி மதியம் வரை வேலை. சனி மதியம் ஒரு மணிக்கு சனியன் விட்டது ஒன்னரை நாளுக்கு என்று, அந்த நொடிக்காகவே வாழ்ந்த ஒரு தருணம்.

ஒரு மணிக்கு வீட்டுக்கு சென்று டெரிகாட்டன் பேண்ட் மற்றும் ஷர்ட்டை கழட்டி எறிந்துவிட்டு, 

அழகானா

 அருமையான 

ஆச்சரியமான 

அம்சமான 

அட்டகாசமான

 அற்புதமான 

மற்றும் அழுக்கான ஜீன்ஸையும்

அதற்கென்றே வடிவமைக்க பட்ட T ஷர்ட் ஒன்றையும் அணிந்து கொண்டு கவாஸாகி பஜாஜை எட்டி  உதைத்தால் தானாக பிரிகேட் ரோடில் உள்ள "இந்தியானா பர்கர்ஸ்" உணவகத்திற்கு சென்று நிற்கும்.

இம்பீரியலின் சிக்கன் கபாப்,

எம்பையரின் சில்லி சிக்கன்

டாஜின் பிரியாணி

பானூஸின் ரோல்ஸ்...

இவை எல்லாம் அருமை தான். இருந்தாலும் அதற்கு அதற்கென்று ஒரு  கால நேரம் உள்ளதல்லவா .. சனி மதியம் இந்தியானா பர்கர்ஸ்.

இரண்டு மணி போல் உள்ளே நுழைய, நட்ப்புகள் சில ஏற்கனவே அமர்ந்து இருக்கும், மற்றும் சில நமக்கும் பிறகு வரும். இங்கே மெனுவில் மொத்தமே ஐந்து அல்ல ஆறு ஐட்டம் தான்.  என்னமோ வெவ்வேறு பெயர்கள் அந்த மெனுவில் இருந்தாலும் அவர்களுக்கு செய்ய தெரிந்த ஒரே விஷயம் பர்கர்ஸ் தான். ஆனாலும் சும்மா பில்டப்புக்காக வேற வேற பெயர்கள் வித்தியாசம் வித்தியாசமா வைச்சி இருப்பாங்க. 

"மெது மெது" என்று அப்போது தான் பேக்கரியில் இருந்து வந்த பன்னை இரண்டாக வெட்டி சட்டுவதில்கொஞ்சம் பட்டர் போட்டு, கூடவே க்ரில்ட் வெங்காயம், நேர்த்தியாக வெட்ட பட்ட தக்காளி நடுவில்  ரஸ்ஸல் மார்க்கெட்டில் இருந்து வந்த "கொத்து மாட்டு கறியில்" தட்டி செய்யப்பட்ட பர்கர்ஸ்..

அந்த கறியை அவர்கள் சட்டுவதில் திருப்பி திருப்பி போடும் போதே, நாக்கில் எச்சில்.

இதன் அருகிலேயே நாகார்ஜுன் போன்ற அசைவ உணவகங்கள் உண்டு. அங்கே பதினைந்து ரூபாய்க்கு மட்டன் சிக்கன் பிரியாணி கிடைக்கும். ஆனால் நமக்கு ருசி முக்கியமல்லவா. அதனால் இந்த பர்கர்ஸ்  அந்த மட்டன் சிக்கன்  பிரியாணியை விட விலை அதிகமாய் இருந்தாலும் நாங்கள் இங்கே தான் இருப்போம்.

இதற்கு தொட்டுக்கொள்ள எந்த நிமிடத்திலும் கெட்டுவிடும் என்று நிறத்தில் ஒரு சாஸ்.. மற்றும் வினிகரில் போட்டு எடுத்த ஒரு வெள்ளரி பிஞ்சு. என்ன ஒரு ருசி.. அட அட அட.. இப்ப யோசித்தாலும் நாக்கு ஊறுது.

இங்கே இன்னொரு விஷயம்.

