கொட்டோ கொட்டுனு கொட்டும் போது..(NFL)

இன்னாடா, விசுவை ஆளையே காணோம்னு கேட்டுன்னு (அப்படி யாரும் இருந்ததா தெரியல, இருந்தாலும் சும்மா ஒரு பில்ட் அப் இருக்கணும் தானே, அதான் ) இருக்கும் நட்புகளுக்கு..

சென்ற பதிவில் எழுதியது மாதிரி இங்கே NFL சீசன் துவங்கியாச்சி. NFL என்றழைக்கப்படும் National Football League இங்கே அட்டகாசமாக கொண்டாடப்படும், அந்த கொண்டாட்டத்தில் அடியேனும் மகிழ்ந்து கொண்டு இருப்பதால் , நேரம் அதிலேயே செலவிடப்படும்.

எங்கேயும் எப்போதும் RAMS !

இந்த போட்டியில் மொத்தம் முப்பத்தி இரண்டு அணிகள் போட்டியிடுகின்றன. ஒவ்வொரு அணியும் ஒவ்வொரு நகரத்தின் பெயரோடு சேர்த்து தங்களின் அணியின் பெயரையும் வைத்து கொள்வார்கள்.

நான் வாழும் லாஸ் அஞ்செல்ஸ் நகரத்திற்கு இரண்டு அணிகள் உண்டு. சில வருடங்களுக்கு முன்பு வரை ஒரு அணி கூட இல்லாமல் இருந்தது வேறொரு கதை.

Los Angels RAMS

Los Angels CHARGERS.

இதில் எனக்கு பிடித்த அணி RAMS . ஆண்டவன் புண்ணியத்தில் இந்த வருடம் முதல் இரண்டு ஆட்டங்களும் மிக சிறப்பான முறையில் வெற்றியாக அமைந்தன.

Always ready with a RAMS Shirt

RAMS MASK 

அது சரி, 32 அணிகள் என்னைக்காவது ஒரு நாள் தானே ஆடுவாங்க.. அதுக்கு என்ன நீ ரொம்ப பிஸின்னு பில்ட் அப், இதெல்லாம் டூ மச் என்று சொல்வது கேட்கின்றது. அதுதான் FOOTBALL . கொஞ்சம் ஆசை பட்டு இறங்கிட்டோம்!!!, மவனே வைச்சி செஞ்சிடும். 

ஒவ்வொரு வாரமும் வியாழ கிழமை ஒரு ஆட்டம். பின்னர் ஞாயிறு பதிமூணு ஆட்டம், கடைசியா திங்கள் கிழமை ஒரு ஆட்டம்னு நடக்கும்.

இதுல இன்னொரு விஷயம். இங்கே இந்த ஆட்டத்தில் பெட்டிங் எக்கச்சக்கமா நடக்கும், லீகல் பெட்டிங் தான். அது மட்டும் இல்லாமல் பத்து பேர் சேர்ந்த ஒரு க்ரூப் ஆரம்பிச்சி அங்கே வேற பந்தயம் கட்டி ஆடுவாங்க.

எங்க ஆபிசில்  ஒரு போட்டி. வார வாரம் நடக்கும் போட்டிகளிலும் எந்த எந்த அணி வெற்றி பெறும்னு கணிக்கனும். அதுல வெற்றி பெறுவோருக்கு  வாரத்துக்கு நூறு டாலர். கடைசியா பிப்ரவரி மாதம் போட்டி முடியும் போது மொத்த சீசனை கணிச்சவங்களுக்கு லம்ப்பா ஒரு பரிசுத்தொகை.  இது ஆபிசில் அனனைவரையும் கவர்ந்தாலும், எனக்கு பிடிச்சது வேறொரு போட்டி.

25  டாலர்  கட்டி ஆடலாம். அடுத்த 17 வாரத்துக்கு ஒவ்வொரு வாரமும் ஒரு வெற்றி பெரும் அணியை தேர்வு செய்யணும். ஒரு முறை ஒரு அணியை தேர்வு செஞ்சிட்டா  அதுக்கு அடுத்து வர வாரங்களில் அந்த அணியை மறுபடியும் தேர்வு செய்ய முடியாது. 

போன வருஷம் வீட்டுல இருக்க அம்மணி கண்மணிகள்னு சேர்த்து ஆளுக்கு ரெண்டு டிக்கட் மொத்தம் இருநூறு டாலர் போட்டு வாங்கி வாரம் வாரம் ஒன்னு ஒண்ணா கோட்டை விட்டு பதிமூனாவது வாரம் கடைசி என்ட்ரியும் போக, பதினேழு வாரம் சரியா சொன்ன நபருக்கு 180 ,000  டாலர் பரிசு .

இந்த வருஷம் பரிசு தொகை 223 , 000 . எட்டு டிக்கட் வாங்கியாச்சு.,  இந்த வருஷம் மொத்தம் 9950 பேரு இதுல இருக்காங்க. இந்த 9950 டிக்கெட்டில் முதல் வாரமே கிட்டத்தட்ட நாலாயிரம் என்ட்ரி காலி (அடியேன் குடும்பத்து நான்கு  உட்பட) . என்னத்த பண்றது? டாப் டீம் மூணு INDIANA  COLTS, SAN FRANCISCO 49ERS, PHILADELPHIA EAGLES  இந்த மூணும் ஊத்திக்கிச்சி. 

முதல் வாரமே கிட்டத்தட்ட  பாதி பேரு போயாச்சே அடுத்த வாரம் என்னவாகுமோன்னு இருக்கையில் இரண்டாவது வாரம் மொத்தம் 200 பேரு கூட தோக்கல.  எல்லா டீமும் எதிர்பார்த்த படியே வெற்றி பெற்றாட்சி.

இரண்டு வாரம் தாக்கு பிடிச்சாச்சு. இன்னும் பதினைஞ்சே வாரம் தான். வாரம் வாரம் ஒரே அணிதான். 

பதிவர் வருண், இந்த பதிவை படிக்க நேர்ந்தால், இந்த வாரத்திற்கு நான் வெற்றி பெரும் என்று தேர்வு செய்த  அணிகள் 

SF 49ers  (VS NY Giants ) மற்றும் IND COLTS (VS NY JETS)! தேரும் தானே!!!? 

ராகுகாலம்,கேது, சனி, செவ்வாய், கணக்கு, ஊரு பேர் , எத்தனை எழுத்துன்னு ஜோசியம் பார்க்க தெரிஞ்சவங்க "ப்ரெசென்ட் சார்" ன்னு பின்னூட்டத்தில் சொல்லுங்க. மொத்த பரிசு 223,000$  அதுல உங்களுக்கு 10%.

ஓகே? 

டீல் ஆர் நோ டீல்?

GO RAMS!