Thursday, December 31, 2015

இவன் இல்லாவிடில் எனக்கேது சுதந்திரம்...

மீள் பதிவு தான்.. ஜூலை 4  ... சுதந்திர நாள்.. இவர்களை மறக்க கூடாதே..அதனால் மீண்டும் ஒரு முறை..


அது என்னமோ தெரியல.. கணக்கு பிள்ளை ஆனா நாள் முதல் இன்று வரை கிட்ட தட்ட 30 வருஷம், டிசம்பர்  31ம் தேதி ஊருல   இருக்குற எல்லாரும் குடும்ப சகிதமா வீட்டில் என்சாய் பண்ணி கொண்டு இருக்கும் போது நான் மட்டும் அலுவலக வேலையா தனியா இருப்பேன்.

வருட கடைசியாச்சே.. கூட்டல், கழித்தல், பெருக்கல், வகுத்தலை கடைசியா ஒரு முறை பார்த்து கொண்டு இருக்கும் போது...

Wednesday, December 30, 2015

தயவு செய்து பெண்கள் இதை படிக்க வேண்டாம்.

சில மாதங்களாகவே பல சமூக வலைதளங்களில் நம் தமிழக அரசியவாதிகளின் நடவடிக்கைகளை பார்த்து கொண்டு வருகின்றேன். இதில் நம் அரசியல்வாதிகள் செய்யும் கேவலமான காரியகளை நம் சமூக வலைதளத்தில் கலாய்த்து  வரும்  பதிவுகள் நம் அனைவரையும் சிரிக்க  வைக்கும் என்பதும்  உண்மையே. உதாரணதிற்கு..

Tuesday, December 29, 2015

கங்கை அமரனுக்கு ஒரு மனம் திறந்த கடிதம்.

"இளையராஜாவின் இசை இல்லையேல் நீங்கள் எல்லாரும் இன்று நாறிசெத்து ஒழிந்து போய் இருப்பீர்கள்". - கங்கை அமரன்.

அண்ணன் அமரனுக்கு ஒரு சேதி ..

 இந்த பதிவை மேலே படிக்கும் முன் (படிக்க நேர்ந்தால்.. அருமை ஞானி இளையராஜா அவர்களின் இசையில் வந்த .. "நேத்து ராத்திரி அம்மா".. மற்றும் "நிலா காயுதே" என்ற பாடல்களில் ஜானகி அவர்கள் மிதிபட்ட பூனை போல் அலறுவார்களே அந்த சப்தத்தை மனதில் வைத்து  கொண்டு படிக்கவும்).

Monday, December 28, 2015

மல்லிகா - தண்டபாணி - சுமதி...

மணியை அழுத்தினேன்.. டிங் டாங்…

வா வாத்தியாரே… என்ன சொல்லாம கொள்ளாம இந்த பக்கம்?


ஒன்னும் இல்ல தண்டம்… அம்மணி சுந்தரியிடம் …மல்லிகாவை கொடுத்துவிட்டு வர சொன்னாங்க …

என்ன வாத்தியாரே.. மல்லிகான்னு சொல்லிட்டு எதோ டிபன் டப்பாவில் எடுத்துன்னு வந்து இருக்க?

பாணி.உனக்கு கல்யாணம் ஆகி 10 வருஷத்திற்கும் மேலே ஆச்சிதானே …?

அந்த விபத்து நடந்து தான் 15 வருஷம் கிட்ட ஆக போதே .. அதுக்கு என்ன இப்ப?

மனைவி எதையாவது எதிலாவது போட்டு எப்பவாது எங்கேயாவது கொடுன்னு சொன்னாங்கனா … கேள்வி எதுவும் கேட்க கூடாது … அமைதியா
செய்யணும் ..

அதுவும் சரிதான் ..

Sunday, December 27, 2015

நினைத்ததெல்லாம் நடந்துவிட்டால், நினைத்தாலே இனிக்கும்!

இப்போது தான் ஆரம்பித்தது போல் இருந்தது, கண் மூடி திறப்பதற்கு முன் இந்த வருடம் முடிந்து விட்டது. எல்லா வருடங்களும் ஒரே மாதிரியாக இருந்தாலும் இந்த வருடம் சில விஷயங்களில் ஒரு தனி தன்மை பெற்றது என்று தான் சொல்ல வேண்டும்.

Friday, December 25, 2015

தன்னை போல் பிறனையும் நேசி

பல வருடங்களுக்கு முன் வளைகுடா நாடுகளில் வாழும் போது கிறிஸ்துமஸ் அன்று நடந்த ஓர் நிகழ்ச்சி:
இன்னொரு கிறிஸ்மஸ், இன்னொரு வருடம், குடும்பத்தை பிரிந்து பிழைப்புக்காக வந்துள்ள நீங்கள் ஒவ்வொருவரும் துக்கத்தை சற்று தள்ளி வைத்து விட்டு சிறிது நேரமாவது சந்தோசமாக இருப்போம்.  நீங்கள் அனைவரும் தம் தம் இல்லத்திற்கு போன் செய்து பேசி விட்டீர்களா? அப்படி போன் செய்யாதவர்கள் எங்கள் வீட்டு போனை உபயோகபடுத்தி கொள்ளலாம்.

Sunday, December 20, 2015

அய்யய்யோ ஊரே கெட்டு போச்சு

மீண்டும் வார இறுதி.. அருமை நண்பர் ஒருவர் இல்லத்திற்கு வர இருவரும் சேர்ந்து ஒரு பாடலை பதிவு செய்தோம். இன்றைய வாழ்க்கைத் தரத்தை பற்றியது.

இந்த ராகமும் பொப்பிசை பிதா நிதி கனகரதினர்திக்கு சொந்தம். எழுத்துக்கள் மற்றும் பாடியது மட்டுமே நான். இசை அவருடையதே.

கேட்டு பார்த்து பிடித்து இருந்தால்.. சொல்லுங்கள்..

Saturday, December 19, 2015

கை நிறைய சம்பளம், இந்தியாவிற்கு வந்துடு…

இன்று காலை எழுந்தவுடன் படித்த ஒரு தலைப்பு செய்தி என்னை மலரும் நினைவிற்கு அழைத்து சென்றது. அந்த செய்தி என்ன என்பதை இந்த பதிவின் இறுதியில் பார்க்கலாம். இதை பற்றி தான் சென்ற வருடம் ஒரு பதிவிலும்  மற்றும் புத்தகத்திலேயும் எழுதி இருந்தேனே. 


அதை படிக்கும் வாய்ப்பு இல்லாதவர்களுக்காக இந்த மீள் பதிவு.

கை நிறைய சம்பளம், இந்தியாவிற்கு வந்துடு…

விசு, ரொம்ப நாளா வெளிநாட்டிலே இருக்கிறியே? ஒரு “ஆறுவருஷம்” நல்ல ஒரு ப்ராஜக்ட் இருக்கு, வரியா?

Friday, December 18, 2015

சிந்திப்போம்...சந்திப்போம்...

இனியும் தாமதித்தால் நம் பிள்ளைகளின் எதிர்காலமும் இந்த பிணந்தின்னி பிறவிகளிடம் அடகு வைக்க படும். இதுவரை ஏமாந்தது போதும். விழிக்கும் நேரம் அல்லவா இது. இனிமேலும் நாம் சுதாரிக்காவிடில், நமக்கு ஐயோ..

யோசித்து பார்போம்.

Sunday, December 13, 2015

அண்ணே… இவங்க நிஜமாவே முட்டாளுங்க தான் அண்ணே…

மே 7ம் தேதி நான் எழுதி வெளியிட்ட பதிவு... நெஞ்சு பொறுக்குதிலையே...
"கூத்தாடி முட்டாள்” சல்மான் கானிற்கு ஐந்து வருடம் சிறை தண்டனை என்ற செய்தி வந்தவுடன் இந்த கூத்தாடி முட்டாளின் சகாக்கள் இவருக்காக பேசுவதையும் இவரை சந்தித்து “கட்டிபுடி வைத்தியம்” பண்ணுவதையும் பார்த்தால் … இவர்கள் நடிக்கவில்லை, உண்மையாகவே முட்டாள்கள் என்று உறுதியாகி விட்டது, இவர்கள் செய்வதை எல்லாம் பார்த்தால் ஏதோ நாட்டின் பாதுகாப்புக்காக தன்னையே அர்பணித்த ஒருவரை அநியாமாக திட்டமிட்டு அனைவரும் சதி செய்து சிறைக்கு அனுப்ப திட்டம் போல் நினைக்க தோன்றுகின்றது.
இந்த சல்மான் “சனியன்” , பதிமூன்று வருடங்கள் கழித்து வண்டியை ஒட்டியது தான் இல்லை தன் தகப்பனின் டிரைவர் என்று ஒரு பலிகடாவை முன் நிறுத்தினார் .
கடந்த பதிமூன்று வருடங்களில் இந்த கூத்தாடி முட்டாள் செய்த பித்தலாட்டங்கள் … இந்திய சட்டம் மற்றும் நீதி துறையை பார்த்து … “நான் எதை வேணுமானாலும் செய்வேன், உங்களால ஒரு ஆணிய கூட புடுங்க முடியாது” என்று சொல்வது போல் உள்ளது.
இந்த கூத்தாடி முட்டாளின் சாகாக்கள் சொல்லும் சில காரணங்கள் …

Saturday, December 12, 2015

உப்புமாவிற்கு பச்சிடியா.. இதை கேக்க யாருமே இல்லையா?

வார இறுதி என்றாலே ஒரு குஷி தானே. இந்தயாவில் வாழும் வரை வார இறுதி என்பது ஒரு விஷயமே இல்லாமல் இருந்தது. பல வருடங்களுக்கு முன் வெளிநாடு வந்தவுடன் வந்த புதிய அனுபவங்களில் ஒன்று.

வார இறுதி.

Friday, December 11, 2015

வாராய் ... நீ வாராய்...

என்னை ஏமாற்றிய எல் நினோ..

மார்ச் 2015.இணைய தளத்தில் ஒரு அறிவிப்பு.

தென் கலிபோர்னியா மக்களுக்கு ஒரு செய்தி. பசிபிக் பெருங்கடலில் நடந்துள்ள காற்றழுத்த மாறுதலால் இந்த வருட இறுதியில் துவங்கி அடுத்த வருடம் ஆரம்ப  நாட்களில் வரலாறு காணாத மழை பெய்ய வாய்ப்பு.

Thursday, December 10, 2015

முண்டாசே நான் முண்டம் தான் :(

நல்ல வேளை.. நீ இல்லை..

இருந்து இருந்தால்..

முண்டாசே என்னை முண்டம் என்றிருப்பாய் .


இன்னுயிர் தந்தென்னை ஈன்றெடுத்த இந்நாடு என்றாய்..
இமையசைத்தால்  இன்னல்கள் இது நாடில்லை சுடுகாடு.

அன்னையர் தோன்றி மழலைகள் கூறி அறிந்த நாடென்றாய்..
அன்னை என்று அர்த்தமின்றி சென்னையை இழந்தோம் இன்று நாங்கள்.

கன்னியராகி நிலாவிலாடி களித்ததும் இந்நாடென்றாய்
கண்ணியம் அன்றி கன்னியும்  இன்று தண்ணி அடித்து.. என்னத்த சொல்வேன்..

பொன்னுடல் இன்புற நீர்விளையாடி இல் போந்ததும் இந்நாடென்றாய்
 நீர் வெள்ளமாகி இல் போந்து பொன்னுடலும் பிணமாய் போனதே.

வெள்ளி பனிமலையின் மீதுலாவுவோம் என்றாய்.
வெள்ள சாக்கடையில் அல்லவா மிதக்கின்றோம்.

அடி மேலை கடல் முழுதும் கப்பல் விடுவோம் என்றாய்
அடி மேல் அடி பட்டு காகித கப்பல் ஆனோம் ஐயா!

பள்ளி தளம் அனைத்தும் கோவில் செய்குவோம் என்றாய்
பள்ளி கோயில் நடுவிலும்டாஸ்மாக் வைத்தோம்.