தமிழகத்தின் இருந்த வந்த நம்ம பங்காளிகளை ஒரு முறை இங்கே அழைத்து செல்ல.. 

"என்ன மாம்ஸ், பெங்களூரில் பெஸ்ட் லன்ச் வாங்கி தரேன்னு சொன்னீயே ... எங்கே கூப்பிட்ன்னு போக போற ?" 

"அக்கடபண்ணி சூடு"

அங்கே சென்று ஆளுக்கொரு பர்க்கர்ஸ், கூடவே ஒரு "தம்ப்ஸ் அப் " ஆர்டர் செய்ய.,

பர்கரை ...

"மாம்ஸ், கரி பன் , சூப்பர்"

"கரி பன்.. ஐ, பேரே சூப்பரா இருக்கு!""

"என்ன மாம், ஒரு கடி கடிச்சா ஐட்டம்சுத்தமான  நெய்யில் செய்யபட்ட கேசரி போல பழம் நழுவி பாலில் விழுந்து அதுவும் நழுவி வாயில் விழுந்த மாதிரி  தானா உள்ள போகுது, ஆட்டுக்குட்டி கறியா"

"டேய், இது  பீப்!!"

"என்னாது பீப்பா?"

எதோ ஒரு பாக்யராஜ் படத்தில் ஒருவர் "இட்லியா" என்று அலறுவாரே.. அப்படி அலறினான். .

"ஏண்டா சாப்பிடமாட்டியா?"

"நீ ஒன்னு.. நல்லா சாப்பிடுவேன், இருந்தாலும் என் கண்ணை என்னால நம்பவே முடியல?"

"ஏன்!?"

"இன்னா மாம்ஸ்..?பீப் ஹோட்டலை ஊருக்கு நடுவுல வச்சி வரவன் எல்லாரும் பெருமையா நுழைஞ்சி ஒருத்தனுக்கொருதன் ஆட்டம் பாட்டம்ன்னு?"

"இது என்ன பெரிய விஷயமா ?"

அழுதே விட்டான் பங்காளி..

"மாம்ஸ், எங்க ஊரில் எல்லாம் பீப் ஹோட்டலுக்கு நாற்காலி கூட கிடையாது. நின்னுக்குனு தான் என்று அவன் சொல்லும் போது தான், ஆமா இல்ல, என்று நம் தமிழகத்தின் அனுபவம் நினைவிற்கு வந்தது.

"இருந்தாலும் மாம்ஸ், நீ இப்படி எங்களுக்கு சீப்பா பீப் பர்க்கர்ஸ்  வாங்கி கொடுத்துட்ட பாரு. நீ ரொம்ப கொஞ்சம்!"

"அட பாவத்த, டே.. நீங்க எல்லாம் என் கசின்ஸ் அதனால தான் இங்கே செலவே நிறைய ஆனாலும் பரவாயில்லைன்னு கூட்டினு வந்தேன். சீப்பா வேணும்னா பக்கத்துல நாகர்ஜூனாவில் மட்டன் சிக்கன் பிரியாணி வாங்கி கொடுத்து இருப்பேன்"

"என்னா மாம்ஸ் சொல்ற..? இது மட்டன் சிக்கனோட காஸ்ட்லியா?  ... எப்படி, எதுக்கு ஏன்.."

"அப்புறம் சொல்றேன்.."

"மாம்ஸ், ஒன்னு சொன்னா கோச்சிக்க மாட்டியே.. இனிமேல் எப்ப இப்படி சேரில் உக்காந்து ரிலாக்ஸா பீப் சாப்பிடுவேன்னு தெரியாது.. இன்னொரு "கரி பன்" சொல்லேன் "

சொன்னேன்.

சரி, இது என்ன திடீர்னு "கரி பன் " பத்தி பதிவு?

ரொம்ப நாள் கழிச்சி ஆபிஸ் பக்கம் வர, மதிய பசி.. ஏதாவது சாப்பிடலாம்னு வெளியே போனா .. எதிரில் வந்தது எல்லாம் "பீப் பர்கர்ஸ்". இந்த கடையில் இருக்கும் பர்கர்ஸ் எல்லாம் நல்லா இருக்கும்னு தான், ஆனாலும்..

