Thursday, April 28, 2016

இன்னும் எத்தனை நாளுதான் .....

டிங் டாங்.. வீட்டு அழைப்பு மணி அலறியது..

வாத்தியாரே..

வா தண்டம்.. என்ன சொல்லிக்காம ,,,, கொல்லிக்காமா..

இந்த பக்கம் வந்தேன், உன்னிடம் ஒரு முக்கியமான விஷயம் பேசணும்...

அட பாவி.. பங்கஜவல்லி அம்புஜநேத்திரியா ? ஏதாவது எடக்க முடக்க பண்ணி சுந்தரிட்ட வாங்கி கட்டிகினியா...

அரண்டவன் கண்ணுக்கு இருண்டதெல்லாம் பேயாம் ..

சரி விஷயத்த சொல்லு.. என்ன திடீர்னு..

ஆமா.. என்ன இப்பெல்லாம் உன் பதிவில் நான் வரதே இல்லை...?

அப்படியெல்லாம் இல்லை தண்டம்..

இல்லை வாத்தியாரே.. முந்தி எல்லாம் ரெண்டு பதிவுனா ஒன்னுல நான் இருப்பேன் .. இப்ப..

ஒன்னும் இல்ல..

உண்மைய சொல்லு.. பதிவுலகத்தில் "விசு"ன்னு ஒருத்தனை தெரியாதவங்க  இருந்தாலும் இருக்கலாம், ஆனால் இந்த தண்டபாணியை தெரியாமல் யாரும் இருக்க முடியாதே..

அதனால  தான்.

எதனால?

தண்டம்.. நான் என்ன எழுதினாலும்.. அதையெல்லாம் படிக்காம  தண்டத்த பத்தி எழுத்து.. தண்டம் போட்டோ போடுன்னு என்னை ஓரங்கட்டுறாங்க.. அதுதான் உன்னை கொஞ்சம் ஒதுக்கி வைச்சி இருக்கேன்.

நாசமா போக..இதுக்கு எங்க ஊரில் ஒரு சின்ன கதை சொல்லுவாங்க வாத்தியாரே..

சொல்லு..

கப்பல் முழுக்க பொண்ணுங்க வராங்கன்னு சொன்னவுடன்.. எனக்கு ஒன்னு என் அப்பாவுக்கு ஒன்னுன்னு சொன்னான்னாம்.

கப்பல் முழுக்க இருக்காங்க தானே தண்டம். எடுத்துன்னு போகட்டும் விடு. அதுல என்ன தப்பு .. ?

முழுசா கேளு வாத்தியாரே..

கப்பல் முழுக்க பொண்ணுங்க வராங்கன்னு சொன்னவுடன்.. எனக்கு ஒன்னு என் அப்பாவுக்கு ஒன்னுன்னு சொன்னான்னாம்.

தண்டம், கப்பல் தரை தட்டிடிச்சி ..விஷயத்த சொல்லு ...

தலைக்கு இம்புட்டு காசு தரனும்னு சொன்னவுடன்..

சொன்னவுடன்...?

சரி வேண்டாம் விடு .. நான் சின்ன பையன்.. எங்க அப்பாவிற்கு வயசாயிடுச்சின்னு சொன்னானாம்..

தண்டம்.. விவரமான ஆளா இருக்கான் தண்டம்..

அவன் விவரமோ இல்லையோ.. நீ விவரமா இருக்க...

புரியல....

வாத்தியாரே.. என் புலம்பல வச்சின்னு ஒரு புத்தகமே போட்டுட்டு இப்ப என்னை கழட்டி விட்டா..பதிவர்கள் மத்தியில் சக பதிவர் என்னை பத்தி என்ன சொல்லுவாங்க..

என்னது .. நீ சகபதிவரா ?

ஆமாம்..

இதுவரை எத்தனை பதிவு எழுதி இருக்க ?

நான் எதுக்கு எழுதணும்.. எனக்கு பதிலாதான் என்னையும் சேத்து நீ எழுதுறியே ..

இதுக்கு எங்க ஊரில் ஒரு கதை சொல்லுவாங்க... தண்டம்..