// காவிரி தென்பெண்ணை பாலாறு தமிழ்
கண்டதோர் வையை பொருனைநதி என
மேவிய யாறு பலவோடத் திரு
மேனி செழித்த தமிழ்நாடு...//

மன்னிக்கவேண்டும் முண்டாசு...

"நலங்கெடப் புழுதியில் நல்லதோர் வீணையை வீசிவிட்டோம் ...."

நல்லவேளை நீ இங்கில்லை.. இருந்திருந்தால்..
பாரதி யார் ? என்றும் கேட்டு இருப்போம்...
உன் பிறந்த நாளை கொண்டாடும் மனநிலை இப்போது இல்லை..மன்னிக்கவும் ..


என் பெயரை சொல்லி *பால் அடிக்கவும், முகத்தில் *ரி துப்பவும்

மூன்று வாரத்திற்கும் மேல் சென்னை மழையில் மக்கள் படும் பாடை பார்த்து மனம் நோகாதவர்களே இல்லை.


இந்த பாழாய் போன நிலைமைக்கு நமக்கு நாமே தெரிந்து எடுத்த அரசும் அந்த அரசு நியமித்த அதிகாரிகளும் தான் என்று நொந்து கொண்டு இருக்கையில்..
சாவு செய்திகள்.



உதவி இன்றி கணவன் மனைவி சாவு..

Tuesday, December 8, 2015

ஒரே பாட்டு... வெவ்வேறு அர்த்தம்.. நடந்தது என்ன?

ஒரே பாட்டு... வெவ்வேறு அர்த்தம்.. நடந்தது என்ன?

என்ன விசு.. சென்னையில் வெள்ளம் வந்தாலும் வந்தது நீ வெள்ளமா பொங்கி எழுறியே என்று நண்பன் தண்டபாணியின் கேள்வி வந்தது.

என்னத்த சொல்வேன் பாணி. தான் ஆடாவிட்டாலும் தசை ஆடுதே. அங்கே நடக்குற அநியாயத்த பார்த்தா ரொம்ப கஷ்டமா இருக்கு.

சரி.. இவ்வளவு எழுதுறியே.. மீண்டும் அங்கே போகலாம்னு முடிவு செய்திட்டியா?

Monday, December 7, 2015

மூத்த குடி மக்கள் அல்லவா நாம், திருந்த வேண்டாமா? தருணம் இதுவே !

கல்தோன்றி மண்தோன்றா காலம் முதல் வாழ்ந்து வந்த குடி அல்லவா தமிழினம்.

நேற்று வந்த கூகிளில் உலகில் முதலில் பேச பட்ட மொழி என்னவென்று கேட்டு பாருங்கள் .. தமிழ் என்று பதில் வரும்.

ஒன்றே நன்றே இன்றே செய்ய வேண்டும்

கடந்த சில நாட்களாக தமிழ் நாட்டில் பெய்து வரும் மழை. இந்த வரத்தை நாம் வாய் தவறியும் சபிக்க கூடாது.

Saturday, December 5, 2015

வெள்ளத்து நட்டம்.. எங்கே போவார்கள் நடுத்தர மக்கள்.

சென்னையில் வந்த வெள்ளம் நம் அனைவரையும் மிகவும் பாதித்தது அனைவரும் அறிந்ததே. என்னை போல் வெளிநாட்டில் வாழ்பவர்களும் சரி, மற்றும் வெளியூரில் இருப்பவர்கள் மனதளவில் பாதிக்க பட்டு இருந்தாலும், சென்னையிலே குடி இருப்பவர்கள் மனதளவு மட்டும் அல்லாமல் நிறைய பொருள்களையும் இழந்து தத்தளித்து நிற்கின்றார்கள்.


Friday, December 4, 2015

பொங்கல் நிகழ்ச்சிக்கு அமெரிக்கா வரும் தமிழ் சான்றோருக்கு ஒரு மனம் திறந்த கடிதம்.

வணக்கம்.2015 தீபாவளி முடிந்தது. வெளிநாட்டு பிரயாணம் எல்லாம் முடிந்து வாங்கிய டாலரை 66ல் பெருக்கி வங்கியில் போட்டு அமர்ந்து க்னோடு இருப்பீர்கள். தவறே இல்லை. உங்கள் தமிழ், உங்கள் அறிவு, உங்கள் பேச்சு திறன், உங்கள் பெயர்.


இன்னும் நான்கு வாரத்தில் அமெரிக்காவில் உள்ள அணைத்து தமிழ் சங்கத்தில் இருந்தும் தங்களுக்கு அழைப்பு வரும். ஒன்றும் இல்லை .. பொங்கலை உங்களோடு சேர்ந்து பொங்க தான். அதுவும் தவறு இல்லை.
பல்லாயிரம் கணக்கான மைல் தாண்டி வந்தாலும் நாம் தமிழர்கள் ஆயிற்றே. பிரபலத்தை காண திரளாக ஓடி வருவோம்.

இந்த பொங்கலுக்கு வரும் உங்களுக்கு ஒரு விண்ணப்பம். கண்டிப்பாக திரண்டு வாருங்கள். உங்களை காண - உங்களை கேட்க நாங்களும் திரண்டு வருகின்றோம். ஆனால் ஒன்று.

Thursday, December 3, 2015

ஆறு மனமே ஆறு ...

இன்று என் முகநூலில்  ஒரு கருத்து வந்தது. அதில் அமெரிக்காவில் வசிக்கும் முகநூல் நண்பர் ஒருவர் ..

I see only negative posts from you .. U even commented negatively in my posts. This is a time for positivity. We have to leave our personal agenda and make people feel good about next minute .. U can change ur attitude or unfriend me...

என்று எழுதி இருந்தார். அதற்கு பதிலாக நான் ...

I respect your feelings and am not going to change my attitude or the way I think and speak. Please note that I am "Unfriending" you, per your wish. Appreciate your tolerance so far and God Bless...

என்று எழுதி அவர் ஆசைக்கு இணங்கி அவரை என் நண்பர்கள் பட்டியலில் இருந்து எடுத்து விட்டேன்.

அதை தொடர்ந்து முகநூல் படிக்கையில் ..

நடிகர் பிரதாப் போதன் அவர்கள் முகநூலில்..

"சென்னைவாசிகளை நினைத்து நான் பெருமைபடுகிறேன். இவ்வளவு சேதம் நடந்தும் அமெரிக்காவில் நியூ ஓர்லீன்ஸ் நகரில் நடந்ததை போல் கொள்ளை எதுவும் நடக்கவில்லை. நாம் எவ்வளவு நல்லவர்கள்"
என்று போட்டு இருந்தார்.

நடிகருக்கு.. நம்முடைய பிரச்சனையே இது தான். தலைக்கு மேல் வெள்ளம், இந்த நேரத்திலும் நாங்கள் அவனைவிட மேல்.. இவனை விட மேல்.. என்று கூவுவது.

நம்மவர்கள் வருடக்கணக்கில் செய்த கொள்ளையினால் தானே இந்த அவல நிலையே நமக்கு வந்தது.

அடுத்து ... சில பேர்  இந்த நேரத்தில் நாம் இப்படி குறை காட்டி எழுத கூடாதாம். 

இங்கு ஒன்றை மட்டும் சொல்ல விரும்புகிறேன்.

குறை சொல்ல வேண்டும். கண்டிப்பாக குறை சொல்லவேண்டும். இப்போது குறை சொன்னால் தான் நாம் செய்யும் தவறுகளை திருத்தி கொள்ள ஒரு சிறு வாய்ப்பாவது உண்டு.

ஏறக்குறைய ஐம்பது வருடங்களில் ஒரு நகரத்தை நரகமாக்கிய அரசியல்வாதிகளையும், அதிகாரிகளையும், இலவசதிர்க்காக தன்மானத்தை விற்ற நம்மையும் நாமே இப்போது குறை சொன்னால் தான் கொஞ்சமாவது உரைக்கும்.

இன்னும் நான்கு மாதத்தில் காவிரியை திற என்றும், மழைக்காக வருண பகவானுக்கு வேண்டுதல் என்றும் குடிநீருக்காக வரிசையில் நிற்கும் போதும் நாம் இதை மறந்துவிடுவோம்.

குறை சொல்லட்டும்.. அதை பார்த்து ஒருவராவது திருந்தட்டும்.


கடைசியாக ...ஒரு மனிதனின் உளைச்சல்.

சென்னை மக்களின் ஒற்றுமையை பாருங்கள்.. என்னே ஒரு மனிதத்தனம் என்று மெச்சி கொள்ளாமல்.. இந்த அவலநிலை நமக்கு எப்படி வந்தது என்று யோசியுங்கள். இந்த கானொளியில் உள்ள ஒரு வீடு சென்ற வாரம் தான் கோடிகளுக்கு வாங்கப்பட்டு, கிரக பிரவேசத்திற்கு கட்டிய வாழை மரம் இன்னும் இருக்கின்றது. இந்த நிலைமை நமக்கு ஏன் வந்தது? இதை பதிவு செய்தவரின் குரலை கேட்க்கையில் நெஞ்சம் பதறுகின்றது.

இனிமேல் ஒட்டு கேக்க வராதிங்கடா.. செத்து போங்கடா என்று இவர் சொல்கின்றார்.


 கிரக பிரவேசத்திற்கு கட்டிய வாழை மரம் இன்னும் இருக்கின்றது

தயவு செய்து இந்த காணொளியை ஒரு முறை பாருங்கள். உங்களை மன்றாடி கேட்டு கொள்கிறேன். என் குமுறல்களின் அர்த்தங்கள் புரியும். 

Tuesday, December 1, 2015

அறிவுகெட்ட தமிழன் நான்...

உலகம் முழுவதும் வரமாக இருக்கும் மழை தமிழனக்கு மட்டும் சாபம். என்ன ஒரு கேவலம். எங்கே பார்த்தாலும் தண்ணீர் தேங்கி நின்று கொண்டு  இருக்கின்றது.



நீர்வழி அத்தனையையும் ஆக்கிரமித்து விட்டு இப்போது தன் இல்லத்தில் நீர் புகுந்து விட்டது என்று ஒப்பாரி.

Thursday, November 26, 2015

பங்கஜ"வலி" அம்புஜ நேத்திரி ...

அடுத்த நான்கு  நாள் "நன்றி திருநாள்" ஆயிற்றே.. அதனால் புதனும் அதுவுமாய் அருமை நண்பர் பரதேசிக்கு ஒரு போன் போட்டேன்.

ஹலோ...

அல்பி ...

அண்ணே.. விசு..

சொல்லு..

Wednesday, November 25, 2015

பரதேசியின் காதலிகள்.. பகுதி 5 (என்னத்த சொல்லுவேன்)

இந்த "பரதேசியின் காதலிகள்"  தொடரை எழுத ஆரம்பித்ததில் இருந்தே.. பல பின்னூட்டங்கள்.. கருத்துக்கள்.. அலை பேசி அழைப்புகள் மற்றும் மின்னஞ்சல்கள் ...



அனைத்துமே..

"விசு, பரதேசியின் கதை முடிந்த பின் உன் கதையை எழுது.."

வைத்துகொண்டா விளங்கம் பன்னுகிறேன். அதற்கு எல்லாம் ராசி வேண்டுமே. நமக்காவது காதலாவது .. கத்திரிக்காயாவது ..

பின்னர் எங்கே இருந்து வந்தது ரெண்டு ராசாதிக்கள்.. நல்ல கேள்வி தான். இதோ என் க(வி)தை ..

Tuesday, November 24, 2015

பரதேசியின் காதலிகள் - பகுதி 4 ( பாலும் தமிழனும் ... )

சில நாட்களுக்கு முன்  சக பதிவர் பரதேசி அவர்கள்...