எங்க பெங்களூரில் கிடைக்கும் இந்தியானா பர்கர்ஸ் போல வருமா?

பின் குறிப்பு:

பெங்களூர் நகரில் இருப்பவர் யாராவது இந்த பதிவை வாசிக்க நேர்ந்தால்..

பிரிகேட் ரோடின் இறுதியில் உள்ள ரவுண்டு அபௌட்டில் இருந்த "இந்தியானா பர்கர்ஸ் " இன்னும் உள்ளதா? 

சொல்லவும்.

கண்ணதாசன் எழுதிய பாட்டிற்கு சம்பளம் வாங்கிய வாலி (கண்ணதாசன் 7)

"சைனா டவுன்"ன்னு ஒரு ஹிந்தி படம். சக்கை போடு போடுது. படத்தின் கதையை கேட்டா என்னமோ MGR க்கே எழுதி இருக்க மாதிரியே இருக்கு என்று சொல்லி கொண்டே வந்தார் அக்காலத்து இயக்குனர் K ஷங்கர். இது நடந்த வருடம் 1968 .

அப்படி என்ன MGR க்கு ஏத்த கதை?

இரட்டை பிள்ளைகளின் அப்பா கொலை செய்ய படுகிறார். ஒரு குழந்தையை அம்மாவும் இன்னொரு குழந்தையை அந்த கொலைகாரனும் வளக்குறாங்க. அம்மா செண்டிமெண்ட்!  ஒரு குழந்தை ஹோட்டலில் நடமாடி பாடுபவர் !இன்னொருத்தார் கொள்ளைகாரார்! சண்டை பாட்டு ஆட்டம்னு..! எல்லாம் MGRக்கு சரியா அமையும்!

என்று அவர் சொல்ல ஒரு தயாரிப்பாளரும் அதற்கு மயங்கி விழ "சைனா டவுன்"  படத்தின்  தமிழ் படைப்பாக  வெளி வந்தது MGRரின் "குடியிருந்த கோயில்" 

பொங்கும் ஆகாய கங்கை! பொங்கியது மீண்டும்!

வருடங்கள் பல ஆனாலும்  சில நினைவுகள் மனதில் நிரந்தரமாக நின்று விடும்.

80களில் நம் கல்லூரி நாட்கள் இந்நாட்கள் போன்றது அல்லவே. அன்றைய பொழுது போக்கு கிணற்று நீச்சல், நண்பர்களோடு கிரிக்கெட், பாட்டு கச்சேரி, வித விதமான புத்தகங்கள், மாலை நேரத்தில் மட்டும் வரும் தொலைக்காட்சி, ரேடியோ மற்றும் .. சினிமா, சினிமா, சினிமா !

எந்த படம் ரிலீஸ் ஆனாலும் அது எப்படி இருக்கோ இல்லையோ போய் உக்கார்ந்துடுவோம். அதுவும் இளையராஜா இசையா இருந்தால் பாடல் கேட்பதற்காகவே ..

இப்படி போய் கொண்டு இருந்த காலத்தில், நண்பன் ஒருவன்..

"விசு, தாஜில் ஆகாய கங்கை பார்த்துட்டீயா?"

"போஸ்டர் பார்த்தேன், கார்த்திக் சுஹாசினி, காம்பினேஷன் சரி இல்லையே"

"யார் நடிச்சி என்ன இழவா இருந்தா என்ன, இசை இளையராஜா.. ஒரு பாட்டு கேட்டேன், சூப்பர், வா போலாம்"

அனுபவி ராஜா அனுபவி - (கண்ணதாசன் 6)

"அனுபவி"

என்ன ஒரு வார்த்தை!!!!?

வாழ்வில் அனைத்து பாக்கியத்தையும் பெற்று நிம்மதியாக மகிழ்ச்சி பொங்க சுகமாக வாழ்பவனை நல்லா "அனுபவிக்கிறான்" என்று சொல்லுவோம்.