உன் கதையை கேக்க நேரம் இல்ல ... , சீக்கிரம் கிளம்பு.. இங்க பக்கத்துல இருக்க "ஸ்டார்பக்ஸ்" கடையில் ஒரு வட இந்தியன் எனக்கு காத்துன்னு இருக்கான். கூட வேலை செய்யறவன். போனவாரம் தான் இந்தியாவில் இருந்து வந்து இருக்கான். ஊரில் இருந்து ஏதோ பார்சல் கொடுத்து இருக்காங்க.. வா போய் வாங்கின்னு வரலாம்.

நீ போ தண்டம். கொஞ்ச நாளாவே . நான் இந்த வட இந்தியங்களை கொஞ்சம் அவாயிட் பண்றேன்.

ஏன் வாத்தியாரே.. ஜூன் மாசம் "மோடி வராரே அதுக்கு டிக்கட் வாங்குன்னு தலையை தின்றான்களா.?

டேய், அவர் மீட்டிங்கு இப்ப எல்லாம் இவங்களே போறது இல்லை.

அப்ப ஏன் அவாயிட் பண்ற..

அது பெரிய கதை..

வாத்தியாரே.. .இவன் கூட ரொம்ப டார்ச்சர் தான். அஞ்சு நிமிசத்துக்கு மேலே பேச முடியாது..இப்படி பண்ணேன்.

சொல்லு..

நான் கிளம்பி போறேன்..

சரி.. பாக்கலாம்...

வாத்தியாரே.. பொறுமை.. நிதானமா கேளு..

நான் கிளம்பி போறேன்.

 சாதா நாளிலே அவன் உடனே என்னை விட மாட்டன். இப்ப பொண்டாட்டி பிள்ளைகள் வேற ஊரில் இருக்காங்க.. அறுத்து எடுத்துடுவான்.

உன்னாலே தாங்க முடியலையே.. என்ன ஏன் கூப்பிடுற..

அதுதான் வாத்தியரே.. அவனை பாத்து பார்சல் வாங்கினவுடன்.. நான் அவன்ட்ட.. ஏன் ப்ரெண்ட் ஒருத்தர் இப்ப வருவாரு அவரோட அவசரமா லாஸ் அன்ஜெல்ஸ் போகணும்ன்னு சொல்றேன்..

டேய்.. எனக்கு தலைக்கு மேல வேலை.. என்னால லாஸ் அன்ஜெல்ஸ் வரமுடியாது.

பேச்சுக்கு வாத்தியாரே..

சரி.. நீ கிளம்பி வா .. நீ வந்தவுடன் ..அங்கே இருந்து ரெண்டு பேரும் எஸ்கேப்.

ஓகே..

பத்து நிமிஷத்தில் வா.

சரி,.
வாத்தியாரே.. ஒரு விஷயம்.. இந்த பார்ட்டிகொஞ்சம் ஓவர் லொள்ளு பார்ட்டி.. நம்மை கண்டா கொஞ்சம் கேவலமா பேசுவான். அட்ஜஸ்ட் பண்ணிக்கோ.

தண்டம் .. என்னை ஏன் கேவலமா பேசுவான்/

நீயே வந்து பார்.

பத்து நிமிடம் கழித்து கடையை அடைந்தேன்.அவர்கள் இருவரும் அமர்ந்து இருந்த இடத்தை நோக்கி சென்று..

அடுத்த சில உரையாடல்கள் ஆங்கிலத்தில் நடந்தேறியது அதை தமிழாக்கம் செய்து கொடுக்கின்றேன்.

ஹை.. பாணி.. நேரமாச்சி கிளம்பு..

வாத்தியாரே.. மீட் சின்ஹா..

நைஸ் மீட்டிங் யு.. சரி, நேரமாச்சி கிளம்பு..

என்று நான் சொல்ல.. சின்ஹாவோ..

இருங்க.. என்ன அவசரம்.. காபி குடிங்க,,,என்று சொல்லிவிட்டு..
தண்டபாணியை நோக்கி..
உங்களுக்கு வெக்கம் மானம் ரோசம் எதுவுமே இல்லையா என்றான்.

அங்கே என்ன பேச்சு நடகின்றது என்று அறியாமல் நானோ.. ஆச்சரியமாக பார்க்க..

தண்டம் என்னை 'வாத்தியாரே.. காப்பாத்து ' என்று முழிக்க.. நான் சின்ஹாவை பார்க்க.. அவனோ என்னை பார்த்து..

இந்த தண்டபாணி ஆட்களுக்கு வெட்கம் மானம் ரோசம் இல்லையா என்றான் ..

நானோ.. ஏன் அப்படி கேட்கின்றீர்கள் என்று தெரியாமல் கேட்டு விட..