என்ற பதிவு ஒன்று போட்டு இருந்தார். அதில் தெரிந்தோ தெரியாமலோ தன் பழைய காதலிகளின் பெயர்களை குருப்பிட்டும் இருந்தார். அதை வைத்து எழுத படும் தொடர் பதிவின் இரண்டாம் பாகம் இது. 
முதல் பாகத்தை படிக்க இங்கே சொடுக்குங்கள் 
பரதேசியின் காதலிகள் - பகுதி 1 (கதிஜாவும் "சதி"ஜாவும் )

இரண்டாம் பாகம் படிக்க கீழே தொடருங்கள்.பரதேசியின் காதலிகள் - பகுதி  (பரதேசியும்பரட்டையும்)

நான்காம் பாகம் படிக்க கீழே தொடருங்கள்.
பரதேசியின் காதலிகள் - பகுதி 4 ( பகுதி 4 ( பாலும் தமிழனும் ...  ) 


ராதிகாவிடம் பிரியாவிடை பெற்று அல்பி தன வீட்டை நோக்கி ஓடினான். டைப்பிங் முதல் வகுப்பில் பொன்னுத்தாயிடம் பழகலாம் என்று வந்தவனுக்கு ராதிகாவின் அன்பு.


 தன் அதிஷ்டத்தை அவனால் நம்பவே முடியவில்லை.நோண்டி தின்ன வந்தவனுக்கு நொங்கு கிடைத்த கதை. 

Monday, November 23, 2015

பரதேசியின் காதலிகள் - பகுதி 3 ( ராதிகாவும் அறிஞர் அண்ணாவும் )

சில நாட்களுக்கு முன்  சக பதிவர் பரதேசி அவர்கள்...


"கிளாஸ்மேட்டை லவ் பண்ணாதீங்க !!!!!!!!!!!!!!!"


என்ற பதிவு ஒன்று போட்டு இருந்தார். அதில் தெரிந்தோ தெரியாமலோ தன் பழைய காதலிகளின் பெயர்களை குருப்பிட்டும் இருந்தார். அதை வைத்து எழுத படும் தொடர் பதிவின் இரண்டாம் பாகம் இது. 

முதல் பாகத்தை படிக்க இங்கே சொடுக்குங்கள் 


இரண்டாம் பாகம் படிக்க கீழே தொடருங்கள்.

மூன்றாம் பாகம் படிக்க கீழே தொடருங்கள்.
பரதேசியின் காதலிகள் - பகுதி 3 ( ராதிகாவும் அறிஞர் அண்ணாவும் )

பேய் அறைந்ததை போல் ஆனா பரதேசி சில நொடிகளில் சுதாரித்து ...

இந்த பெயர் வித்தியாசமா இருக்கே.. எங்கேயோ கேட்டு இருக்கோமே.. எங்கேயோ கேட்டு இருக்கோமே.. என்று நினைக்கையிலே ..

"பூவரசம் பூ பூத்தாச்சு.. பொண்ணுக்கு செய்தி வந்தாச்சு.." என்று கிராமத்து மின்னல் "ராதிகா" கிழக்கே போகும் ரயிலில் பாடி கொண்டே வந்தார்கள்.

இந்த ராதிகாவிற்கும் அந்த ராதிகாவிற்கும் ஒரே ஒரு வித்தியாசம். அந்த ராதிகா "அப்பா வேட்டி -அம்மா சேலை" பாணியில் கிராமத்து பெண்ணாக இருந்தார்கள். இந்த ராதிகா " அப்பா  டை -அம்மா கௌன்" பாணியில் .. ஜீன்சும் பனியனுமாய் இருந்தார்கள்.

Sunday, November 22, 2015

பரதேசியின் காதலிகள் - பகுதி 2 (பரதேசியும் பரட்டையும் )

சில நாட்களுக்கு முன்  சக பதிவர் பரதேசி அவர்கள்...

"கிளாஸ்மேட்டை லவ் பண்ணாதீங்க !!!!!!!!!!!!!!!"


என்ற பதிவு ஒன்று போட்டு இருந்தார். அதில் தெரிந்தோ தெரியாமலோ தன் பழைய காதலிகளின் பெயர்களை குருப்பிட்டும் இருந்தார். அதை வைத்து எழுத படும் தொடர் பதிவின் இரண்டாம் பாகம் இது. 

முதல் பாகத்தை படிக்க இங்கே சொடுக்குங்கள் 


"பரட்டை But சுருட்டை"  தலை, பர்மா பஜார் பனியன், துவைக்காத ஜீன்ஸ்...

பரதேசியின் காதலிகள் - பகுதி 1 (கதிஜாவும் "சதி"ஜாவும் )



இரண்டாம் பாகம் படிக்க கீழே தொடருங்கள்.

பரதேசியின் காதலிகள் - பகுதி  (பரதேசியும்பரட்டையும்)

அடுத்த இரண்டு வருடங்கள் எப்படி போயின என்றே ராசாவிருக்கு புரியவில்லை.  "மதிப்பெண்ணை" மறந்துவிட்டு "பெண்ணின் மதிப்பிற்காக" நேரத்தை செலவிட்டான் ராசா என்ற பரதேசி.அந்த நேரமும் வீணாகவில்லை.


நாட்கள் கடந்தன, சில வருடங்களுக்கு முன் ஐந்தாவது படிக்கையில் "சதி" செய்த "கதிஜாவை" சில நேரம் நினைப்பான். கதிஜாமேல் இருந்தது ஒரு விதமான ஈர்ப்பு.

ஆனால், பொன்னுத்தாய்... அது ஏன்னோ தெரியல .. என்னமோ தெரியல.. வார்த்தைகள் வரமாடேங்குது. இது ஈர்ப்புக்கும் மேலே, ஒரு அன்பு கலந்த பாசம் போல் அவனுக்கு தெரிந்தது.

Friday, November 20, 2015

"நல்லதொரு குடும்பம்.... பல்கலைக்கழகம்"

மற்றும் ஒரு நாள் காலை வேலை. குளிர் காலம் ஆரம்பித்து விட்டது. பரதேசி மற்றும் மதுரை தமிழன் வாழும் இடங்களை போல் இங்கே பனி பெய்யாது. ஆனாலும் சற்று குளிரும். காலை 5: 30 க்கு எழுந்து மூத்த ராசாத்தியும் நானும்

பள்ளிக்கும் வேலைக்கும் கிளம்பினோம்.

வண்டியில் ஏறி அமர்ந்ததும்..

அம்மாடி.. ரொம்ப குளுருது... அந்த ஹீட்டர் போடு..

டாடி... அவ்வளவு குளிர் இல்ல. அப்படியே ஓட்டுங்க..

நீ இளங்கன்று மா.. குளிர் அறியாது. தயவு செய்து போடு.

எனக்கு இது நல்லா இருக்கு. வேணும்னா உங்களுக்கு மட்டும் போட்டுக்குங்க.

எனக்கு மட்டுமா?

டாடி.. உங்க சீட்டை மட்டும் சூடு பண்ணி கொள்ளுங்கள்.

அப்ப உனக்கு?

Thursday, November 19, 2015

பரதேசியின் காதலிகள் - பகுதி 1 (கதிஜாவும் "சதி"ஜாவும் )

சென்றவாரம்..சக பதிவர் பரதேசி அவர்கள்...

"கிளாஸ்மேட்டை லவ் பண்ணாதீங்க !!!!!!!!!!!!!!!"


என்ற பதிவு ஒன்று போட்டு இருந்தார். அதில் தெரிந்தோ தெரியாமலோ தன் பழைய காதலிகளின் பெயர்களை குருப்பிட்டும் இருந்தார். அதை வைத்து எழுத படும் தொடர் பதிவின் முதல் அத்தியாயம் தான் இது.

 கதிஜாவும்   "சதி"ஜாவும்

ராசா.. வா.. வந்து சாப்பிடு...

இதோ வரேன்..

என்று சொன்ன பரதேசி ... அரை மணி நேரம் கழித்தும் சாப்பாடிற்கு வரவில்லை.

வா ராசா..

Wednesday, November 18, 2015

மீண்டும் "ரத்த கண்ணீர்"

சென்ற வாரம் தீபாவளி.. இந்தியா போல் விடுமுறை இல்லாவிடிலும், அதுவும் இந்த முறை செவ்வாய் அன்று வந்ததாலும் நண்பர்கள் யாரோடும் சேர்ந்து கொண்டாட முடியாமல் போனது.

இருந்தாலும் வார இறுதியில் தீபாவளியை கொண்டாட வருமாறு தென் கலிபோர்னியா சங்கத்தில் இருந்தும் மற்றும் நண்பர் ஒருவர் இல்லத்தில் இருந்தும் விண்ணப்பம் வர, இரண்டும் ஒரே நாளில் ஒரே நேரத்தில் இருக்க, முதலில் அழைத்த ஒரே காரணத்தினால் நண்பர் இல்லத்திற்கு சென்றேன்.

உள்ளே நுழைந்தவுடன், பழகிய முகங்கள் பல. நண்பனின் மனைவி வாயெல்லாம் பல்லோடு..

என்ன விசு. அக்கா எங்கே?

Tuesday, November 17, 2015

பரதேசியும் நானும்...

திங்களும் அதுவுமா  வாரவாரம் ஒரு காரியம் செய்வேன்.ஒன்னும் பெருசா இல்ல. நம்மளை பதிவுலகத்திற்கு இழுத்து வந்து விட்ட அண்ணன் பரதேசிக்கு காலை வேளையில் வேலைக்கு போகும் போதுஒரு காலை போட்டு  காலை வணக்கம் சொல்லிட்டு, அவர் போன "வார இறுதிய" எப்படி கொண்டாடினார்னு கேட்பேன்.

இங்கே நண்பர்கள் சிலர்.. .என்ன உங்களை பரதேசி தான் பதிவு உலகத்திற்கு அழைத்து வந்தாரா ? என்று ஆச்சரியபடுவது தெரிகின்றது. பதிவு உலகத்திற்கு மட்டும் இல்லங்க. வளைகுடா பகுதியில் "எண்ணை" கிணற்றில் ஒரு நாளைக்கு 200 பக்கெட் "எண்ணை" சேந்தி கொண்டு இருந்த "என்னை",  என் அண்ணனிடம் என் தொலை பேசி "எண்ணை"வாங்கி அமெரிக்காவில் ஒரு வேலையும் போட்டு கொடுத்து இங்கே அழைத்து வந்ததும் அண்ணன் "பரதேசி"அவர்கள் தான்.

Monday, November 16, 2015

"இதுவும் கடந்து போகும்"

என்ன பாணி.. ரொம்ப பீலிங்கா  இருக்கே!

ஒன்னும் இல்ல வாத்தியாரே..

சரி சொல்ல விருப்பம் இல்லாட்டி பரவாயில்லை. வாட்டெவர் இட் மே  பி, டோன்ட் வொர்ரி அபௌட் இட் பாணி .. "இதுவும் கடந்து போகும்".

 வெந்த புண்ணில் வேலை பாச்சாத வாத்தியார்..

டேய் .. யு வான்ட் டு டாக், ஐ அம் ஆல் ஈயர்ஸ் .. மீண்டும் சொல்றேன்..அதிகமா கவலை படாதே .. "இதுவும் கடந்து போகும்".

சும்மா இரு வாத்தியாரே.. "இதுவும் கடந்து போகும்".. "இதுவும் கடந்து போகும்"னு ஒரு வாரத்துக்கு மேலே அதையே சொல்லிட்டு இருக்காங்க,. இது கடந்து போறமாதிரி தெரியில..

Thursday, November 12, 2015

"நான் சமைச்சா தீராவலி "

ரிங் ..ரிங் ... ரிங்...அலை பேசி அலறியது...

விஷ் ஸ்பீக்கிங்...

வாத்தியாரே தண்டம் பேசுறேன்...

தண்டம் பேசுறியா ? தண்டமா பேசுறியா?

என்ன வாத்தியாரே.. நக்கலா?

இல்ல தண்டம்.. இது கிண்டல்...

வாத்தியாரே, அவசரமா  ஒரு விஷயம் பேசணும் . அம்மணிக்கு தெரியாம! உடனே போனே எடுத்துன்னு பாத்ரூம் போ.

டேய். முந்தி எல்லாம் அவசரத்துக்கு தான் பாத்ரூம் போவோம். இப்ப உன் புண்ணியம் அவசரமான போன்க்கு கூட பாத்ரூம் போக வேண்டி இருக்கு..ஒரு நிமிஷம் இரு.. அம்மணி ஒர கண்ணால் பாக்குறாங்க..

ரொம்ப நாளா ஒரு விஷயம் கேக்கனும்னு யோசித்தேன்.