.

அதே போல, அடுத்த வேளை  உணவு கூட எப்போது எங்கே இருந்து வரும் என்று  தெரியாமல் நோய்வாய்ப்பட்டு செத்தால் போதும் என்று பரிதாபமாக இருப்பவனை கூட நல்லா "அனுபவிக்கிறான்" என்று தான் கூறுவோம்.

அனுபவி..
ஒரு வார்த்தை எதிர் புதிரான அர்த்தங்கள்.

அது சரி, இதுல கண்ணதாசன் எங்க வந்தாரா?

பொறுமை!

சும்மாவே தமிழில் நாட்டியம் ஆடும் கண்ணதாசனுக்கு "அனுபவி ராஜா அனுபவி" என்ற பட தலைப்பை கொடுத்து காலில் சலங்கையை மாட்டி விட்டார்  கே. பாலச்சந்தர்.  கூடவே கண்ணதாசனின் ஆருயிர் தோழன்   MSVயின்  இசை வேறு. சொல்லவும் வேண்டுமா?

கலைஞரை கலாய்த்த கண்ணதாசன் ! (கண்ணதாசன் 4 )

இன்னும் சில நாட்களில் கண்ணதாசனின் பிறந்தநாள் வருகின்றது அல்லவா. அதையொட்டி கண்ணதாசனை  பற்றிய நிறைய பதிவுகள் வரும். அதெல்லாம் வருவதற்கு முன்பே நமக்கு தெரிந்த கண்ணதாசனை (மீள் )பற்றி அடுத்த சில நாட்களில் தருவோம்.

ஒரு முறை சேலம் அருகே ஒரு இடத்தில் பேசுவதற்காக கலைஞர் கருணாநிதியும் கவியரசு  கண்ணதாசன் அவர்களும் சென்று இருந்தார்கள் . கண்ணதாசன் அவர்கள் தன்னுடைய பேச்சை முடித்து கொண்டு ஒரு அவசர “குடி” போகும் விஷயமாக அந்த இடத்தை விட்டு கிளம்பி அவர்கள் தங்கி இருந்த அறைக்கு சென்று விட்டார் .

ஸ்ரீதர் - MSV - கண்ணதாசன் " சொர்க்கத்தில் கொண்டாட்டம்" (கண்ணதாசன் 3)

இன்னும் சில நாட்களில் கண்ணதாசனின் பிறந்தநாள் வருகின்றது அல்லவா. அதையொட்டி கண்ணதாசனை  பற்றிய நிறைய பதிவுகள் வரும். அதெல்லாம் வருவதற்கு முன்பே நமக்கு தெரிந்த கண்ணதாசனை (மீள் )பற்றி அடுத்த சில நாட்களில் தருவோம்.

 "நெஞ்சில் ஒரு ஆலயம்"  என்ற திரைப்படம் ஸ்ரீதர் – MSV – கண்ணதாசன் மூவரும் இணைந்து வழங்கிய படம். எனக்கே 7 கழுதை வயசு ஆக போகுது, இந்த படம் நான் பிறப்பதற்கும் நான்கு வருடங்கள் முன்னதாக  வந்து உள்ளது.

இரண்டு நாயகர்கள் ஒரு நாயகி. படத்தின் கதை – திரை கதை அமைப்பு பாடல்கள் இசை எல்லாம் நன்றாக அமைய இது ஒரு காவியம் ஆகிவிட்டது.

இதில் இன்னொரு விஷயம் என்னவென்றால், இந்த படம் அந்த காலத்திலேயே நான்கே வாரங்களில் எடுத்து முடிக்க பட்டது (வெளி நாட்டு கூத்து பாடல் இல்லை என்று நினைக்கின்றேன்).