நேத்து டிவியில் பார்த்தேன். ஜெயலலிதா. இவங்க முதல் அமைச்சர்..

அவங்க முதல் அமைச்சர்ன்னா இவன் என்ன பண்ணுவான்.

ஒரு நிமிஷம்.. கேளுங்க..அவங்க கார் போகையில் அந்த கார் போற தரைய ஒரு ஆள் கும்பிட்டான்..

அதுக்கு ஏன் தண்டபாணியை திட்டுற..

அந்த கும்பிட்டானே.. அவனும் முன்னால்  முதலமைச்சராம் ... இவங்ககளுக்கு வெட்கம் மானம் ரோசம்..

என்று கொக்கரிக்க..நானோ தண்டத்தை நோக்கி..

உண்மையா தண்டம்..இது உண்மையினா.. சின்ஹா இஸ் கரெக்ட்.

இந்த மாதிரி தலைவர்களை தேர்ந்தெடுத்ததற்கு உங்கள்ளுக்கு வெக்கம் மானம் இல்ல தான்..

என்று சொல்ல.. தண்டமோ .... வாத்தியாரே.. கவுத்திட்டியே

என்று என்னை பார்க்க .. சின்ஹா தொடர்ந்தான்.

சரி.. இந்த முறையும் இந்த வயதான ஓய்வு பெற்ற நடிகை தானா.. இவங்களுக்கு பதிலா அடுத்த எந்த நடிகர் நடிகையை செலெக்ட் பண்ணி வச்சி இருக்கீங்க..

என்று கேட்ட்க.. தண்டமோ ..சற்று சுதாரித்து..

இல்லை இந்த முறை கருணாநிதி வர வாய்ப்பு உள்ளது..

என்று உளற சின்ஹாவோ..
அட பாவி.. கருணாவா .. அவருக்கு என்ன 108 வயசு இருக்குமா

என்று ஒரு நக்கலோடு நிறுத்தாமல்.. அதுவும் நல்லது தான் ..அவரை அங்கேயே ஏதாவது ஒரு பதவி கொடுத்து வச்சிகுங்க.. டெல்லி வந்து.. 2G பாணியில் மீண்டும் ஒரு மெகா...

அது அவர் மட்டும் இல்ல .. காங்கிரஸ்சும் தான்,. என்று தண்டம்  தொடர்ந்து உளற..

சின்ஹாவோ.. ஏன் தண்டபாணி .. உங்களுக்கு இவ்வளவு பேராசை..உங்க ஆளுங்கள பாத்தாலே ... ஒரு திருடன், சுயநலவாதி .. பேராசைகாரன்னு மட்டும் இல்லாமல் .. ஒரு :முட்டாள்கள்ன்னு ஒரு பேச்சு நாடு முழுக்க அடி படுதே , அது உனக்கு தெரியுமா?

அது எப்படி முட்டாள்கள்னு சொல்லுவாங்க. நீங்க கூடாதான் டெல்லியில்..

தண்டபாணி.. நாங்களும் முட்டாளா இருந்தோம்.ஆனா புரிஞ்சிகினோம். போன தேர்தலில் "தொடங்கி ஒரு வருடம் கூட முடியாத அம் ஆத்மி கட்சிக்கு'முழு மெஜாரிட்டி கொடுத்து ஆட்சில் வச்சி இருக்கோம்.

அது ஒரு விபத்து.. இந்தியாவில் வேறு எங்கும் நடக்காது..

ஏன் நடக்காது தண்டபாணி.அடுத்தவருடம் பஞ்சாப் சட்டசபை தேர்தல் வருது. டெல்லியில் எங்களுக்கு கிடைத்த ஆட்சி அவங்களுக்கு ரொம்ப பிடிச்சி போச்சு. அடுத்த வருடம் நடக்கும் தேர்தலில் காங்கிரஸ் - பி ஜே பி  அகாலி தள், இந்த மாதிரி கட்சிக்கு கண்டிப்பாக ஒரு சீட் கூட இல்ல, டெபொசிட் கூட கிடைக்க கூடாதுன்னு முடிவு பண்ணிட்டாங்க..

என்று அவன் சொல்லும் போது.. நானோ தண்டத்தை பார்த்து பரிதாப பட்டு.. எறியும் நெருப்பில் எண்ணை ஊத்தினேன்..