நீ என்ன கேக்க போறேன்னு நானே சொல்லட்டா...

Wednesday, November 11, 2015

புகழ்ச்சி வஞ்ச அணி ""இல்லத்து உறவு"

வஞ்சப்புகழ்ச்சி அணி என்பதை நாம் அனைவரும் ஆரம்ப பள்ளியில் திருக்குறளை கற்று கொண்டு இருக்கையில் அறிந்தோம். இது என்ன புகழ்ச்சி வஞ்ச அணி ?

இதோ சொல்கிறேன்...கேளுங்கள் .

முதலில் வஞ்சப்புகழ்ச்சி அணியை பற்றி சற்று பார்ப்போம்.

வஞ்சப்புகழ்ச்சி அணி என்பது "புகழ்வது போல் இகழ்தல்" அம்புட்டுதேன் ...

Tuesday, November 10, 2015

பாப்பையா அவர்களின் சிங்கப்பூர் தீபாவளி பட்டிமன்றம்...."அரைத்த மாவே"

தீபாவளி அன்று வேலைக்கு சென்று மீண்டும் இல்லத்திற்கு திரும்பி வந்து சேரும் போது மனமும் உடலும் சோர்ந்து விட்டது.  ராசாதிக்கள் இருவருக்கும் நாளை விடுமுறை (தீபாவளிக்கு அல்ல ... ஓய்வு பெற்ற ராணுவ வீரர்கள் தினம்  Veterans Day). இருவருக்கும் வீட்டுபாடம் இல்லாததால் சீக்கிரம் உறங்க செல்ல, நானோ கணினியை தட்டி தீபாவளி பட்டிமன்றம் பார்க்கலாம் என்று அமர்ந்தேன்.

முதலில் எதிரில் வந்தது...பாப்பையா அவர்களின் சிங்கப்பூர் பட்டிமன்றம் , தலைப்போ .. இன்றைய வாழ்வில் பெரிதும் நிம்மதி தருவது "சொத்து சுகமே - சொந்த பந்தமே".

Saturday, November 7, 2015

அடுத்த தீபாவளிக்கு ....“உன் கண்ணில் நீர் வழிந்தால்…”

பள்ளி காலத்தின் இறுதி ஆண்டு ….என் அருமை தங்கை புற்றுநோயோடு நான்கு வருடங்கள் போராடி பின்னர் போராட சக்தி இல்லாமல் இறைவனடி சேர்ந்த வருடம்…
குடியரசு தினமான ஜன 26ம் தேதி பிறந்து  சுதந்திர நாளானா ஆகஸ்ட் 15ம் தேதி தன் 14ம் வயதில் உயிர் நீத்த நாள்.  அவள் பிரிந்து 4 மாதம் தானே ஆகின்றது. கிறிஸ்மஸ் எப்படி கொண்டாட முடியும்? வீட்டில் அலங்காரமும் இல்லை, தின்பண்டங்களும் இல்லை, சிரிப்பும் இல்லை மற்றும் வழக்கமாக இருக்கும் உறவினர் வருகையும் இல்லை.
சென்ற வருடம் இருந்த மகள் – தங்கை இப்போது இல்லையே என்று ஏங்கி அழுது கொண்டே வீட்டில் உள்ள அனைவரும்  டிசம்பர் 24ம் தேதி இரவு உறங்க சென்றோம்.

Tuesday, November 3, 2015

நாளை நமதே.

விசு ….
சொல்லுங்க சார்…
நாளைக்கு காலையில் 5 மணிக்கு பஸ்… எல்லா ப்ளேயர்சும் 4:30 மணிக்கு பஸ் ஸ்டாண்டுக்கு வந்துடனும். மேட்ச் கரெக்டா 7:30மணிக்கு ஆரம்பிச்சிடும். அந்த 5 மணி வண்டிய மிஸ் பண்ணா அடுத்த வண்டி பிடிச்சி போக நேரமாயிடும்… ஓ கே …
எங்கள் பள்ளியின் ஹாக்கி அணி … மற்ற சில அணிகளுடன் மோத சீர்காழியில் இருந்து பொறையார் என்ற ஊரூக்கு செல்ல வேண்டும்.
இரண்டு ஊருக்கும் கூட்டி கழித்து பார்த்தால் கிட்ட தட்ட 40- 50 கிலோ மீட்டர் தான் என்று நினைக்கின்றேன் .. (சரியாக நினைவு இல்லை ). இவ்வளவு அருகில் உள்ள இடத்திற்கு 3 மணி நேரத்திற்கு முன்னாள் கிளம்பினோமா என்று யோசித்தால் இப்போது சிரிப்பு தான் வருகின்றது .

Monday, November 2, 2015

இறைவன் அமைவதெல்லாம் ...

ஒரு பங்குனி மாதம், எங்கும் பனி கொட்டி கொண்டுஇருக்கும் வேளை. குளிர் காலம் என்பதால் சூரியன் சீக்கிரமே விடை பெற இருட்டு எங்கேயும் சூழ்ந்து கொண்டு இருக்கும் படியான மாலை நேரம்.

 அருகில் இருந்த தொழிற்சாலையில் வெலை முடித்து விட்டு,வெள்ளி கிழமை என்பதால் அந்த வார கூலியையும் பெற்று கொண்டு தன் இல்லத்தை நோக்கி நடந்து சென்றார் அந்த ஐம்பது வயது தகப்பன்.

வீட்டில் வயதான தாயார். தனக்காகவும் தன் கூலிக்காகவும் காத்து கொண்டு இருக்கும் அருமை மனைவி, கல்லூரிக்கு செல்லும் மூத்த ராசாத்தி, மற்றும் ஆறாவது படிக்கும் இளைய ராசாத்தி, இவர்களின் நடுவில் இல்லாத ஆஸ்திக்கு மூன்று  இளவரசர்கள் வேறு.

“மவேம்பேர் மீசை’

  ஒவ்வொரு வருடமும் நவம்பர் மாதத்தில் இங்கே  “மொவெம்பெர் மீசை”  என்ற ஒரு காரியம் நடைபெறும் (அதே போல் ஒவ்வொரு நவம்பர் மாதமும் இது மீள் பதிவாக வரும்.இந்தியாவில் இந்த பழக்கம் உண்டா என்று தெரியவில்லை).  இது ஆண்களுக்கு வரக்கூடிய புற்று நோய் விழிப்புணர்வுக்காக நடத்த படும். இந்த நாட்களில் ஆண்களும் சரி பெண்களும் சரி தங்கள் முகத்தில் மீசை வைத்து கொள்வார்கள். தவறாக நினைக்க வேண்டாம்.

Sunday, November 1, 2015

ஆறு மனமே ஆறு.. அந்த ஆறுதல் பரிசு வரும் ஆறு...


பதிவுலகில் எழுத ஆரம்பித்து எவ்வளவோ எழுதியாகிவிட்டது. அதில் ஒன்று தான் இந்த படைப்பு. இதை புதுகை போட்டிக்காக அனுப்பி இருந்தேன். கூடவே குறைகளுக்கான தொகையை கழித்து விட்டு மீதியை அனுப்புமாறு அன்போடு கேட்டுகொண்டேன்.. ஒரு ஆறுதல் பரிசுக்கு அலைந்து கொண்டு மீண்டும் தருகின்றேன்...


என் பதிவில் எனக்கு பிடித்தது ...

Friday, October 30, 2015

பாட்டு பாடவா ? வா .....


பல வருடங்களுக்கு முன் என் கல்லூரி தோழன் "முத்து" வை  போலிஸ் கைது செய்த விஷயம் எனக்கு இன்றும் நன்றாக நினைவில் உள்ளது.

வேலூர் அருகே காந்திநகரில் வாழ்ந்த நாட்கள். ஒவ்வொரு வீடும் "சீட்டு கட்டு கணக்காக" அருகே அருகே கட்டப்பட்டு இருக்கும்.நண்பன் முத்து நமக்கு மிகவும் வேண்டியவன்.

சில நாட்களாகவே நண்பன் முத்து காலை வேளையில் கோழி கூவுவதற்கு முன்பே எழுந்து குளித்து  நண்பர்கள் அனைவரையும்  " என்னதான் நடக்கும் நடக்கட்டுமே" என்று நினைக்க வைத்தது மனதில் இன்றும் பசுமரத்து ஆணி போல் உள்ளது.

என்ன முத்து ? இப்பெல்லாம் காலையில் சீக்கிரமா ரெடி..

அப்படி எல்லாம் ஒன்னும் இல்ல விசு..

டேய்.. .முயல் புடிக்கிற நாயை ... பழமொழி தெரியும் இல்ல..

அப்படி என் மூஞ்சில் என்ன தெரிஞ்சது ?

ஒரே புன்னகையா இருக்கியே..

அப்படி ஒன்னும் இல்ல..

காதல் ஏதாவது...

Wednesday, October 28, 2015

"பராசக்தி"யில் இருந்து "படையப்பா" வரை...

இது ஓர் தொடர் பதிவு ..

முதல் பாகத்தை படிக்க இங்கே சொடுக்கவும்.

அதிசயம் : "நடக்காதென்பார் நடந்துவிடும் ..."



இரண்டாம் பாகத்தை படிக்க இங்கே சொடுக்கவும் .

(ரஜினியின் "முரட்டுகாளை" &  கமலின் "குரு" எனக்கு கிடைத்த வாய்ப்பு!)


மூன்றாம் பாகம் .... கீழே தொடருகின்றது..

தென்னிந்திய நடிகர் சங்கத்தின் "பொழுதுபோக்கு பூங்கா"விற்கு அக்டோபர் 25, 2018 குடும்பத்தோடு வந்த நான்,

விசு சார் ...எப்படி இருக்கீங்க ..?

நல்லா இருக்கேன்.

என்று சொல்லி நான் திரும்பி பார்க்கையில்.. எதிரில்..

மீண்டும் பேய் அறைந்தவனை போலானேன் ..

என்று சொன்னேன் அல்லவா .. ஏன் என்று பார்ப்போம்.

விசு என்று அழைத்தவுடன், அடே டே, தென்னிந்திய நடிகர் சங்கத்தில் நம்மை பெயர் சொல்லி அழைக்கவும் யாரோ இருகின்றார்கள் என்று திரும்பி பார்த்தால் அங்கே சினிமா இயக்குனர் -கதை வசனகர்த்தா விசு நின்று கொண்டு இருந்தார். அவரை யாரோ எப்படி இருக்கீங்க என்று கேட்க்க... நான் பதிலை சொல்ல..

மன்னிக்கவும் .. என் பெயரும் விசு தான் .. அதுதான் உங்கள் கேள்விக்கு நான்  பதில் சொல்லிட்டேன்.

Tuesday, October 27, 2015

ரஜினியின் "முரட்டுகாளை" & கமலின் "குரு" எனக்கு கிடைத்த வாய்ப்பு!

இது சென்ற பதிவின் தொடர்ச்சி. அந்த பதிவை படித்து விட்டு இங்கே வந்தால் இன்னும் நன்றாக புரியும். அதை படிக்க இங்கே சொடுக்குங்கள் ...

அதிசயம் : "நடக்காதென்பார் நடந்துவிடும் ..."(தொடர்ச்சி..1)


தென்னிந்திய நடிகர் சங்கத்தின் "பொழுதுபோக்கு பூங்கா"விற்கு அக்டோபர் 25, 2018 குடும்பத்தோடு வந்த நான், அப்படி என்ன ஒரு எதிர் பாராத காட்சியை காட்சியை பார்த்தேன்.

திரும்பி பார்த்த நான் அக்காலத்து மாமன்னர்கள் உடையணிந்த இரண்டு மன்னர்களையும் மற்றும் அவர்கள் இருவரின் மத்தியிலும் நடந்து வந்த ஒரு மூதாட்டியும் பார்த்தேன். நான்காம் வகுப்பில் நான் படித்த வரலாற்று நாடகம் நினைவிற்கு வர அந்த மூதாட்டியை அவ்வையார் என்று அறிய நிறைய நேரம் பிடிக்கவில்லை. அம்மை அவ்வையார்... அப்போது அந்த மன்னர்கள்... ஒருவேளை ...அதியமானும் .. தொண்டைமானும்..