காலாவிற்கு கண்ணதாசன் எழுதிய ஹிந்தி பாடல். (கண்ணதாசன் 1)

இன்னும் சில நாட்களில் கண்ணதாசனின் பிறந்தநாள் வருகின்றது அல்லவா. அதையொட்டி கண்ணதாசாசானி பற்றிய நிறைய பதிவுகள் வரும். அதெல்லாம் வருவதற்கு முன்பே நமக்கு தெரிந்த கண்ணதாசனை பற்றி அடுத்த சில நாட்களில் தருவோம்.

மும்பை நாட்கள், இன்னொரு நாள்!

அதிகாலை எழுந்து அடித்து பிடித்து கிளம்பி.. மெயின் லைனில் அமைந்துள்ள மாட்டுங்கா ரயில் நிலையம் சென்று அங்கு வரும் மின்சார ரயிலை பிடித்து அடுத்த நிலையமான "டாடரில்" இறங்கி அங்கு வெஸ்டர்ன் லைனில்  வரும்  துரித மின்சார ரயிலில் ஏறி, இன்னும் ஒரு முக்கால் மணிநேரம் பயணித்து "சர்ச்கேட்" நிலையத்தில் இறங்கி வேலைக்கு செல்லவேண்டும்.

இந்த இரண்டு ரயில்களுக்குமே சொன்ன நிமிடத்திற்கு மட்டுமல்ல, சொன்ன நொடிக்கு கூட தவறாமல் வந்துவிடும்.

தமிழகத்தில் இருக்கையில் "பெங்களூரு செல்லும் நம்பர் 40 பிருந்தாவன் எக்ஸ்பிரஸ் நாற்பது நிமிடம் தாமதமாக வரும்" என்று கேட்டு பழகி போன எனக்கு பாம்பாய் சென்றவுடன், அங்கே ரயில்களின் அட்டகாசமான நேரம் கடைபிடிப்பு மிக்க ஆச்சர்யம் தான்.

இங்கே நான் சொன்ன இரண்டாவது ரயில், "டாடர் டு சர்ச்கேட்" வண்டி, வெகு தொலைவில் உள்ள "வீரார்" என்ற ஊரில் இருந்து தன் பயணத்தை துவங்கும். விராரில் இருந்து சர்ச்கேட் ஒன்னரை மணிநேரத்துக்கும் மேல் என்று நினைக்கின்றேன்.

என் அருகே நீ இருந்தால்..ஆங்கில பாடல் !

இரவு வந்து உலகே இருட்டாக
நிலவின் ஒளி
ஒன்று மட்டுமே நாம்
காண்கையில்..

நான் அச்சப்படமாட்டேன்..
நான் அச்சப்படவே மாட்டேன்..
என் அருகே நீ இருந்தால்..

நாம்  மேல்நோக்கி பார்க்கும்
அந்த  வானமே  நொறுங்கி வீழ்ந்தாலும்
மலைகள் இடம்பெயர்ந்து
சமுத்திரத்தில் வீழ்ந்தாலும்
நான் அழமாட்டேன், கண்ணீர் விடமாட்டேன்..
என் அருகே நீ இருந்தால்..

மனைவி ஜோக்ஸ் - சரியா தவறா?

மனைவி ஜோக்ஸ் என்பது  உலகின் அனைத்து சாராரிடமும்  பொதுவாகவே இருக்கும் ஒன்று.

மனைவியின் சமையல் பற்றி...

மனைவியின் செலவு பற்றி ...

மனைவியின் தோழிகளை பற்றி..

மனைவியின் பெற்றோரை பற்றி...

மனைவியின் கண்டிப்பாய் பற்றி ...

மனைவியின் பேச்சை பற்றி ...

என்று ...

உலகின் அனைத்து ஆண்களும் மனைவி ஜோக்ஸ் அடித்து கொண்டு இருப்பார்கள்.

பொன்மகள் வந்தாளா?

எப்ப பாரு அந்த மானிட்டரையே பார்த்துன்னு இருக்கீங்களே, அதை ஆப் பண்ணிட்டு டிவியில் ஏதாவது ஒரு படம் போடுங்க என்று அம்மணி கேட்க..

அலறினேன்.