அது எல்லாம் இருக்கட்டும் தண்டபாணி.. இலவசம்ன்னா.. எனக்கு ஒன்னு என் அப்பாவுக்கு ஒன்னுன்னு போய் வரிசையில் நிப்பீங்கலாமே ..

என்று எடுத்து கொடுக்க..

சின்ஹாவோ.. அம்மா.. விசிறி.. மாவு ஆட்றது.. தோசை சுடறது, இது எல்லாம் தான முக்கியம் தண்டபாணி.. ஏன் இப்படி இவ்வளவு கேவலமா இருக்கீங்க.. சாப்பாடு கூட இலவசமா எதிர் பாக்குரிங்கலாமே . அதுக்கு எங்க ஊரில் என்ன பேரு தெரியுமா.. "பிச்சை எடுக்குறது"

என்று சொல்லி கொண்டே..என்னை நோக்கி..

ஆமா.. இவ்வளவு பேசினேன்.. உங்க பேரை கூட தெரிஞ்சிக்காம..
நான் ..ரிச் கர்நலியஸ் ...

பேரை வித்தியாசமா இருக்கே.. இந்தியாவில் எந்த ஊரு.. நீங்க ரிச்..

நானா.. நான்..கோவா...

என்று சொல்ல ...தண்டமோ..

ரிச்.. சீக்கிரம் கிளம்புங்கோ.. லாஸ் அன்ஜெல்ஸ் போகனும்ம் என்று சொல்ல..

நானோ.. சின்ஹா.. சும்மா இருந்தா நீங்களும் வாங்க ... பேசினே போகலாம்
என்று சொல்ல..

தண்டம் எதோ திடீரென்று.. சரி.. லாஸ் அன்ஜெல்ஸ் வேண்டாம் .. நான் வீட்டுக்கே போறேன் என்று. சொல்ல..

என்ன தண்டம்.. என்னமோ உங்க வீட்டுக்கு முக்கியமா எதோ வாங்கனும்ம்னு சொன்னீயே என்று சொல்ல .

தண்டமோ பதிலாக...

வாங்கனும்ம்தான் நினைச்சேன்.. ஆனா இப்ப தான் ஒரு விஷயம் நினைவிற்கு வந்தது. அதனால அதை அப்புறமா வாங்கிக்கலாம்னு முடிவி பண்ணிட்டேன்.

அப்படி என்ன விஷயம் நினைவிருக்கு வந்தது..

நான் சின்ன பையன். எங்க அப்பாவுக்கு வயசாயிடிச்சி.. அதுதான்...

என்று அங்கு இருந்து கிளம்ப....

அறையின் ஓரத்தில் .. என் கண்ணில்.. சாரதி தெரிய.. அவன் அடியேனை சின்ஹாவிடம் போட்டு கொடுக்குமுன் பின் கதவின் மூலம் காரை நோக்கி ஓடினேன்..

நம்ம நிலமைய பாத்தீங்களா... "தமிழன் என்று சொல்லடா தரையை தொட்டு வணங்கடா" என்றல்லவா ஆகிவிட்டது.


சொந்த செலவில் சூனியம் (தமிழனின் நிலையை என் பாடல் வாயிலாக கேட்க்க இங்கே சொடுக்கவும்)

பின் குறிப்பு :

இங்கே அடியேனின் பெயரை இந்த ஊர்க்கார்கள் அடிக்கடி "ரிச்" என்று மாற்றி சொல்வது வழக்கம். அது இந்த நேரத்தில் மிகவும் உதவியது. 

Sunday, April 24, 2016

சொந்த செலவில் சூனியம்... I Dont know Why...?




தமிழக அரசியலை சித்தரிக்கும் அடியேனின் பாடல்... (மேலே சொடுக்குங்கள்))


மே மாதம் 17ஂ தேதி தேர்தல்... கடந்த ஐம்பது வருடமாக அடுப்பில் இருந்து நெருப்பு .. நெருப்பில் இருந்து அடுப்பு...என்று காலத்தை தள்ளு விட்டோம்... 

நாம் என்ன செய்வோம். நம்மக்கு வாய்த்தது, அப்படி! டெல்லியை பார்த்தால் பொறாமையாக உள்ளது. உன்னால நான் கேட்டேன் என்னாலே நீ கெட்ட என்று சொல்லி கொண்டு இருந்தவர்களுக்கு "அம் ஆத்மி" என்ற விமோசனம் கிடைத்தது. 

