என்னை பற்றி மூன்றில் எது பொய்?

பதிவுலகத்தில் பல வருடங்கள் உலா வந்துள்ள அடியேனை பற்றி உங்களில் அநேகருக்கு தெரியும். தங்களில் சிலரை பதிவுலகத்திற்கு வருவதற்கு முன்பே தெரியும். உங்களில் சிலர் அடியேனின் பதிவுகளை படித்து பிடித்து  நெருக்கமான நட்பாகவும் மாறி விட்டீர்கள். 

மற்றும் சிலர், நட்ப்பாக மாறாவிடினும் பின்னூட்டத்தில் வாழ்த்து சொல்வீர்கள். பலர் சைலன்ட் ரீடர்ஸ். ஒரு சீக்ரட் அட்மைரர்.

என்னுடைய பதிவுகள் பொதுவாகவே என்வாழ்வின் நடந்த நிகழ்ச்சிகள் தான். உண்மையான நிகழ்ச்சிகளை நடுவில் மானே தேனே போட்டு எழுதுவேன். 

இரண்டு வருடங்களுக்கு முன் ஒரு ஐம்பது வயதை சார்ந்த தம்பதியரை சந்திக்க நேர்ந்தது. அவர்களிடம் நண்பர் ஒருவர்..

"மீட் விசு, இவர் தமிழில் பிளாக் எழுதுவார்"

என்று சொல்ல, அந்த அம்மணியோ...

"ஐயோ.. நீங்க தான் அதுவா.. ரொம்ப சந்தோசம், நானும் என் புருசனும் உங்க பதிவை தொடர்ந்து படிக்கிறோம். சில பதிவுகள் ரொம்ப டிராமாவா இருந்தாலும், ரொம்ப சிரிக்க வைக்கும் "

என்று சொல்ல, 

பின்னர் அந்த தம்பதியினர் தங்களின் ராசாத்தியை பறி கொடுத்தவர்கள் என்றும் மிகவும் சோகத்தில் உள்ளார்கள் என்றும் கேள்வி படிக்கையில்...

அடே டே... இப்படி நேரம் காலம் எடுத்து எழுதுறோமே, ஏதாவது பயன் இருக்கான்னு நானே எனக்கு கேட்டதும் கொள்ளும் கேள்விக்கு அன்று ..

பரவாயில்லை யாராவது ஒருத்தவங்களுடைய கஷ்டத்தை ஒரு நிமிஷம் மறக்க வைக்கிறோம். தொடர்ந்து எழுதுவோம்னு எழுதுறேன்.

சரி தலைப்பிற்கு வருவோம்

 நீங்க என்னை பற்றி  நிறைய அறிந்ததால்.. மூணு விஷயம் சொல்ல போறேன். அதுல ரெண்டு உண்மை ஒன்னு பொய். எது பொய்யின்னு சொல்லுங்க பார்ப்போம்.

யாருக்கு தெரியும்.. சர்ப்ரைஸ் பரிசு கிடைத்தாலும் கிடைக்கும்.

1. ஒரு முறை நான் நடுகடலில் தூக்கி எறியப்பட்டேன்.

2. கல்லூரி நாட்களில் ஒரு பாடத்தில் மெட்ராஸ் யுனிவர்சிட்டியில் முதலாவதாக வந்தேன்.

3 .சில தமிழ் திரை படங்களில் குரூப் டான்சராக பணியாற்றி உள்ளேன்.

எங்கே சொல்லுங்கள். இவை மூன்றில், பொய் எது என்று!

பின் குறிப்பு :

 சரி, இதுல எது பொய்யின்னு  யோசிக்கும் போதே உங்களை பற்றி மூணு விஷயம் ஒரு பதிவில் எழுதி இங்கே அந்த லிங்க் தாங்க. நானும் மூணுல எது பொய்யின்னு கண்டுபிடிக்கிறேன்.