அம்மணி வாழ்க்கையிலே இதுவரை அதிகபட்சம் பத்து படங்கள் கூட பார்த்து  இருக்க மாட்டார்கள். அவங்களே கேக்குறாங்களே என்று உடனே கூகுளை தட்டி, எந்த படம் என்று விசாரிக்கையில்..

OTTயில் நேற்று தான் வெளி வந்து இருக்கின்றது என்று "பொன்மகள் வந்தாள்" படம் என்ற செய்தியை படித்து சில ரிவியூ பார்க்க, ஜோதிகா பெண்களுக்காக போராடும் வக்கீலாக வருகின்றார் என்று அறிந்து  அமேசானை தட்டுகையில்  நான்கு நட்சத்திரம் இருக்க, படத்தை ஆரம்பித்தோம்.

முதல் காட்சியில் துப்பாக்கி சூடு - சத்தம் என்று ஆரம்பிக்க அம்மணியோ..

"ஏதாவது பாக்குற மாதிரி போடுங்க,, இது என்ன துப்பாக்கி சூடு.. இந்த ஹீரோ நாப்பது பேரை அடிச்சி பொண்ணை காப்பாத்தி காதல் பண்ணி கல்யாணம் ஒரே பாட்டில் கோட்டீஸ்வரனாகி பழி வாங்குறது  எல்லாம் வேணாங்க.."

விவசாயி நல்ல விவசாயி.. மனைவி என்னும் முதலாளி ..

"அட பாவத்த.. இந்த அநியாயத்தை என்னத்த சொல்றது..!!!?"

கேட்டு கொண்டே இல்லத்தில் அம்மணியின் நுழைய..எதுவா இருக்கும் என்ற எண்ணம் தலை தூக்க..

எதை சொல்ற? எதுவா இருந்தாலும் அதுக்கு ஒரு அர்த்தம் இருக்கும்.. நிதானம், ப்ளீஸ்.."

"அரண்டவன் கண்ணுக்கு இருண்டதெல்லாம்.. !! இந்த மிஸ்டர்  தண்டபாணி  பண்ண  காரியத்தை கேள்வி பட்டீங்களா?!!?¨

செத்தாண்டா தண்டபாணி! ஆர்வம் தாங்காமல்..

"சொல்லு .. சொல்லு.. தண்டம் நல்ல மனசுக்காரன் தான்.. இருந்தாலும் சில நேரத்தில் தவறுவான், எப்படி மாட்டிக்கிட்டான்.. சொல்லு?"

"அது என்ன ? என்னா பண்ணாருன்னு கேக்குறதுக்கு பதிலா எப்படி மாட்டிக்கிட்டாறுனு? அடுத்தவன் தவறில் பாடம் கத்துக்குறிங்களோ ?"

"சே.. சே.. ஒரு பிளோவில் வந்துடுச்சி.என்ன பண்ணான் தண்டம்?"

ஏரி மேல போற கொரோனா!

அலை பேசி அலற !!!

"வாத்தியாரே, விஷயத்தை கேள்விபட்டியா?"

"கேள்விப்பட்டேன் பாணி, ரொம்ப தப்பு பண்ணுறாங்க"

"இன்னாது பாணியா? நீ தண்டபாணின்னு கூப்பிட்டா உன் பக்கத்துல  யாரோ இருக்காங்கோன்னு அர்த்தம், தண்டம்ன்னு கூப்பிட்டா நார்மலா இருக்கேன்னு அர்த்தம், பாணின்னு கூப்பிட்டா எதோ பிரச்சனைன்னு  ரொம்ப பீலிங்கில் இருக்கேன்னு  அர்த்தம்,அப்படி என்ன சோகமா கேள்வி பட்ட?"

"அத்தை விடு, நீ சொல்ல வந்ததை சொல்லு"

"அமெரிக்கா வாழ் தமிழ் மக்களிடம் ஒரு கணக்கெடுப்பு எடுத்தாங்களாம், அதோட முடிவை கேள்வி பட்டியா"?

"இல்லை, சொல்லு"