ஆரம்பத்தில் அரசியல் நிர்வாக அனுபவம் இல்லாமல் அவர்கள் தடுமாறினாலும், நாட்க்கள் செல்ல செல்ல இவர்களுடைய ஆட்சி சிறப்பாக அமைந்ததே என்று சொல்லலாம்.

அடுத்த வருடம் பஞ்சாப் மாநிலத்தில் நடக்க இருக்கும் தேர்தலில் .. அம ஆத்மி கட்சிக்கு அனைத்து இடங்களும் இவர்களுக்கே என்ற ஒரு பேச்சு அடி படுகின்றது.

நமக்கு இப்படி ஒரு வாய்ப்பு இப்போதைக்கு இல்லை.  ஒரு காரியம் பண்ணலாம். நம் தொகுதியில் நிற்பவர்களிலே சிறந்தவரை நல்லவரை தேர்ந்தெடுங்கள். 

இந்த ஒரு முறை கட்சியை பார்த்து வாகு அளிக்காதிருங்கள். வேட்ப்பாலர்களை பார்த்து வாக்குகளை அளியுங்கள். அணியாது தொகுதிகளிலேயும் கண்டிப்பாக ஒரு நல்ல வேட்பாளர் இருப்பார். அவரை அறிந்து ஆதரியுங்கள். இதுவே இம்முறை நாம் நமக்கு செய்யும் பெரிய உதவி...




செய்வீங்களா ... செய்வீங்களா .....



வந்தோரை வாழவைத்தாய்  உன் பெருமை

வாடியதை கண்டதும் வாடினாய்  உன் தன்மை.
வள்ளுவனின் வம்சமே உன் மொழி வாய்மை.
இப்ப பிச்ச்சகாரனாகிவிட்டாய்  ..  ஐ டோன்ட் நோ வொய்....


அடுக்குமொழி பேசிக்கிட்டே ஆப்பு வைச்சாள் ஒய்

ஆடவந்த கூத்தாடி  ஆள வைச்சோம் ஒய்
மருத்துவரு வந்தவுடன்  மரத்த காணோம் ஒய்
கேனையங்க   ஊருக்குள கேப்டன்   நாட்டாமை.


ஐ டோன்ட் நோ வொய்....ஐ டோன்ட் நோ வொய்....

சொந்த செலவில் ஒய் ... சூனியம்  தான் ஒய்.
ஐ டோன்ட் நோ வொய்....ஐ டோன்ட் நோ வொய்.
கையில வெண்ணை ..ஐ டோன்ட் நோ வொய்.


உடன் பிறப்புகளே...

வாக்கா பெருமக்களே..
மக்க்களே.. மக்களே...
உங்கள் பொன்னான வாக்குகளை...

கருப்பு பணம் காட்டிடிச்சு டாடா பை பை.
கொண்டு வரேன்னு சொன்னவர் ஆல்வேஸ் இன் தி ஸ்கை
இல்லத்துக்கு பல  லட்சம் அது தேர்தல் பொய்.
மல்லையாக்கு நல்ல நேரம் வைச்சான் பீச்சாங்கை..


ஆதினமும் சொல்லூராரு அம்மாதானு   ஒய்

மே தினமும் கும்பலோடு தள்ளாடுது ஒய்
சாதிகொரு கட்சி வச்சி கொல்லுறாங்க ஒய்.
மீதி உள்ள அல்பங்களும்  அள்ளுராங்க ஒய்.


ஐ டோன்ட் நோ வொய்....ஐ டோன்ட் நோ வொய்....

பேய்க்கு பயந்தோம் ஒய். இப்ப பிசாசாடோ   ஒய்..
ஐ டோன்ட் நோ வொய்....ஐ டோன்ட் நோ வொய்.
ஈயத்த பாத்து  ஒய் ...ஐ டோன்ட் நோ வொய்.

அம்மாவின் ஆணை படி 
மாப்பிள்ளை அவருதான் ஆனா அவரு போட்டு இருக்க டிரஸ் பத்தி நான் மறந்துட்டேன்.
அப்புறம் எதுக்கு டா ஷார்ட் நேம் சூப்பி?

மூணு மாசம் முன்னாலே பெஞ்சது மழை.
திறந்து விட்ட ஏறினால எத்தனை கொலை.
வெள்ளம் காஞ்சி நிலம் வறண்டு வெயில் வந்த வேளை
அம்மாவோட மீட்டிங் போனா பாடையில்  மாலை .