Monday, October 26, 2015

அதிசயம் : "நடக்காதென்பார் நடந்துவிடும் ..."

என்ன டாடி, காலையில் இவ்வளவு சீக்கிரம் கிளம்ப சொல்றிங்க?

அடியே, நான் பெத்த ராசாத்தி, இன்னைக்கு என்ன தேதி ..

அக்டோபர் 25, 2018, அதுக்கு என்ன இப்ப?

அதுக்கு என்னவா? ரெண்டு வருஷம் கழித்து  இந்தியா வந்து இருக்கோம் . அதுவும் மெட்ராசுக்கு (அது என்னவோ போங்க.. இந்த சென்னை என்ற பெயர் வாயில் நுழைய மாட்டுது), இன்னைக்கு பெரிய பிளான்.

என்ன பிளான்?

மகள், நம்ம ஊரில் ஹாலிவுட்டில் இருக்கிற "யுனிவர்சல் ஸ்டுடியோ" போல், இங்க தமிழ் சினிமாவின் வரலாறை பற்றி எடுத்து சொல்லும் ஸ்டுடியோ ஒன்னு திறந்து இருக்காங்க.

Sunday, October 25, 2015

டிங்கிரி டிங்காலே .... மீனாக்ஷி.. டிங்கிரி டிங்காலே ...

சனியும் அதுவுமா மதியம் அதுவுமா  அம்மணியும் கண்மணிகளும் வெளியே சென்ற இருந்த நேரம். வெளியே சிறிய மேகமூட்டம். இல்லத்தில் அமர்ந்து, நமக்கு பிடித்த பழைய பாடல்கள் சிலவற்றை கேட்கலாம் என்று கணினியை தட்டினேன்.

பொதுவாகவே இந்த மாதிரி பாடல்கள் கேட்க்க ஆரம்பித்தால் சந்திரபாபு அவர்களின் " பம்பர கண்ணாலே" பாடல் தான் முதலில் வரும். அந்நாள் இம்முறை.. அந்த பாடலுக்கு பதில் சந்திரபாபுவின் மற்றொரு பாடலான டிங்கிரி டிங்காலே என்று தட்டினேன்.

Saturday, October 24, 2015

எங்கிருந்தோ வந்தான் ….

என்னா, வாத்தியாரே ..? “பாம்பேயில் பீப்” சாப்பிட்டவன் போல் திருட்டு முழி முழிக்கிற!
கிண்டலாக கேட்டு கொண்டே வந்தான், நண்பன் தண்டபாணி . எல்லாம் என் நேரம் தான் என்று மனதில் நினைத்து கொண்டே …
ஒன்னும் இல்ல தண்டம்.. நீ எப்படி இங்க ?சொல்லாம கொள்ளாம?
சும்மா வீட்டில ரிலாக்ஸ் பண்ணி கொண்டு இருந்தேன் …

Friday, October 23, 2015

நடிகர் சங்கம் : "சுயநலத்தின் இருப்பிடம்" !?

பல தடைகளுக்கு பின் நடிகர் சங்க தேர்தல் சென்ற வாரம் நடந்து முடிந்தது. "மாற்றம்" என்ற ஒரு வார்த்தையை முன்வைத்து நாசர் அவர்களின் தலைமையில் உள்ள அணி வெற்றி பெற்று முக்கிய பொறுப்புகளை ஏற்றுகொண்டது.

வெற்றி பெற்ற இந்த அணிக்கு நம் வாழ்த்துக்கள், மற்றும் வெற்றி பெற்ற இவர்கள் தாம் கொடுத்த வாக்குறுதிகளை நிறைவேற்ற வேண்டும் என்றும் அனைவரும் எதிர்பார்க்கின்றனர்.

இப்போது தலைப்பிற்கு வருவோம் .." நடிகர்  சங்கம் : "சுயநலத்தின் இருப்பிடம்" !?

Thursday, October 22, 2015

"பல்லாங்குழிபணியாரம் ..."

சனியும் அதுவுமா காலையில் அலாரம் வைத்து எழுந்து, ராசாத்திக்கள் இருவரையும் எழுப்பி (அம்மணி வேலை நிமித்தம் மருத்துவமனை சென்று இருந்தார்கள்) 7 மணிக்கு "கோல்ப்" ஆட போகலாம் என்று அடித்து பிடித்து தயாராகினேன்.

ராசாத்திக்கள் இருவரும் தயாராகியவுடன் மூவரும் கதவை திறந்து வெளியே வந்தால் "சோ" என்று மழை. அடே டே, நேற்று வானிலை அறிக்கையில் படித்தோமே என்ற நினைவு மனதில் வரும் போதே...

இளையவள் . டாடி.. கொஞ்சம் வெளியே மழை பெய்தான்னு பார்த்துட்டு எழுப்ப கூடாதா ? நல்ல தூக்கம் போச்சு என்று பாசாங்கு செய்ய ...

Wednesday, October 21, 2015

என்னை மன்னிச்சிடுங்க.... தெரியாமல் கேட்டுட்டேன் ..

சேவல் ஒன்று கூவ அதிகாலையிலே எழுந்து விட்டேன். பலமாதங்கள் கழித்து இந்தியாவிற்கு விடுமுறைக்காக வந்துள்ளேன். சேவல் கூவி நான் எழுந்து எத்தனை வருடங்கள் ஆகி இருக்கும். கடிகாரம் கண்டுபிடிக்காத காலத்திலேயே இந்த சேவல்கள் நம்மை அதிகாலையில் எழுப்பிவிடும் அருமையான அலாரம் ஆயிற்றே!

அந்த சேவலுக்கு ஒரு நன்றியை செலுத்திவிட்டு, என் வேலையை கவனிக்க ஆரம்பித்தேன். ஐந்து நிமிடத்திற்கு ஒருமுறை அந்த சேவல் கூவி கொண்டே இருந்தது. அடே டே, இந்த சேவல் நம்மை எழுப்புவதற்கு உதவினாலும் எழுந்தவுடன் கூவி கூவி எரிச்சலை கொடுக்கின்றதே என்று எண்ணி கொண்டு இருந்தேன்.

பல மாதங்கள் கழித்து இந்தியா ... அதுவும் பெண்  எடுத்த வீடு. எப்போது இங்கே வந்தாலும் உணவிற்கு பஞ்சம் இல்லை. என்ன வேண்டும் என்று கேட்டு சமைத்து கொடுப்பார்கள். காலை 7 மணி போல் வரும் நாஷ்ட்டாவை நினைத்து கொண்டே இருக்கையில், உறவினர் இல்லத்தில்  கேட்டார்கள்...

Monday, October 12, 2015

பழமொழி சொன்னால் ….. ஆராயக்கூடாது …

அம்மா  … இந்த வியாழகிழமை பரவாயில்லை, அடுத்த வியாழ கிழமை காலையில் எனக்கு கோல்ப் பயிற்சி வகுப்பு புக் பண்ணாதீங்க ..
சொல்லி கொண்டே வந்தாள், சின்ன ராசாத்தி. அவள் இப்போது 8ம் வகுப்பில் இருகின்றாள். திங்கள் முதல் வெள்ளி வரை (வியாழன் தவிர ) வகுப்புகள் காலை 8:40க்கு ஆரம்பிக்கும். வியாழன் அன்று மட்டும் 10:20க்கு. அதனால் தான் வியாழன் காலை 8 மணிக்கு வாரந்தோறும் கோல்ப் வகுப்பிற்கு அனுப்பிவிடுவோம்.
அடுத்த வாரம் ஏன் வேண்டாம்னு சொல்ற …?
அம்மா  … ஒரு நாளாவது கொஞ்சம் நேரம் அதிகமா தூங்கலாம்னு தான் .
இந்த வயதில் உனக்கு என்ன தூக்கம், அமைதியா போ…
டாடி. ….

Saturday, October 10, 2015

யார் இந்த பாடகி ! வலைப்பதிவு சந்திப்பில்...

 புதுகோட்டையில் நடந்து கொண்டுள்ள வலைபதிவு சந்திப்பின் நேரலையை பார்த்து கொண்டு இருக்கின்றேன்.  9000 மைல்களுக்கு அப்பால் என் இல்லத்தில் அமர்ந்து கொண்டு

நினைவுகளுக்கு நன்றி,ஆச்சி!

தமிழ் திரை  உலகிற்கு  இறைவனால் கொடுக்க பட்ட ஒரு பொக்கிஷம் அல்லவா " ஆச்சி மனோரமா" , என்ன ஒரு நடிப்பு. என்ன ஒரு திறமை.

மே 26, 1937ல் பிறந்து தன் வாழ்க்கை பயணத்தை கலையுலகில் நடத்தி வந்து 78வது வயதில் இறைவனை சேர்ந்தார். தம் நடிப்பால் கலையால் திரை உலகில் தனக்கு என்று ஒரு வழியை ஏற்படுத்தி கொண்டு முடிசூடா ராணியாக வளம் வந்தவர் அல்லவா? இருந்தாலும் கடந்த சில வருடங்களாக வயதினால் வரும் பிரச்சனைகளினால் நடிப்பு துறையில் இருந்து விலகி இருந்தார்.

Friday, October 9, 2015

நடிகர் சங்க தேர்தல் முடிவுகள்: நாளை செய்தி இன்றே!

அடுத்த வாரம் (Oct 18, 2015ம் தேதி) நடக்க இருக்கும் நடிகர் சங்க தேர்தலின் முடிவு, இந்த வாரமே அறிவிக்கபட்டுள்ளது.

மூன்று வருடத்திற்கு ஒரு முறை நடக்க வேண்டிய தேர்தல் தவிர்க்க முடிந்த காரணங்களை தவிர்க்காததால் கடந்த பத்து ஆண்டுகள் நடக்காமல், அடுத்த வாரம் நடக்க இருப்பது அனைவரும் அறிந்ததே.

பல ஆண்டுகளுக்கு பின் வந்ததால், இந்த தேர்தலில் தற்போதைய தலைவர் சரத்குமார் அவர்கள் அணிக்கும் நாசர் அவர்கள் தலைமையில் உள்ள அணிக்கும் கடும் போட்டி நிலவியது.

"சும்மா கிடந்த சங்கை ஊதி கெடுத்த ஆண்டி" போல், சங்கத்தின் கட்டிடத்தை பற்றி விஷால், கார்த்தி மற்றும் சில நடிகர்கள் கேட்ட கேள்விகளுக்கு பதில் சொல்லாமல், வேண்டும் என்றால் தேர்தலில் சந்தித்து கொள்ளுங்கள் என்று தலைவர் சரத்குமார் மற்றும் செயலாளர் ராதாரவி கூற, வந்த தேர்தல் தான் இது என்பதை  இங்கே நினைவு கூறவேண்டும்.

Thursday, October 8, 2015

விஷால் ரெட்டி to "விஷால் ரெடி"! (Vishal Reddy to Vishal Ready)

நன்றி திருமதி சரத்குமார் (Maiden Name : Radika Naayudu) அவர்களே, தோல்வி பயத்தினால் சமரசம் என்ற ஒரு போர்வையில் வந்து அமர்ந்து கொண்டு, வார்த்தைக்கு வார்த்தை "விஷால் ரெட்டி" என்று ஒரு சாதி மொழி வெறியை சங்கத்தில் நீங்கள் நுழைக்க நினைப்பது தெள்ளம் தெளிவாக தெரிந்தது.
விஷால் ரெட்டி  என்று அவரை அளித்த நீங்கள் ரஜினிகாந்தை ஏன் "சிவாஜி ராவ்" என்று அழைக்கவில்லை, தங்கள் சகோதரர் ராதாரவியை ஏன் ராதாரவி நாயுடு என்று அழைக்கவில்லை.

Wednesday, October 7, 2015

மெட்ராஸ் டு சென்னை ... ரயில் பயணங்களில்..

சீக்கிரம், சீக்கிரம் எல்லாரும் கிளம்புங்க.

காலையில் 4:30க்கு அலாரம் அடித்தவுடன் அனைவறையும் எழுப்ப ஆரம்பித்தேன்.