90 க்கும் மேலே ஆச்சி இன்னும் பேராச ...

கே ந கு தலைவருக்கு முடியல பேச
இலவசம்ன்னு சொல்லி காட்டுவான் ஆச
பரதேசியாகிடுவான் வாங்காத காச



ஐ டோன்ட் நோ வொய்....ஐ டோன்ட் நோ வொய்....

ஏறி ஆத்தா  ஒய் ஏரிடிச்சி ஒய் .
ஐ டோன்ட் நோ வொய்....ஐ டோன்ட் நோ வொய்.
அடுப்பில பூனை ... .ஐ டோன்ட் நோ வொய்.


தொங்கு சட்டசபை வந்தால் ...

எந்த கட்சியும் யாரோடும் சேர வாய்ப்பு உள்ளது.
கூட்டணியில் ஏதுங்க கொள்கை, கோட்பாடு..
அம்மா வரட்டும்ம்னு காத்துன்னு இருக்கோம்...


2ஜியில்  2லட்சம் கோடி கொள்ளை

போட் ஹௌச்சில் போன் எக்சென்ஜ் இல்லை எல்லை.
சொத்து குவிப்பு வழக்குல கொஞ்சம் நாள் உள்ள
செய்வீங்களா .. செய்வீங்களா .. எனக்கு இல்ல பிள்ளை.


மணல் இல்லாமல்  காஞ்சி போச்சு   பாரு ஆறை

மலையெல்லாம் பேத்துட்டாங்க காணோம் பாறை
அரசாங்க ஆபிசில்   ஊருது சாரை
போனது போச்சி, போடு  புதிய பாதை.. 



ஐ டோன்ட் நோ வொய்....ஐ டோன்ட் நோ வொய்....

கட்டை விரலில் மை...டாஸ்மாக் கடை..
ஐ டோன்ட் நோ வொய்....ஐ டோன்ட் நோ வொய்.
வெந்தத  தின்னு ஒய் ....ஐ டோன்ட் நோ வொய்.


உலகிலேயே சிறந்த ஜனாயக நாடு பாரதம் என்று ஜப்பானிய பிரதமர் கூறினார்.

உடன் பிறப்புகளே...
மாண்புமிகு அம்மாவின் ஆணை படி... இந்த பாட்ட இப்ப முடிச்சிடறேன்..


இன்றுடனே ஒழித்திடுவோம்i  இந்த சுடுகாட்டை

நல்ல ஆளா பாத்து  போடு உன்னோட   வோட்டை
நல்லவர் வென்றால் அது நம்மோட  கோட்டை..


நம்  வாழ்க்கை நம்  கையில்...

இருக்கையில், இதுவரையில்..
தடம் மாறி தடுமாறி....
ஐ டோண்ட் நோ வொய்...

Tuesday, April 19, 2016

பங்கஜவல்லி ...தீர்க்க சுமங்கலி ..

முகநூல் நண்பர் அமுதன் சாந்தி அவர்கள் தன் முக நூல் சுவற்றில் ஒரு ஸ்டேட்டஸ் போட்டு இருந்தார், இதோ அந்த ஸ்டேட்டஸ் ..

//முந்தா நேத்து ஒரு எடத்துல கார்டுக்கு பதிலா கேஷா செலவழிச்சதை மறந்துட்டேன்...

பர்ஸுல பணம் கம்மியா இருக்கவும்
ஒய்ஃப் கிட்ட (தைரியமா),
"எதுக்காச்சும் பணம் எடுத்தியா?" ன்னு கேட்டுட்டேன்...

"இல்லை, சாயங்காலம் வூட்டுக்கு வாங்க பேசிக்கலாம்!"ன்னுட்டாக ஒய்ஃபு...
கஞ்சியா உப்புமாவா இல்ல கரண்டியான்னு தெரியாம டென்ஷனாருக்கு...//


இதை படித்ததில் இருந்தே நான் பலவிதங்களில் குழம்பிவிட்டேன். உலகில் இப்படியும் நடக்குமா?

இதோ என் குழப்பதிர்க்கான கேள்விகள்..