என்ன டாடி...? இப்ப தான் 4:30 .. ஏன் எழுப்புரிங்க?

நம்ம இன்றைக்கு மெட்ராஸ் போறோம் இல்ல அதுதான்.

விமானம் எத்தனை மணிக்கு ?

விமானம் இல்ல மகள், இது ரயில்...?

என்ன ரயிலா.. ?

கருணாஸ் ஒரு ரெகார்ட் டான்சர் : ராதா ரவி !

கடந்த நாட்களில் நான் பார்த்து கொண்டு இருந்த காணொளியில் ராதா ரவி அவர்கள் ஒரு மேடையில் பேசுகையில் காழ்ப்புணர்ச்சியோடு "கருணாஸ்  ஒரு ரெகார்ட் டான்சர்" என்று ஒரு கிண்டல் அடித்தார்.


"கருணாஸ்  ஒரு ரெகார்ட் டான்சர்" என்பது உண்மையா என்று எனக்கு தெரியாது . அப்படியே இருக்கட்டுமே. அது என்ன பெரிய குற்றமா?

தெருவில் ரெகார்ட் டான்ஸ் ஆடி கொண்டு இருந்த ஒருவர் திரை உலகில் தன் திறமையால் படிப்படியாக முன்னேறி இன்று நடிகர் சங்கத்து துணை தலைவராக போட்டி இடுகின்றார் என்றால், அது பாராட்டதக்க விஷயமே தவிர, கிண்டல் பண்ண வேண்டிய விஷயம் அல்ல.

Tuesday, October 6, 2015

நடிகர் சங்கம் : உனக்கும் எனக்கும் தான் என்ன?

நடிகர் சங்க பிரச்சனைக்கும்  உனக்கும் என்ன சம்மந்தம் விசு. இப்படி பதிவு மேல் பதிவு போட்டு தாக்குறியே என்ன விஷயம்? என்று பலர் கேட்டதினால், அதற்க்கு பதிலாக இந்த பதிவு !

 “If the misery of the poor be caused not by the laws of nature, but by our institutions, great is our sin.”

― Charles Darwin, Voyage of the Beagle

மனித இனத்தை சேர்ந்த நாம் அனைவரும் வாழ்நாளில் சில காரியங்களை செய்ய தவறி இருப்போம்.  எத்தனை வருடங்கள் ஆகினும் இந்த காரியம் நம் மனதை உறுத்தி கொண்டே இருக்கும். ஒரு தவறு செய்து விட்டோமே என்ற இந்த உணர்வு நம்மை விட்டு நீங்காது. எனக்கு அப்படி நிகழ்ந்த ஒரு நிகழ்ச்சி.

Monday, October 5, 2015

கொஞ்சலில் “"பிரிஞ்சி"” கெஞ்சல் !

 ஒரு மீள் பதிவு..ஏற்கனவே படிக்காத நண்பர்களுக்காக ...

என்ன வாத்தியாரே… காலையில் இருந்து ஆளையே காணோம்? எங்களுக்கு தெரியாம ஏதாவது பிளான்னா ?

சொல்லி கொண்டே நுழைந்தான் நண்பன் தண்டபாணி…

மற்றொரு நண்பன்சாரதி வீட்டில் ஒரு விசேஷம் … அங்கே அமர்ந்து கொண்டு இருக்கையில் நடந்த ஓர் உரையாடல் தான் இது…

ஒன்னும் இல்ல தண்டபாணி … ராசாத்திக்கள் இங்கே அருகே இருக்கும் ஒரு கோல்ப் மைதானத்தில் ஒரு போட்டியில் பங்கேற்றனர், காலையில் 10 மணி போல் ஆரம்பித்தது ,,, மாலை 5:30 போல் தான் முடிந்தது.. அதுதான் …

Sunday, October 4, 2015

TR & சிம்பு : நீங்கள் தமிழன் என்றால் நாங்கள் என்ன ஆங்கிலேயரா ?

அன்புள்ள சிம்புவின் அப்பா ..

நான் சொல்லவருவதை நீங்க எடுக்ககூடாது தப்பா ..!

கடந்த பல வருடங்களாக தம்மை கவனித்துவரும் ஒருவனாக இந்த பதிவை  எழுதுகிறேன்.

திறமையில் உங்கள் குடம் "நிறை"
அதில் நாங்கள் பார்க்கவில்லை "குறை'

பின்ன இந்த பதிவு எதற்கா ?.

இதோ சொல்கிறேன், கேளுங்கள்!

எப்போது எங்கே போனாலும் ...

Saturday, October 3, 2015

காசு மேலே, காசு வந்து...(புது கோட்டையில் இருந்து )

வாத்தியாரே.. என்ன லாட்டரி ஏதாவது விழுந்ததா? என்ன இவ்வளவு சந்தோசம்?

சொல்லிக்கொண்டே நுழைந்தான் நண்பன் தண்டபாணி.

சந்தோசம் சரி தான், பாணி.. அது எப்படி லாட்டரி விழுந்ததுன்னு கண்டுபிடிச்ச?

சரஸ்வதி காணாமல் போய் லட்சுமி உன் முகத்தில் தாண்டவம் ஆடுறாங்களே அதை சொன்னேன்.

டேய்.. புரியிற மாதிரி சொல்லு..

அது இருக்கட்டும் ? எவ்வளவு தேறுச்சி?

கிட்டத்தட்ட 10,000 ருபாய் பாணி.

சரத்குமார் ! இது அறியாமையா ? இல்லை அறியாதவர் போல் நடிக்கின்றீர்களா?

நடிகர் சங்க தலைவர் சரத்குமார் அவர்களின் நேர்முக பேட்டி ஒன்றினை கண்டேன். அதை கண்டவுடன், மனதில் முதலில் வந்தது " இவர் உண்மையாகவே அறியாமையில் இருகின்றாரா ? இல்லை அறியாதவர் போல் நடிகின்றாரா?

சரத்குமார் மீண்டும் மீண்டும் கேட்கும் ஒரு கேள்வி

"இவர்கள் ஏன் எங்களிடம் வந்து கேள்வி கேட்கவில்லை" . இது ஒரு முட்டாள்தனமான கேள்வி.

மூத்த நடிகர் கமல்ஹாசன் அவர்கள் துவங்கி கடைசி நடிகர் வரை உங்களிடம் கேள்வி கேட்கவில்லையென்றால் அதற்கு ஒரு காரணம் உண்டு.

“கர்ம தங்கடம்”… சாரி.. “தர்ம சங்கடம்” …

இன்று முகநூலில் சென்னையில் இருந்து வந்த ஒரு குறிப்பில் " உங்கள் கர்ம தங்கடம் .. தர்ம சங்கடம் " படித்தேன் .. அழுதேவிட்டேன் என்று எழுதி இருந்தார்கள். ஏன் அலுத்து இருப்பார்கள் என்று நானும் போய் படித்தேன் . புரியவில்லை. நீங்களும் ஒரு முறை படித்து சொல்லுங்களேன்..

டாடி… இன்னைக்கு என்ன பிளான்…?
என்ன? உங்க அம்மா பேசுறத மாதிரி பேசுற , ராசாத்தி …?
கேட்ட கேள்விக்கு பதில்.. ப்ளீஸ் ..
என்ன? எங்க அம்மா பேசுற மாதிரி பேசுற, ராசாத்தி ?
எப்பவுமே உங்களுக்கு தமாசுதான் டாடி…என்ன பிளான் …?

Friday, October 2, 2015

ராதா ரவி ... ஏன் நடிகர் சங்கத்தில் இருந்து வெளியேற்ற படவேண்டும்!




"யாகாவாராயினும் நா காக்க காவாக்கால்
சோகாப்பர் சொல்லிழுக்குப் பட்டு"


சென்னையை தலைமையாக கொண்டு அமைந்துள்ள நடிகர் சங்கம், தமிழகத்திற்கு இதுவரை நான்கு முதல்வர்களை அளித்த ஒரு சங்கம். திரைத்துறையில் இருந்து அரசியலுக்கு வருவதை நான் என்றுமே ஆதரித்தது இல்லை. இருந்தாலும் இத்துறையில் இருந்து அரசியலுக்கு வந்து அதுவும் முதல்வர் அளவிற்கு வெற்றி பெற்றவர்களை மதிக்க கடமை பட்டு இருப்பதை அறிந்துள்ளேன்.

இம்மாதிரியான ஒரு சங்கத்தில், காலத்தின் கட்டாயமாக தேர்தல் வந்து விட்டது. ஜனநாயக நாட்டில், ஜனநாய முறையில் தேர்தல் என்பது மிகவும் வரவேற்க தக்க நல்ல விஷயம். இந்த தேர்தலில் ராதாரவியை எதிர்த்து விஷால் பொது செயலாளர் பதவிக்கு போட்டி போடுகின்றார் . இப்படி இருக்கையில் .. சென்ற வாரம் எங்கேயோ ஒட்டு சேகரிக்க சென்ற ராதா ரவி .. ஒரு மேடையில் நின்று கொண்டு, விஷாலை ...

Thursday, October 1, 2015

ஒரு "கோட்டை"யிலே என் "குடி" இருக்கும்.

வாங்க .. வாங்க .. வாங்க..

என்ன ஒன்னும் புரியலையா? தலைப்பு கண்ணதாசன் பாடல் "ஒரு கோப்பையிலே என் குடி இருக்கும்" போல இருக்கு, ஆனால் கோப்பைக்கு பதில் "கோட்டை"ன்னு இருக்கா ?


அது ஒன்னும் இல்லேங்க. இந்த மாதம் 11ம் தேதி , புது கோட்டையில் நம்ம சக பதிவர்கள் எல்லாரும் கூட போறாங்களே, அதை தான் சொன்னேன்.

Wednesday, September 30, 2015

பேய் திருநாள் வித் பி ஜே பி..

அக்டோபர் மாதம் வந்தவுடன் அமெரிக்காவில் அனைவரும் நினைப்பது " "ஹலோவீன் " என்ற நாளை தான். பலர் தங்கள் வீடுகளை கல்லறை தொட்டால் போல அலங்கரித்து கொள்வார்கள். சிலர் வீடு எதிரில் உள்ள மரங்களில் பிளாஸ்டிக்கினால் ஆனா எலும்பு கூடு தொங்கும்.

விஜய்யின் புலி - லாரன்சின் "Black Knight"? கன்புயுசன் !

அட பாவி.. இப்ப தான் புலி படத்து " கதை"யை படித்தேன். இந்த கதை 2001ல் ஹாலிவுட்டில் வெளி வந்த " Black  Knight " கதை போலவே இருக்கே.

சரி, புலி கதையை விடுவோம். Black  Knight கதையை கொஞ்சம் கேட்போம். கதாநாயகன் ஒரு பொழுதுபோக்கு பூங்காவில் பணி புரிபவர். ஒரு லூட்டியான மனிதர். நிறைய காலாய்ப்பவர். வேலையில் இருக்கும் போது ஒரு நாள் மண்டையில் எதோ அடிபட மயங்கி விழுகின்றார். மயக்கத்தில் இருப்பவர் சிறிது நேரத்தில் விழித்து கொள்ள அவர் இருக்கும் இடமோ ..

"புலி - "தல"ய காப்பாற்றவே முடியாதா ?

காலையில் எழுந்து செய்தித்தாளை இணைய தளத்தில் திறந்தவுடன் அகப்பட்ட முதல் காணொளி  " மாட்டிகொண்ட சிறுத்தை" . அது சரி, அகப்பட்டது சிறுத்தை தானே, தலைப்பில் எப்படி புலி வந்தது? நல்ல கேள்வி தான். அதற்கான பதிலை பிறகு தருகிறேன்.

Tuesday, September 29, 2015

பாக்யராஜின் "தில்" இந்த காலத்து இயக்குனர்களுக்கு வருமா?

சில மாதங்களுக்கு "கத்தி" வெளியே வந்த போது, அது தன்னுடைய கதை என்று ஒரு துணை இயக்குனர் சொல்ல, அப்படத்தின் இயக்குனர் முருகதாஸ் அவர்களின் திறமை மேல் சந்தேகம் வந்தது அனைவரும் அறிந்ததே.

அது மட்டும் அல்லாமல் அப்படத்தில் வந்த சில காட்சிகள் , ஏற்கனவே ஆங்கில படத்தில் வந்த  காட்சிகளின் அப்பட்டமான நகல் என்பதும் அனைவரும் அறிந்ததே. இப்படத்தின் இசை அமைப்பாளரும் சில ராகங்களை காப்பி அடித்துள்ளார் என்பதும் தெரிந்ததே. மொத்தமாக சொல்லபோனால் இந்த படமே "சுட்ட பழம்" என்று தான் நான் நினைத்தேன்.

அதன் பின் வந்த "லிங்கா" பென்னி என்ற உத்தமனின் உண்மை கதை என்றும் கேள்வி பட்டோம். "லிங்கா"வில் வந்த சாவி திருடும் காட்சியும் ஆங்கில படத்தில் இருந்து சுடப்பட்டதை பார்த்தோம்.

Thursday, September 24, 2015

கலைஞரை கலாய்த்த கண்ணதாசன் !

 நான் மற்ற தளத்தில் எழுதி கொண்டு இருந்தபோது எழுதிய பதிவு. ஏற்கனவே படிகாதவர்கள் ஒரு முறை படியுங்கள். படித்தவர்கள் மீண்டும் படியுங்கள்.

சிறு வயதிலேயும் சரி, பள்ளி காலத்திலேயும் சரி, கல்லூரி நாட்களிலும் சரி, ஏன் கடந்த சில மாதங்களாக நான் மகிழ்ந்து வரும் பதிவுலகிலும் சரி .. என் “பேச்சை – எழுத்தை” “கேட்பவர்கள் – படிப்பவர்கள்” பொதுவாக கூறும் ஓர் பின்னோட்டம் ..

“விசு, உனக்கு ரொம்ப குசும்பு. யார பார்த்தாலும் ரொம்ப கலாய்க்கின்றாய்”
இந்த குசும்பு என்பது உப்பை போல். அதை சரியான அளவாக உபயோகபடித்தினால் நாம் பரிமாற்ற போகும் படைப்பு ருசியாக  இருக்கும். அதை சற்று குறைவாக போட்டால் … குப்பையில் தான் போட வேண்டும்  (உப்பில்லா பண்டம்… வேறு என்ன செய்வது .. ) அதை அதிகமாக போட்டால் … தண்ணீர் குடித்து கொண்டே இருக்க வேண்டும்  (உப்பு தின்னவன் …. கதை தான்).

Monday, September 21, 2015

ஐந்தில் இருந்து ஐம்பது வரை..

எப்போதும் இல்லாத அளவு வெயில். என்னடா இது , கோடை விடுமுறைக்கு மெட்ராஸ் ( நமக்கு எப்பவுமே மெட்ராஸ் நல்ல மெட்ராஸ் தாங்க.. இந்த சென்னை வெண்ணை எல்லாம் வேலைக்கு ஆகாது)  போன மாதிரி இருக்கே.. என்று நினைத்து கொண்டு இருக்கையில், இளைய ராசாத்தி அருகில் வந்து...

டாடி ..ரொம்ப வெயில் இல்ல ..

அதுக்கு என்ன இப்ப.. ஐஸ் கிரீம் வாங்க வழி பண்றியா...

ஐஸ் கிரீம் எங்களோடு உங்களுக்கு தானே டாடி பிடிக்கும், வாங்க போய்
ஆளுக்கு ஒன்னு வாங்கி சில்லுன்னு சாப்பிடலாம்.

Saturday, September 19, 2015

விசுAwesomeமின் 'புதுமை பெண்"



கள்ளி என்று கொஞ்சுவான் பாப்பா, அயர்ந்தால் கள்ளி பால் ஊத்துவான் பாப்பா
துவக்கமே துயரமடி பாப்பா, நீ துவண்டு விடாதே என் செல்ல பாப்பா ..

ஆறு வயதினிலே பாப்பா .. மடை ஆறு போல் புரண்டோடு பாப்பா...
அடக்க நினைப்பான் பாப்பா..நீ ஆர்ப்பரித்து ஆட்டம் போடு பாப்பா

விவரம் தெரியா  வயதில்   பாப்பா, விவேகமற்ற விவாகம் என்பான் பாப்பா..
விதி என்று சதி செய்வான் பாப்பா, நீ மதியால் மிதித்து விடு பாப்பா...

"வானம் பார்த்த விவசாயி"...!


காலை 4 மணிக்கு எழுந்து  நேற்றைய மிச்ச மீதியை "பழையது" என்ற பெயரில் உப்பை மட்டும் சேர்த்து பருகிவிட்டு , தன் கால்நடைகளோடு கால்நடையாக மொத்த நாளையும் வெயிலிலே தாரை வார்த்து விட்டு, தூவிய விதைகளால் வரும் விளைச்சலை கனவில் கொண்டு தூங்க செல்கிறான்.
பட உபயம் :புவனா கருணாகரன் 

தூக்கம் வரவில்லை .எப்படி வரும்? முகத்தில் அடிக்கும் காற்றை வைத்தே மனது சொல்லுகின்றது ... நாளை மழை வராது.  இரவு இரண்டு மணி, அருகில் இருந்த பசு, கன்று ஈனுகையில் உயிரை விட அதையும் தோண்டி புதைத்து விட்டு, ஐயகோ நாளையில் இருந்து பிள்ளைகளுக்கு பால் இல்லையே என்ற துக்கத்தோடு பெருமூச்சு விட... அருகில் இருந்த மனைவி கேட்கின்றாள்..

என்னங்க தூங்கலையா?

Friday, September 18, 2015

வெங்காய சாம்பாரும்.... வேகாத தலைவர்களும் ...

வெங்காய விலை உச்சகட்டத்திற்கு போய் விட்டது என்று கேள்வி பட்டேன். தமிழகத்தின் முதலீடு ஆயிரகணக்கான கோடியில் இருக்கட்டும். இந்தியா வல்லரசாகி மோடி அவர்கள் உலகத்திற்கே தலைவராகி யோகா சொல்லி கொடுக்கட்டும்.


என் அருமை தலைவர்களே!
ஹிந்தி தெரியாமல் வாழலாம்.
சமஸ்கிரிதம் தெரியாமல் வாழலாம்.

Thursday, September 17, 2015

ரஜினியின் கபாலி "சுட்ட பழமா"

தலைப்பிற்கு செல்லும் முன் ஒரு சிறிய விளக்கம்.

ரஜினிகாந்த் அவர்களின் அடுத்த படமான "கபாலி" யின் ஸ்டில் நேற்று வெளியிடப்பட்டது.  அதை பார்த்தவுடன்.. அடே டே, நம் நெடுநாள்  ஆசை நிறைவேற போகின்றது என்ற ஒரு நப்பாசை வந்தது.

அது என்ன நப்பாசை...? இதோ சொல்கிறேன்..

ரஜினி அவர்களின் பரம ரசிகனாக வளர்ந்து வாழ்ந்து வந்த நான் "பாபா" படம் பார்க்கும் போது பாதியில் எழுந்து வந்த நான், அதன் பின் வந்த ரஜினியின் படங்கள் எதுவும் பார்க்கவில்லை. ஒவ்வொரு முறையும் வெளிவரும் படங்களின் ஸ்டில்லை பார்த்தவுடன் இதுவும் நமக்கு வேலைக்கு ஆகாது என்று பார்க்காமல் விட்டுவிடுவேன். பாபா படத்தின் தாக்கத்தினால் ரஜினிகாந்த் படம் மட்டும் அல்லாமால் அதற்கு பிறகு வந்த தமிழ் படங்களில் ஐந்து அல்ல ஆறு தான் பார்த்து இருப்பேன். இருந்தாலும் விமரிசனம், கதை, இசை என்பவற்றை அங்கே இங்கே என்று எங்கேயாவது கேள்விபடுவேன்.

Wednesday, September 16, 2015

ஈ ரோடு போய் திருச்சி வருமோ ....?

இன்று காலை அருமை நண்பன் குஞ்சு குஞ்சுவிடம் இருந்து ஒரு தொலை பேசி அழைப்பு.

சொல்லுங்க குஞ்சு...நம்ம பேசி வருடக்கணக்கில் ஆச்சி. நீங்க இந்தியா போய் செட்டில் ஆகிடிங்கன்னு கேள்வி பட்டேன். எப்படி இருக்கீங்க?

நல்லா இருக்கேன் விசு. விஷயத்த கேள்வி பட்டிங்களா?

Tuesday, September 15, 2015

சரத்குமாருக்கு ஒரு மனம் திறந்த கடிதம்!

மன்னிக்க வேண்டும், திரு சரத்குமார்  அவர்கள் இப்போது எல்லாம் அதிகமாக ஆங்கிலம் தான் பேசுகின்றார். அதனால் அவருக்கு புரியும் படி ஆங்கில பதிவு.  இது தமிழ் நடிகர் - சினிமா சேர்ந்த பதிவு என்பதால் தமிழ் மணத்தில் இணைத்தேன்.

Mr. Sarath Kumar,

Just happen to watch one of your press meet. You are just blabbering! You should be opening your "So Called" Pandora Box, and let the secrets out , if you care about the welfare of actors. You keep talking about "Respect" and if you have any respect left out, just get out of your box and face the reality.

Monday, September 7, 2015

சிரிக்க , சிந்திக்க ... சீரியஸ்ஸாக ...

வாரத்திற்கு குறைந்த பட்சம் நான்கு அல்ல ஐந்து பதிவுகளை எழுதி கொண்டு இருந்த நான், கடந்த இரண்டு வாரங்களாக  எதுவும் எழுத முடியாத நிலையில் இருக்கின்றேன்.

Wednesday, September 2, 2015

ஓரம் போ .. ஓரம் போ...

நண்பர் ஒருவர் இல்லத்தில் அமர்ந்து மற்ற நண்பர்களிடம் பேசிக்கொண்டு இருக்கும் போது வாயெல்லாம் பல்லோடு நுழைந்தான் அருமை நண்பன் ஆருயிர் தோழன் தண்டபாணி...

வாத்தியாரே...

சொல்லு தண்டம்..

சொன்னா நம்ப மாட்ட...

அப்ப சொல்லாத...

என்னா வாத்தியாரே.. பேச்சுக்கு சொன்னா...

சரி சொல்லு...

நேத்து காலையில் ஒரு 6 மணி போல் ... சொன்னா நம்ப மாட்ட ...?

Thursday, August 27, 2015

நண்பனே .. .எனது உயிர் நண்பனே....


விசு, கொஞ்சம் நாளா உன்னிடம் ஒரு விஷயம் பேச வேண்டும்... ஆனால் பேச முடியில்லை!

வா, தண்டபாணி, கொஞ்ச நாளா பேசவேண்டும் என்று நினைத்தாய், ஆனால் பேச முடியவில்லை என்றால், அது ஒரு நல்ல விஷயமாய் இருக்காதே.. ஏதாவது பிரச்சனையா?

விசு, நீ கோவித்து கொள்ளாவிட்டால் உன்னிடம் ஒன்று கேட்க்க வேண்டும்.

Tuesday, August 25, 2015

யார் இந்த "மதன் கார்க்கி"...

ஆகஸ்ட் 25ம் தேதி இன்று. இந்த வருடத்தின் இன்னொரு முக்கியமான நாள். இரண்டு ராசாதிக்களுக்கும் இன்னொரு வருட பள்ளி ஆரம்ப நாள். காலையில் சீக்கிரமாக எழுந்து அடித்து பிடித்து இருவரையும் பள்ளிகூடத்திற்கு அனுப்ப வண்டியில் ஏறி போய் கொண்டு இருக்கையில், இருவர் கையிலேயும் ஒரு விண்ணப்பம்.. அதில் நீ வளர்ந்தவுடன் என்ன துறையில் வேலை செய்ய ஆசை படுகின்றாய்.

மூத்தவள் அதற்கு "தணிக்கையாளர் துறை" என்று எழுத இளையவளோ "மருத்துவ துறை " என்று எழுதி இருந்தாள்.

Saturday, August 22, 2015

பாவம் பிரகாஷ் ராஜ் - அவருக்கு இந்த நிலைமையா ?