முதலில்.. "கார்டுக்கு பதிலா கேஷா"

இதை என்னால் நம்பவே முடியல. திருமணம் ஆனா ஒரு மனிதனிடம் "கார்ட் -கேஷ்" இரண்டும் உள்ளதா? நான் இதை ரெண்டையும் சேர்த்து ஒன்றாக பார்த்த கடைசி நாளை என்னால் மறக்கவே முடியாது.

ஒன்றும் இல்லை, அன்று தான் என் திருமண நாள்.

Monday, April 18, 2016

காதுல ஈயத்த காச்சி ஊத்த .....

ஞாயிறும் அதுவுமாய் கோயில் வழிபாட்டில் நான் உண்டு என் வேலை உண்டு என்று எல்லாம் வல்ல இறைவனை வேண்டி கொண்டு இருக்கையில், இருக்கையில்... எல்லாம் வல்லவனால் எனக்கு அளிக்க பட்ட அன்பு மனைவி மெதுவாக காதை கடித்தார்கள்.

என்னங்க...?

நீ கொடுத்த காணிக்கைய உண்டியலில் போட்டுட்டேன்.

அது இல்ல...

பின்ன என்ன?

அங்கே முன்னால இருக்காங்களே .. அவங்க தான் நம்ம ரமேசுடைய புது பொண்டாட்டி.

என்னாது/? ரமேசுக்கு ரெண்டு சம்சாரமா?

ச்சே .. போய் வாயை கழுவுங்க? ஏன் அப்படி கேக்கறிங்க?

இல்லையே, புது பொண்டாட்டின்னு சொன்னீயே.. புது பொண்டாட்டின்னு ஒருத்தங்க இருந்தா, பழைய பொண்டாட்டி ஒருத்தர் இருக்கணும் இல்ல, அதுதான்.

உங்க வாயிலே..

ஈயத்த காச்சி ஊத்த போறியா?

Saturday, April 9, 2016

கலாய்க்க போவது யாரு ? ஏப்ரல் 2016 போட்டி.: முடிவுகள்

வணக்கம் . கலாய்க்க  போவது யார் என்ற தலைப்பில் நடந்த ஏப்ரல் மாதத்திற்கான போட்டி வெற்றிகரமாக நடந்து முடிந்தது. இந்த போட்டிக்கான கார்ட்டூன் இங்கே.. 



மயங்கி விழற அளவுக்கு அப்படி என்ன செய்தியை ரேடியோவில் கேட்டார் ?



முதல் போட்டியை போலவே இந்த போட்டியிலும் அரசியல் வாசனையே அதிகம் வீசியது . தேர்தல் வரபோகின்றதல்லவா? அதனால் என்று நினைக்கின்றேன்.

Thursday, April 7, 2016

வாசமில்லா மலரிது .....

டாடி வேலைக்கு போகலையா?

என்ற அலறல் சத்தம் மூத்த ராசாத்தியின் அறையில் இருந்து வந்தது.

நீ முதலில் கிளம்பு, ஒரு அஞ்சு நிமிஷம் கழித்து நான் கிளம்புறேன்

என்ற பதிலை தந்து விட்டு மனிதனாக பிறந்த எவனும் விரும்பும் அந்த அஞ்சு நிமிடம் கூடுதல் நேர தூக்கத்திற்கு போர்வையில் அடைக்கலமாகும் முன்..

நான் எங்கே போக போறேன் ... இந்த வாரம் முழுக்க பள்ளிக்கூடம் விடுமுறை, மறந்துடீங்களா?

பொதுவாக பள்ளி நாட்களில் 5:30 போல் எழுப்புவாள், இருவரும் தயாராகி செல்வோம். இந்த வாரம் பள்ளி கூடம் இல்லையே.. அதனால் அவள் எழவில்லை, நானும் அலாரம் வைக்கவில்லை..

ஆமா இல்ல., சுத்தமா மறந்துட்டேன், மணி என்ன ஆச்சி?

8:15.

அட பாவி. 9 மணிக்கு அலுவலகத்தில் ஒரு  முக்கியமான மீட்டிங் இருக்கே,
சீக்கிரம் எழுப்பி இருக்க வேணாமா?

உங்க மீட்டிங் எனக்கு எப்படி தெரியும்?

சரி, மீட்டிங்கை விடு, வழக்கம் போல் எழுப்பி விடவேண்டியது தானே?

Sunday, April 3, 2016

"கேப்டன் தோனி" ..தன்னடக்கத்தின் இலக்க ..சாரி .. தலைகனம்.

நான் ஏற்கனவே அடிக்கடி சொல்லியதை போல் 'கிரிக்கெட்' என்ற ஆட்டத்தை அருவருப்பாக பார்ப்பவன். இந்த விளையாட்டின் மேல் எப்போதுமே இவ்வளவு அருவருப்பா என்றால், இல்லை. அடியேனும் ஒரு சராசரி இந்தியனை போல் இந்த ஆட்டத்தை மனதார ரசித்தவன் தான். பின்னர் ஏன் இந்த அருவருப்பு .

பல காரணங்கள் உண்டு. முதல் காரணம் .. சூதாட்டம். வேலை மனகெட்டு மணி நேரத்தை வீணடித்து பார்த்த பல ஆட்டங்கள், ஒரு இருட்டறையில் மேசைக்கு மேல் வைத்த பணத்தினால் நிர்ணயிக்க படுகின்றது, என்று கேள்வி பட்டவுடன்... இந்த சனியனுக்கும் நமக்கும் தொடர்பே இல்லை என்று விட்டு விட்டேன்.

அடுத்த காரணம்.. "பாப் வுல்மர்" கொலை. இந்த சூதாட்டகாரகளால் கொலை செய்யப்பட்ட பாப்வுல்மர். மிக சிறந்த பயிர்ச்சியாளர் என்று போற்ற பட்ட "பாப் வுல்மர்" கொலை செய்யப்பட்டு அவரின் சடலம் ஒரு பொது மருத்துவமனையின் எதிரில் சாலையில் வைக்க பட்டு இருந்ததே.. அதை பார்த்தபின் .. இனி இந்த ஆட்டத்திற்கும் நமக்கும் சம்பந்தமே இல்லை .. என்ற முடிவுக்கு வந்தேன்.

Saturday, April 2, 2016

ஆம்லெட்டும் அப்பளமும்...

பயணங்கள் முடிவதில்லை... ஆமாங்கோ...



இந்த பதிவை படிக்கும்முன் பயணங்கள் முடிவதில்லை .. ஆமாங்கோ என்ற தலைப்பில் வந்த என் முந்தைய பதிவை படித்து விட்டு வாருங்கள். அதை படித்து விட்டு வந்தால் இது ஒரு மாலையாக மாறும். இல்லாவிடில் இது ஒரு மொட்டாக மட்டுமே தெரியும்.


திரும்பி வர 40 பேருக்கும் டிக்கட் எடுத்துடிங்களா ?

ஏன்.. டாடி.. இந்த டிக்கட்டை பத்தியே பேசுறிங்க.. எனி ப்ராப்ளம்?

தஞ்சாவூரில் இருந்து சீர்காழிக்கு திரும்ப வருகையில் ரயிலில் நடந்த அசம்பாவிதத்தை அவளிடம் சொல்லவா முடியும் ?

இப்படி தான் அந்த பதிவு முடிந்தது..

சனி இரவு..

என்னங்க இவ்வளவு சீக்கிரம் ..

தூங்க போறேனா?

அதே தான்..

காலையில் 4 மணிக்கு எல்லாம் எழனும் இல்ல, அதுதான்?


4 மணிக்கு ஏன்?

நாளைக்கு ஞாயிறு தானே.. மூத்தவ சீயாட்டில் (Seattle) நிகழ்சிகள் முடிந்து வரா  இல்ல, விமான நிலையம் போய் கூட்டினு வரணும்.. அதுதான்.

எல்லாம் சரி.. அஞ்சு மணிக்கு வர விமானத்துக்கு ஏன் 4 மணிக்கு போறீங்க.

போற வழியில் ஒரு காபி வாங்கின்னு போக சரியா இருக்கும்.

காலையில் 4 மணிக்கு .. காலையில்  நாலு மணிக்கு நீங்க கிளம்பி போனா.. காபிக்கு மட்டும் இல்ல. நாஸ்டா, 10:30 டிப்பன், 1 மணிக்கு லஞ்ச் ,, சாயங்காலம் 3 மணிக்கு டீ எல்லாத்துக்கும் நேரம் இருக்கும்.

பொடி  வச்சி பேசுறே...புரியல..

ஆமா. இப்ப எல்லாரும் தட்டுல் தோசைய வச்சினு இருக்கீங்க தானே..  பொடி வச்சி பேச?

புரியல.

கடந்த சில பதிவுகள், உங்கள் கண்ணில் இருந்து தப்பி இருந்தால்...