அப்படி என்ன தப்பு பண்ணிட்டார் " பிரகாஷ் ராஜ்"

சென்ற வாரம் ஒரு செய்தி படித்தேன். அதில் பெண்களை அவமதிப்பதை போல் ஒரு விளம்பரத்தில் நடித்ததற்காக நடிகர் பிரகாஷ் ராஜ் மேல் ஒரு பெண்மணி வழக்கு போட்டு இருந்தார்கள். அந்த விளம்பரத்தில் "கல்யாண வயதில் பெண் இருந்தாலே டென்சன் தானே" என்ற ஒரு வாக்கியம் உள்ளது . இந்த வாக்கியத்தினால் பெண்கள் பெண் இனத்தையே பிரகாஷ் ராஜ் அவமதித்ததாக இந்த வழக்கை தொடர்ந்து உள்ளார்கள்.

Friday, August 21, 2015

ஆண்களுக்கு மட்டும் .. ஒரு மெக்சிக்கன் ரகசியம்

வெள்ளி கிழமை மாலை வீடு வந்து சேர்ந்தவுடன்.. ராசாதிக்கள் இருவரும் ... மாலை உணவை பற்றி விசாரிக்க ... (அம்மணி வேளையில் இருந்ததால்) ..என்ன செய்ய சொல்கின்றீர்கள் என்று கேட்க்க ..அவர்கள் இருவரும்... ஒன்றாக சேர்ந்து ...

வாங்க டாடி வெளிய போய் "மெக்சிக்கன் டாக்கோஸ்" போய் சாப்பிடலாம்.

அதுக்கு ஏன்  வெளியே போகவேண்டும். நாமே செய்யலாமே ..

என்னது ... நீங்க... டாக்கோஸ் .. டாடி.. இது என்ன இட்லி தோசையா ? மெக்சிக்கன்..

நான் பெத்த ராசாத்தி.. இட்லி தோசை செய்ய தெரிந்த ஒருவனுக்கு இந்த மெக்சிக்கன் டாக்கோஸ் ... ஜுஜுபி..


இப்படி நாமே நமக்கு சொல்லிக்க வேண்டியது தான்..  

என்று சொல்லி விட்டு நேராக அருகில் உள்ள பலசரக்கு ... (சரக்கு என்றவுடனே டாஸ்மாக் என்று நினைத்து விடாதீர்கள் ) சென்று தேவையானவைகளை வாங்கினேன்.

இந்த டாக்கோஸ் பொதுவாக அசைவத்தை கொண்டு செய்யப்படும். இன்று " இறால் டாக்கோஸ்" செய்யலாம் என்று நினைத்து ..

ஒரு பாக்கட் இறால்
குடை மிளகாய்
கொத்தமல்லி

வாங்கி கொண்டு இல்லத்திற்கு திரும்பினேன். இந்த மூன்றை தவிர இதற்கு "வெங்காயம்- இஞ்சி - பூண்டு- பச்சை மிளகாய்- கடலை மாவு -மிளகு தூள் - தயிர் - எலுமிச்சை "தேவை படும். ஆனால் இந்த பொருள்கள் இல்லத்தில் உள்ளதால் அவற்றை வாங்காமல் வந்து சேர்ந்தேன்.

முதலில் கடலை மாவை தேவையான அளவிற்கு ஒரு சிறிய பாத்திரத்தில் போட்டு அதில் இரண்டு பெரிய கரண்டி தயிர் ஊத்தினேன். பின்னர் அதில் அரைத்த இஞ்சி - பூண்டு ஒரு டீ ஸ்பூன்- ஒரு சிட்டிக்கை மஞ்சள் - மிளகாய் -மிளகு- உப்பு)  எல்லாவற்றையும் போட்டு கலவையாக (நம்மஊர் பஜ்ஜி பாணியில் ) சேர்த்து இறால் உள்ள பாத்திரத்தில் இந்த கலவையை சேர்த்தேன்.

(உடனே ..கலவையை அதில் ஊற்றுவதருக்கு பதில் இறாலை இதில் போட்டு இருக்கலாமே என்று "லொள்ளு" பண்ண கூடாது. எல்லாம் ஒரு முன்னெச்சரிக்கை தான்)

பிறகு கடாய் ஒன்றை அடுப்பில் ஏற்றி அதில் எண்ணையை ஊற்றி ஒன்றோடு ஒன்று ஒட்டாதவகையில் பொரிக்க ஆரம்பித்தேன். இது பொரித்து கொண்டு இருக்கையில் இன்னொரு அடுப்பில் இன்னொரு கடாய் வைத்து நெருப்பை குறைவாக வைத்து ..



ஒரு அடுப்பில் இறால் அடுத்த அடுப்பில் "வெங்காயம் மிளகாய்" வதக்கல்...

இரண்டு பூண்டு மற்றும் ஒரு சிறு துண்டு இஞ்சியை மிகவும் சிறிய சிறிய துண்டாக வெட்டி அதை இரண்டாவதாக குறைந்த நெருப்பில் உள்ள கடையில் போட்டு வதக்க ஆரம்பித்தேன். அடுத்து சில நிமிடங்களில்  இரண்டு வெங்காயத்தை நீள நீளமாகவும் மற்றும் அந்த குடை மிளகாயை அதே போல வெட்டி அதை அந்த இஞ்சி - பூண்டோடு சேர்த்து வதக்கினேன்.  அதை இறக்கும் முன் கொஞ்சம் எலுமிச்சை சாறு மற்றும்  கொத்தமல்லி போட்டு இறக்கினேன்.


இறாலின் பதம் மிகவும் முக்கியம் 

ஒரு பக்கம் இறால் பொரிக்க அடுத்த பக்கம் வெங்காயம் - மிளகாய் பொரிக்க .. அவகோடா (Avocado) என்று அழைக்கப்படும் ( இதை இந்தியாவில் "பட்டர் ப்ருட்" என்பார்கள் ) ஒன்றை ஆரஞ்சு சுளை வடிவில் வெட்டி அடுத்த பாத்திரத்தில் வைத்து கொண்டேன்.

பின்னர் பொறித்த இறால் மற்றும் வெங்காயத்தை தனி தனி தட்டில் போட்டு மேசையில் வைத்து விட்டு .. ரெடி மேட் சப்பாத்தியை சூடு செய்து  மேசையில் வைக்கையில்..

வீட்டின் அழைப்பு மணி அடிக்கும் சத்தத்தை கேட்டு..

வாத்தியாரே.. என்ன சூப்பர் வாசனை..

வா, தண்டம்.. என்ன சொல்லிக்காமல் கொல்லிகாமல்..

இல்ல வாத்தியரே.. பிள்ளைகள் வெள்ளியும் அதுவுமா வெளிய போய் சாப்பிடலாமான்னு   கேட்டாங்க, அதுவும் "மெக்சிக்கன்" தான் வேணுமாம்..
அதுதான் வாங்கினு போகலாம்னு வந்தேன். வழியில் உன்னையும் பார்த்துட்டு .. அது சரி என்ன.. உன்வீடு மெக்சிக்கன் வீடு மாதிரி வாசனை..?

பாணி .. உனக்கு ரொம்ப ராசி..தேவையான அளவு எடுத்துக்குனு, அந்த மெக்சிக்கன் கடையில் குடுக்க வேண்டிய டாலரை கொடுத்துட்டு போ.

சோக்கா சொன்ன.. ஆனா, சுந்தரி இன்றைக்கு சைவம் ..

 அதுக்கு.. கவலையே இல்லை தண்டம்.. அஞ்சு நிமிஷம் கொடு ..

என்று சொல்லி அங்கே மீதி இருந்த கடலை மாவு கலவையில் வெங்காயத்தை வட்டமாக வெட்டி போட்டு சில வெங்காய பஜ்ஜி.. மேலும்  இரண்டு பச்சை மிளகாயை போட்டு மிளகாய் பஜ்ஜி...

மீதி மாவில் சைவ ப்ரியர்களுக்கான வெங்காயம் மற்றும் மிளகாய் பஜ்ஜி..

இந்த பாணி ... வைச்சிக்க நீ...

நன்றி வாத்தியாரே..

என்று கூறி பாணி விடை பெற.. அருமை ராசாத்தியோ..

டாடி.. அங்கே மெக்சிக்கன் கடையில் செய்யுற மாதிரியே இருக்கு.. எப்படி டாடி.. ?

மகள்.. நான் தான் சொன்னேனே, இட்லி தோசை செய்யுற ஆளுக்கு இடது ஜுஜுபி...

என்று மனதில்..

என்ன விசு.. ? இப்படி தாக்குறியே .. என்ன வந்தாலும் பிச்சி பிச்சி.. இடஞ்ச்சூட்டி  பொருள் விளக்குறியே என்று என்னையே நான் மெச்சி கொண்டு அதற்கும் மேலே ஒரு படி போய்.. " Visu- Awesome Dad" என்று இருக்கையில் ... ராசாத்தி எனக்கும் ஒரு "டாக்கோஸ்" தயார் பண்ணி கொடுத்தாள்.


                                                      இறால் டாக்கோஸ் தாயார் ..

அது சரி.. சமையல் குறிப்பு தானே இதுக்கு ஏன் இந்த தலைப்பு .."ஆண்களுக்கு மட்டும் .. ஒரு மெக்சிக்கன் ரகசியம்..."

ஒன்னும் இல்ல, இது ரொம்ப சுலபமா செய்ய முடியும். கற்று கொண்டு அசத்துங்கள்.

பின் குறிப்பு :

அண்ணே .. சுந்தரி பேசுறேன்..

சொல்லு சுந்தரி.. தண்டம் வந்தாரா ?

வந்துட்டார் அண்ணே.. சாப்பாடிற்கு   ரொம்ப நன்றி..

 பரவாயில்லை...

அண்ணே ...இருந்தாலும் இவர் உங்களை ரொம்ப புரிஞ்சு வைச்சி இருக்கார்.

புரியல..

இல்ல, சாயங்காலம் உங்களை அந்த கடையில் மறைஞ்சி நின்னு  பார்த்தோம். நீங்கள் வாங்கிய சாமான எல்லாத்தையும் கணக்கு போட்டு கூட்டி கழித்து பார்த்த இவர் ...

நீங்க கண்டிப்பா "பஜ்ஜி இல்லாட்டி டாக்கோஸ்" தான் செய்ய போறீங்கனு அடிச்சி சொன்னார்.

அப்படியா... அப்புறம்..?

நாங்க எல்லாரும் எங்களுக்கும் வேணும்னு அடம் பிடிக்க .. இவர் கவலையே படாதீங்க .. அரை மணி நேரத்தில் வரேன்னு சொல்லிட்டு உங்க வீட்டுக்கு வந்து வாங்கினு வந்தாரு.. ரொம்ப தேங்க்ஸ்.

www.visuawesome.com

Thursday, August 20, 2015

சந்தன காற்றே … எங்கே தவறினோம்…?

 ஒரு மீள் பதிவு ...


சென்ற வாரம் முழுவதும் இந்தியாவில் இருக்கையில் நெஞ்சில் நிற்கும் நிகழ்ச்சிகள் பல காண – கேட்க நேர்ந்தது. இவற்றில் பெரும்பாலானவை அதிக மகிழ்ச்சியை அளிக்கும் நிகழ்ச்சியாக இருந்தது. இருந்தாலும் சில நிகழ்ச்சிகள் மனதை சோகத்தில் ஆழ்த்தியது.

அவற்றில் ஒன்று.

Wednesday, August 19, 2015

உன்னை ஒன்று கேட்பேன்...

புதனும் அதுவுமா ஒரு பதிவு போடலாம்னு உட்கார்ந்தேன். வேலையை முடித்து வீட்டிற்கு வரும் போது .. அடேங்கப்பா, இன்றைக்கு எழுத எவ்வளவோ இருக்கே என்று வந்தேன். இங்கே வந்து அமர்ந்து எழுத ஆரம்பிக்கையில்... ஒன்றுமே எழுத இல்லாததை போல் ஒரு உணர்வு.

கடந்த சில பதிவுகள், உங்கள் கண்ணில் இருந்து தப்பி இருந்தால்...